Jeremías 31:11 - Qheshwa Biblia DC

¹¹ Señorqa watejmanta Jacobpa ayllunta jap'ikaporqa, payta kacharicherqa aswan atiyniyojkunamanta.

DIOSPA QHELQACHISQAN DEUTEROCANONICAL

¹¹ Tata Diosmin preciota pagaspa, Jacobpa ayllunta kacharicherqa paykunamanta aswan atiyniyoj suyukunamanta, nispa.

DIOSPA QHELQACHISQ

¹¹ Tata Diosmin preciota pagaspa, Jacobpa ayllunta kacharicherqa paykunamanta aswan atiyniyoj suyukunamanta, nispa.

Jeremías 31:11 ပူးပေါင်းရင်းမြစ်များ

Salmos 142:6

Qhaparikususqayta allinta uyariway, imaraykuchus mana kallpayoj kashani. Qhatiykachawajkunamanta libraway, imaraykuchus noqamanta aswan kallpayoj kanku.

Éxodo 15:16

Paykunaman urmachun kharkatitiy, sustullikuytaj. Makiykej atiyninwan qhasayaspa chujruyachunku rumi jina; Oh Señor, Israel aylluyki pasanankama; kay rantikapusqayki aylluyki pasanankama.

Isaías 44:23

Janaj pachaqa, kusiywan takiy, imaraykuchus kaytaqa Señor ruwan. Jallp'aj ukhusnin kusiywan qhapariychej. Qankuna orqos, montes, chaypi kaj tukuy sach'as ima kusikuywan takiychej. Señorqa atiyninta rikucherqa Jacobpa ayllun israelitasta salvaspa.

Isaías 48:20

Babiloniamanta llojsiychej, caldeosmanta ayqekuychej; kay imasmantaqa kusiywan willamuychej; jallp'aj tukukuyninkama chayachiychej. Chaypachataj niychej: Señorpuni kacharichin, kamachin Jacobta, nispa.

Isaías 49:24

Kallpasapa soldadomanta imatachus qhechusqanta qhechuyta atisunmanchu? Uj jap'isqa runaqa, presochajninmanta ayqekuyta atinmanchu?

Isaías 49:25

Señortaj nin: Cheqamanta jap'isqa runaqa chay jina kallpayoj soldadoj makinmanta qhechusqa kanqa; uj jap'isqapis uj sujsojkiri runaj makinmanta qhechusqa kanqa. Noqa kutichisaj, quejasojniykiwan yachanakusaj, noqa kikiytaj wawasniykitaqa qhechumpusqayki.

Isaías 51:11

Cheqamanta Señorpa orqhomusqasnenqa kutimonqanku, may kusiywan takirispa Sión llajtaman chayamonqanku; kusiyllapipuni kanqanku. Paykunaqa kusikonqanku. Nanaywan, waqaywantaj chinkaponqanku.

Jeremías 50:33

Tukuy Atiyniyoj Señor nin: Israel ayllu, jinataj Judá ayllupis may ñak'arichisqas kashanku. Enemigosninku presosta jap'iykakapunku, manataj kachariyta munankuchu.

Jeremías 50:34

Jinapis chay kacharichejnenqa may kallpasapamin, sutintaj Tukuy Atiyniyoj Señor. Paymin cheqanchanqa; sonqo tiyasqa kaytapis jallp'ankuman apamonqa. Babiloniapi tiyakojkunaman manchachikuyllata apachimonqa.

Lamentaciones 3:58

Almaymanta qanqa Señor kutikuspa sayaykorqanki, kausayniytataj librawarqanki.

Oseas 13:14

Sepulturaj makinmantapis kacharichinaychu kanqa? Wañuymantapis orqhonaychu karqa? Maypitaj kashan, oh wañuy, chay wañuchej atiyniykiri? Manaña kay runaspaj khuyayneyqa kanqañachu!

Zacarías 9:16

Jaqay p'unchaypeqa Señor Dios ayllunta salvanqa ovejasninta jina, paykunataj manchay k'anchaj precioyoj pillupi rumis jina lliphirenqanku kikin jallp'ankupi.

San Mateo 12:29

Chayrí imaynatataj pipis, uj kallpasapa runaj wasinman yaykunman, tukuy imasninta qhechoj, manaraj wasiyojta ñaupajta wataykuspari? Chaymantaraj wasintaqa ch'inyachinman.

San Mateo 20:28

Runaj Churenqa mana sirvichikojchu jamorqa. Astawampis, payqa jamorqa runata sirvej, kausaynintataj qoj; ashkha runa salvasqa kanampaj.

San Mateo 22:29

Jesustaj paykunaman kuticherqa: Qankunaqa pantasqas kankichej, mana Escriturasta rejsisqaykichejrayku, nitaj Diospa atiynintapis.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.