Jeremías 31:23 - Qheshwa Biblia DC

²³ Israelpa Tukuy Atiyniyoj Señor Diosnin kayta nin: Maypachachus Judaman runasta kutichimojtiy, ujtawan paykuna jallp'ankupi rikhurejtinku, jinallataj llajtankupipis chaypacha nenqanku: Señor bendicichun kay llimphu orqota maypichus cheqa kaj tiyakun chayta.

DIOSPA QHELQACHISQAN DEUTEROCANONICAL

²³ Israelpa Tukuy Atiyniyoj Tata Diosnin kayta nin: Waj suyuman apasqa kasqankumanta paykunata kutichimojtiy, Judá suyu ujtawan paykunaj jallp'ankupi, llajtankupi ima tiyakonqankuña. Chantá nenqanku: Tata Dios saminchachun Diospaj t'aqasqa llajtata, jinallataj Diospa Templonta, maypichus justicia ruwakun, chayta, nispa.

DIOSPA QHELQACHISQ

²³ Israelpa Tukuy Atiyniyoj Tata Diosnin kayta nin: Waj suyuman apasqa kasqankumanta paykunata kutichimojtiy, Judá suyu ujtawan paykunaj jallp'ankupi, llajtankupi ima tiyakonqankuña. Chantá nenqanku: Tata Dios saminchachun Diospaj t'aqasqa llajtata, jinallataj Diospa Templonta, maypichus justicia ruwakun, chayta, nispa.

Jeremías 31:23 ပူးပေါင်းရင်းမြစ်များ

Salmos 128:5

Señorqa Sionmantapacha bendicisuchun, Jerusalempa allin kayninta rikunaykipa, sapa p'unchay kausayniyki tukukunankama.

Salmos 129:8

Pasajkunapis chayta rikuspa mana ninkuchu: Señor chaytaqa bendiciykun, nispa. Noqayku Señorpa sutimpi, qankunata bendiciyku.

Salmos 134:3

Diosninchej janaj pachata kay pachatawan ruwajqa, Sión orqomantapacha bendicisuchun.

Salmos 28:9

Señor, aylluykita salvay, qampata kajkunatataj yanapay. Pusaykachay, waqaychay, ovejata michej jina waqaychay, wiñaypajtaj ichurikuspa pusaykachay.

Isaías 1:21

Sumajta purej llajta, imaraykutaj qhencha warmiman rijch'akunkiri? Ñaupajtaqa tukuy runasniyki allinta ruwaj kanku, cheqantataj kausaj kanku; kunanrí mana jinachu kanku, astawampis runa wañuchis kanku.

Isaías 1:26

Watejmanta juecesniykeqa ñaupajta jina kanqanku, umallichisojkunapis qallariypi jina kanqanku. Chaymantataj nisonqanku: Cheqan kayniyoj llajta, Señorninman may k'asqasqa llajta, nispa.

Isaías 11:9

Chay Santo orqoypeqa mana ima sajratapis ruwanqankuchu, imaraykuchus tukuy jallp'aqa Señorta rejsenqa, imaynatachus marman yaku junt'aykun ajinata.

Isaías 32:16

Ch'in pampapeqa tukuy ima cheqan ruwaylla kanqa, sumajta poqoj jallp'aspipis cheqan ruwayllapuni kanqa.

Isaías 33:5

Señorqa jatunchasqa kanqa, imaraykuchus payqa patapi tiyakun, paylla allin kajwan, cheqan kajwantaj Sionman junt'achenqa.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Jeremías 30:18

Señorqa nin: Jacobpa ayllunta wasinman kutichimpusaj, tukuy nacionninmanta khuyakusaj, llajtaspis chay raqaykuna patallapitaj jatarichisqas kanqanku, palaciospis mayupichus karqanku chayllapitaj.

Jeremías 32:44

Chaypi rantirakonqanku chay trato papelestataj selloyojta qelqaspa ruwakonqanku, testigosniyojta ima. Kay tukoyqa Benjamimpa jallp'asnimpi kanqa, Jerusalempi qayllasnimpitaj, jinataj Judajpa llajtasnimpipis, chay sach'arara orqospi, jinataj mar canto pampaspipis, jinataj Néguev llajtaspipis, imaraykuchus noqa kutichimpusaj chay kausayinkuta. Noqa Señor chayta nini.

Jeremías 50:7

Paykunata chejnikojkunarí taripaspa oqoykoj kanku, nejtaj kanku: Mana noqaykoj juchaykuchu. Paykunaqa Señorpa contrampi juchallikusqankurayku. Paymin cheqamanta michejninkoqa, ñaupa tatasninkoj suyaynintaj.

Abdías 1:17

Jinapis, Sión orqoqa uj santo lugar kanqa. Chayman chay puchojkunaqa ayqekunaqanku. Jacob ayllumanta kajkunaqa jallp'asninkuman kutipullanqankutaj.

Miqueas 4:1

Jaqay qhepa kaj p'unchaykunapeqa, Señorpa yupaychana wasin maypichus qhepakun chay orqoqa churasqa qhepakonqa aswan jatun kaj orqo, tukuy orqosmanta aswan jatumpuni kanqa, tukuy llajtas kajkunataj chayman jamonqanku.

Zacarías 8:3

Jerusalenman kutillasajtaj chaypi tiyakapoj. Chaypacha Jerusalenqa uj cheqata purej llajta kanqa; Tukuy Atiyniyoj Señorpa orqontaj uj santo orqo nisqa kanqa.

Rut 2:4

Jinallamanta Boozqa Belenmanta chayaykamusqa, napaykorqataj ruthojkunasninta: Señor qankunawan kachun!, nispa. Señor qanta bendicisuchun, nispataj kuticherqanku.