Jeremías 31:10 - Qheshwa Biblia DC

¹⁰ Naciones Señorpa palabranta uyariychej, mar qochaj karu cantosnimpi willaramuychej, nimuychejtaj: Señorqa Israel ayllunta ch'eqeracherqa. Jinapis tantaykamonqa, waqaychanqataj imaynatachus uj michejqa ovejasninta waqaychan ajinata.

DIOSPA QHELQACHISQAN DEUTEROCANONICAL

¹⁰ Suyukuna, Tata Diospa nisqanta uyariychej. Mama qochaj karu kantunkunapi kayta willaramuychej: Tata Diosqa Israel ayllunta ch'eqeracherqa. Jinapis payllataj paykunata tantaykamonqa, waqaychanqataj. Imaynatachus michej ovejankunata michin, ajinata paykunata waqaychanqa, nispa.

DIOSPA QHELQACHISQ

¹⁰ Suyukuna, Tata Diospa nisqanta uyariychej. Mama qochaj karu kantunkunapi kayta willaramuychej: Tata Diosqa Israel ayllunta ch'eqeracherqa. Jinapis payllataj paykunata tantaykamonqa, waqaychanqataj. Imaynatachus michej ovejankunata michin, ajinata paykunata waqaychanqa, nispa.

Jeremías 31:10 ပူးပေါင်းရင်းမြစ်များ

Génesis 10:5

Kaykuna karqanku Jafetpa mirayninmanta kajkuna. Sapa nación, sapa familia kikin jallp'ankupikama, kikin parlayninkuwantaj. Paykuna junt'aykorqanku mar qochaj cantosninman.

Salmos 147:2

Señorqa watejmanta Jerusalenta jatarichin. Ch'eqerasqa israelitasta tantaykun.

Salmos 23:1

Señorqa michejniy; ni imata pisichiwanchu.

Salmos 72:10

Enemigosnimpis ñut'u jallp'ata llajwachunku. Tarsismanta reyes mar qocha cantopi reyespiwan, Sabá reyes, Seba reyespis tasasta qochunku.

Proverbios 27:23

Ovejasniykita sumajta qhaway; ovejasniykita allintapuni michiy.

Isaías 24:14

Chaykunaqa manchay kusiywan jatunmanta qhaparispa takenqanku, mar qochaj cantosninmantapacha Señorpa jatun kayninmanta.

Isaías 27:12

Jaqay p'unchaypi Señorqa erata jina trillanqa Eufrates mayumanta, Egipto mayukama. Qankuna Israelpa wawasnintaj ujmanta tantasqas kankichej.

Isaías 40:1

Qankunaj Diosniykichejqa nin: Sonqochakuychej, sonqochakuychej, israelitasníy.

Isaías 40:11

Uj michej jina ovejasninta michin, corderosta makisninwan marq'arikun, uñayoj kajkunatataj allinta pusanqa.

Isaías 41:1

Mar qocha churuspi kaj runas ch'in kaychej; tukuy llajtas kallpachakuychej. Qayllamuspa allinta parlawaychej, jinamanta yachasunchej pichus cheqan kasqanta.

Isaías 42:10

Uj mosoj takiyta Señorman takiychej. Tukuynin jallp'aj tukukuyninmantapacha payta yupaychaychej, mar qochapi purejkuna, chay qochapi animales kajkuna ima, qocha chaupipi kaj churu llajtas, chay llajtaspi tiyakojkuna ima.

Isaías 42:4

Payqa mana sayk'onqachu, nitaj iskayrayanqachu, kay jallp'a patapi cheqan kajta sayachinankama. Mar qocha cantospi kajkunaqa paypa yachachisqasnimpi suyanqanku.

Isaías 48:20

Babiloniamanta llojsiychej, caldeosmanta ayqekuychej; kay imasmantaqa kusiywan willamuychej; jallp'aj tukukuyninkama chayachiychej. Chaypachataj niychej: Señorpuni kacharichin, kamachin Jacobta, nispa.

Isaías 54:7

Noqaqa pisi p'unchaykunasllata saqerparerqayki, chaywampis jatun khuyakuyniywan jap'ikapullasqaykitaj.

Isaías 60:9

Cheqamanta noqata mar qocha cantosmanta kajkuna suyashawanku, Tarsismanta kaj buques wawasniykiman qolqesninkuta, qorisninkutawan apamunku. Israelpa Santo Diosnimpa sutinrayku qhawachisunki, chay Señor Diosniykej sumajpaj qhawasqa kasqanrayku.

Isaías 66:19

Paykunaj chaupinkuman uj señalta churasaj. Paykunamanta ujnin ayqekoj kajtataj kay nacionesman kachasaj: Tarsisman, Libiaman, flechayta yachaj Lidiaman, chantaqa, Tubalman, Greciaman, mar qocha cantospi karupi tiyakojkunaman. Paykuna noqamanta mana yachankuchu, manataj k'anchayniytapis imaynachus kasqanta rikunkuchu. Chaykunaman ima kachasaj. Imaynachus atiyniy kasqanta paykuna tukuy nacionesman willanqanku.

Jeremías 23:4

Michejkunatataj qhawapunawankupaj churasaj, mana imatapis manchachikunankupaj, nitaj imamanta pisichikunankupaj. Noqa Señor chayta nini.

Jeremías 25:22

Tiromanta Sidonmantapis tukuy reykunasninman; mar qocha nisqa chay jallp'asmanta tukuy reykunasninman ima.

Jeremías 3:15

Noqa qankunaman qosqaykichej allimpaj rijch'awaj kamachejkunasta, paykunataj qankunata kamachisonqachej, sumaj yachaywan, sumaj yuyaywantaj.

Jeremías 50:17

Israelqa uj chinkasqa oveja jinamin, leonespa qhatiykachasqan. Ñaupajtaqa Asiriamanta reyraj mikhuykorqa. Chaymanta Babiloniamanta rey Nabucodonosorñataj tullusninta k'utuykorqa.

Jeremías 50:19

Israel aylluy jallp'anman kutipunanta saqesaj, imaynatachus ovejapaj ashkha pastos tiyan ajina, Carmelopi, Basami, Efraimpa orqosnimpi, Galaadpi ima.

Ezequiel 11:16

Chayrayku paykunaman sutiypi niy: Noqa Señormin paykunata waj nacionesman, waj runakunaj jallp'asninkuman wijch'orqani, chaytaj pisi p'unchaykunallapaj kashan. Mayqen jallp'amanchá renqanku chaypeqa noqallataj Diosta yupaychana wasinku kasaj.

Ezequiel 20:34

Noqa orqhomusqaykichej mayqen aylluspichus, may jallp'aspitajchus ch'eqerasqas kashankichej chaymanta, tantaykusqaykichejtaj jatun atiyniywan phiñakuywan jasut'ispa.

Ezequiel 34:12

Imaynatachus uj michejqa ch'eqerasqa ovejasnin chaupipi rikhurispa rejsirakapun, ajinata noqapis ovejasniyta rejsirakapusaj. Mayqen cheqamanchus phuyusqa p'unchaypi ch'eqerakaporqanku chaykunamanta tarikampusaj.

Ezequiel 37:24

David kamachiy paykunaj reyninku kanqa, uj k'acha michejniyojlla tukuninku kanqanku. Leyesniyta kasonqanku, kamachisqasniytataj ruwaspa junt'anqanku.

Ezequiel 5:10

Chayrayku, qankuna ukhupi wawasninkuta mikhuykojkuna kanqanku, jinallataj wawaspis tatasninkuta mikhuykojkuna kanqanku. Jasut'isniyta qampi rikuchisaj, qanmanta puchojtataj tukuynejman cheqerachisaj.

Ezequiel 5:2

Llajtata muyupayana junt'akojtintaj kinsaman t'aqasqa chujchasmanta uj kajta llajta chaupipi nanawan ruphachinki. Uj cuchillota jap'iy, chaywantaj chay kinsa t'aqamanta uj kaj t'aqa chujchasta llajtaj muyuynimpi k'uturanki. Uj kaj t'aqa chujchastataj wayrawan apachinki. Paykunaj qhepantataj noqa espada oqharisqa risaj.

Daniel (hebreo) 11:18

Chanta maqanakonqa qocha qayllaspi llajtakunaj contranta, ashkhastaj chay llajtasmantaqa makimpi urmanqanku. Chanta uj atiyniyoj kamachejtaj kay p'enqayta chinkachenqa, wichaypi kaj reytawan p'enqaypi rikhurichispa.

Levítico 26:33

Qankunaman maqanakuta apachimusaj, qankunata waj nacionesman ch'eqerachisqaykichej. Jallp'asniykichej ch'inman tukonqa, llajtasniykichejtaj manchay manchachikuna raqayasman tukonqanku.

Miqueas 2:12

Jacobpa ayllunmanta kajkunata tukuyninta tantasaj; Israelmanta uj chhika puchojta oqharikapusaj. Tantaykusaj, ovejasta tropanman tantaykunchej ajinata, pastos chaupipi michisqa ovejas jina kanqanku, may chhika tunas jinataj ch'ajwarenqanku.

Miqueas 4:6

Kayta nin Señor: Jaqay p'unchaypeqa ovejasniyta tantaykusaj jasut'erqani chaykunata; wist'usta, sayk'usqasta, jinataj ch'eqerasqasta. Chaykunawan, chay qhepakojkunawantaj uj atiyniyoj llajtata ruwasaj. Noqa, Señor, Sión orqomantapacha Israel aylluyta kamachisaj, kunan wiñaypajtaj.

Miqueas 5:4

Reyqa jatarikonqa michinampaj chay Israel ayllunta tukuy atiywan, Señor Diospa jatun kaynimpitaj, paykunataj sonqo tiyasqa kaypi tiyakonqanku, imaraykuchus Señor jatunchasqa kanqa tukuy jallp'aj cantosninkama.

Sofonías 2:11

Señorqa may manchachikuna kanqa paykunaj contrankupi. Chay llajtapi tukuynin lantista t'unaykonqa. Tukuynejpi paylla yupaychasqa kanqa. Qocha chaupi churuspi runaspis paytaqa yupaychanqanku.

Sofonías 3:19

Jaqay p'unchaypi noqa sayarisaj ñak'arichisunku chaykunaj contrampi. Chakinmanta onqosqa ovejata yanaparisaj. Chinkasqa kajtataj jap'ikapusaj tukuy jallp'api, mayqempichus qhesachasqa karqa chaykunapi honrasqa, alabasqataj kanampaj.

Zacarías 10:8

Noqa wajyakapusaj, tantaykusajtaj paykunata salvasqayrayku. Chay waj tiempopi jina ujtawan may chhikaman ashkhayallanqankutaj.

Zacarías 2:6

Noqa Señorniykichej nillaykichejtaj: Noqamin qankunata tukuynejman ch'eqeracherqaykichej. Kunantaj niykichej: Usqhayta ayqekuychej jaqay uray llajtamanta. Sión orqopi tiyakorqankichej, kunantaj maypichus wijch'usqas kashankichej chay Babiloniamanta ayqellaychejtaj. Noqa Señormin kayta nini.

Zacarías 9:16

Jaqay p'unchaypeqa Señor Dios ayllunta salvanqa ovejasninta jina, paykunataj manchay k'anchaj precioyoj pillupi rumis jina lliphirenqanku kikin jallp'ankupi.

San Lucas 12:32

Juch'uy tropa ovejasníy, ama manchachikuychejchu, imaraykuchus Tataykichejmanqa allin rijch'an qankunaman reinonta qoy.

San Juan 10:27

Noqa ovejasniyta rejsini, paykunataj vozniyta uyariwanku, qhepaytataj jamunku.

San Juan 11:52

Mana chay ayllunraykullachu wañunan karqa, astawanqa, Diospa wawasnin tukuynejpi ch'eqerasqas kajkunata ujllaman tantaykunampaj.

Deuteronomio 32:26

Noqa yuyarqani tukuynejman paykunata ch'eqerachiyta, kay jallp'a patamantataj sutinkuta chinkachiyta.