Jeremías 31:16 - Qheshwa Biblia DC

¹⁶ Señortaj nin: Raquel, amaña astawan waqaychu, amaña waqaykunasniykita suruchiychu, imaraykuchus chay waqaykunasniykeqa t'inkayoj kanqa; wawasniykeqa enemigosniykej jallp'anmanta kutimponqanku. Noqa Señor chayta nini.

DIOSPA QHELQACHISQAN DEUTEROCANONICAL

¹⁶ Tata Dios nillantaj: Raquel, amaña astawan waqaychu. Waqayniykita pichakuy, wawaykikunarayku ruwasqaykimantaqa t'inkayki kanqapuni. Wawaykikunaqa awqankoj suyunmanta kutimponqanku. Noqa Tata Diosmin chayta nini.

DIOSPA QHELQACHISQ

¹⁶ Tata Dios nillantaj: Raquel, amaña astawan waqaychu. Waqayniykita pichakuy, wawaykikunarayku ruwasqaykimantaqa t'inkayki kanqapuni. Wawaykikunaqa awqankoj suyunmanta kutimponqanku. Noqa Tata Diosmin chayta nini.

Jeremías 31:16 ပူးပေါင်းရင်းမြစ်များ

Génesis 43:31

Sonqon tiyaykojtintaj, waqayninta mayllarqokuspa llojsimuytawan nerqa: Mikhunata apamullaychejña, nispa.

Génesis 45:1

Joseqa manaña astawan waqayninta jark'akuyta atispa, tukuy kamachisninta, qhawarispa nerqa jawaman llojsinankuta. Jinamanta tukuy kamachisnin mana Josewanchu karqanku, pay wauqesninman rejsichikushajtin.

2 Crónicas 15:7

Chayrayku qankunaqa wapuchakuychej, amataj iskayrayaychejchu tukuy ruwasqasniykichejmanta t'inkachisqas kankichej.

Salmos 126:5

Waqaspa tarpojkunaqa, kusiywan cosechata oqharenqanku.

Salmos 30:5

Phiñakuynenqa uj ratollapaj, k'acha kaynintaj tukuy kausaypaj. Ch'isin waqasun chayqa, tutamanta kusikusun.

Eclesiastés 9:7

Chayrayku qanqa riy, kusiywan t'antaykita mikhuy, vinoykitapis tukuy sonqo ujyarikuy; imaraykuchus ruwasqasniykiwanqa Dios mayta kusikun.

Isaías 25:8

Señorqa wañuyta wiñaypaj chinkachenqa; tukuypaj waqayninta Señorqa pichanqa; ayllumpa mana allimpaj qhawasqa kayninkutataj tukuy jallp'amanta chinkachenqa. Ajinata Señorqa nin.

Isaías 30:19

Jerusalempi tiyakoj Sión llajta, manaña astawan waqankichu. Khuyakoj Señorqa waqasqaykita uyarispa khuyakusonqa, nisqaykita uyarispataj kutichisonqapacha.

Isaías 40:10

Señor Diosniykichejqa jatun atiyninwan jamushan, makinwan tukuyta atipaspa. Payqa t'inkanwan jamushan, pagontapis apamushan.

Jeremías 23:3

Noqa kikiytaj chay puchoj ovejasniyta apakapusaj, maymanchus ayqecherqani chay jallp'asmantapacha tantaykusaj, watejmanta pastosninkuman kutiykuchisaj ashkha uñasniyoj kanankupaj.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Jeremías 30:18

Señorqa nin: Jacobpa ayllunta wasinman kutichimpusaj, tukuy nacionninmanta khuyakusaj, llajtaspis chay raqaykuna patallapitaj jatarichisqas kanqanku, palaciospis mayupichus karqanku chayllapitaj.

Jeremías 33:11

Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

Jeremías 33:7

Judamanta, jinataj Israelmanta wijch'usqa kajkunata kutichimpusaj, watejmantataj jatarichisaj qallariypi jina.

Ezequiel 37:21

Paykunaman ninkichej: Atiyniyoj Señorqa kay jinata nin: Israelpa wawasnintaqa, maymanchus rerqanku chay llajtasmanta orqhomusaj, tukuynejmanta tantaykamusaj, jallp'ankumantaj kutirichimusaj.

Oseas 1:11

Chaypacha, Judajpa runasnin jinataj Israelpa runasnimpis tantakonqanku, uj kamachej lata oqharikonqanku, tukuynejmanta Jerusalenman kutimponqanku. May jatunmin kanqa Jezreelpa chay p'unchaynenqa!

1 Tesalonicenses 4:14

Sichus creenchej Jesús wañusqanta, kausarimusqantataj chayqa, ajinallatataj Diosqa, paywan khuska pusanqa, Jesuspi creespa wañojkunata.

Hebreos 11:6

Mana creespaqa, mana atinchejchu Diospa sonqonta kusichiyta; imaraykuchus Diosman qayllaykojqa, creenan tiyan Dios kasqanta, payta mask'ajkunamantaj t'inkachej kasqanta.

Hebreos 6:10

Diosqa cheqan kaspa, mana qonqapunchu ruwasqasniykichejmanta, munakuyta rikuchisqaykichejmanta sutinrayku. Qankunaqa ajllasqasta yanaparqankichej, kunampis yanapashallankichejpuni.