Jeremías 31:1 - Qheshwa Biblia DC

¹ Señorqa nillantaj: Chay p'unchaypeqa tukuy Israel aylluspa Diosninku kasaj, paykunataj aylluy kanqanku, nispa.

DIOSPA QHELQACHISQAN DEUTEROCANONICAL

¹ Tata Dios nin: Maypachachus Babiloniamanta kutimponqanku chay p'unchaypi noqa tukuy israelitakunaj Diosninku kasaj, paykunataj aylluy kanqanku, nispa.

DIOSPA QHELQACHISQ

¹ Tata Dios nin: Maypachachus Babiloniamanta kutimponqanku chay p'unchaypi noqa tukuy israelitakunaj Diosninku kasaj, paykunataj aylluy kanqanku, nispa.

Jeremías 31:1 ပူးပေါင်းရင်းမြစ်များ

2 Samuel 7:24

Imaraykuchus qan nerqanki Israelqa wiñaypaj aylluyki kananta, qantaj Señorníy, Diosninku kanaykita.

Salmos 144:15

Kusikuyniyojmin ajina kaj aylloqa, kusikuyniyojmin chay jina Señor Diosniyoj aylloqa.

Salmos 48:14

Diosqa wiñaypa wiñaynimpaj Diosninchej kasqanta. Pay wiñaypaj pusawasunchej.

Isaías 20:6

Chaypacha chay mar qocha cantospi tiyakojkuna nenqanku: Qhawariychej atienekusqanchej nación imapichus rikhurisqanta, ima mana allin kajtimpis payman qayllakoj kanchej, Asiria reymanta jark'anawanchejpaj. Kunanqa imaynallatataj ayqekusunri?

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Jeremías 23:6

Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

Jeremías 3:18

Maypachachus chay p'unchay chayamojtin, Judá aylluwan tantaykukonqa Israel aylluwan khuska. Kutimonqanku wichaynej jallp'amanta qankunaj ñaupa tatasniykichejman chayaqenkupaj jina qarqani chay jallp'asman.

Jeremías 30:10

Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.

Jeremías 30:22

Paykuna aylluy kanqanku, noqataj Diosninku kasaj. Noqa Señor chayta nini.

Jeremías 30:24

Señorpa phiñakuynenqa mana thasnukonqachu imatachus munasqanta junt'anankama. Qhepa p'unchaykunaman tukuy kay imastaqa unanchankichej.

Jeremías 31:33

Jaqay p'unchaykunapi Israelwan tratoyta ruwasaj chayqa, kay jina kanqa: Leyniyta sonqosninkuman churasaj, chantá yuyayninkumampis qelqaykullasajtaj. Noqa Diosninku kasaj, paykunataj aylluy kanqanku. Noqa Señor chayta nini.

Jeremías 32:38

Paykuna aylluy kawanqanku, noqataj Diosninku kasaj.

Jeremías 33:14

Señorqa nillantaj: Mayk'ajchus bendicionesta qonayta nerqani Israel aylluman, Judamampis chayta junt'apunay p'unchay chayamonqa.

Jeremías 33:7

Judamanta, jinataj Israelmanta wijch'usqa kajkunata kutichimpusaj, watejmantataj jatarichisaj qallariypi jina.

Jeremías 50:4

Señorqa nin: Jaqay p'unchaykunapi israelitas, jinataj Judamanta kajkuna ima noqa Señor Diosninkuta waqaspa mask'awanqanku.

Ezequiel 11:20

Chantá paykuna leyesniyman jina kausanqanku, kamachisqasninman jinataj purenqanku, junt'anqankutaj. Paykunaqa aylluy kanqanku, noqataj paykunaj Diosninku kasaj.

Ezequiel 34:24

Noqa Señor Diosnin kasaj, David kamachiytaj jatun kamachejnin kanqa, Noqa Señormin kaytaqa nini.

Ezequiel 34:31

Qankunaqa ovejasniy kankichej, sumaj pastosniyoj jallp'api kaj tropa ovejasniy. Noqataj Diosniykichej kani, nin Señorqa.

Ezequiel 36:28

Ñaupa tatasniykichejman qorqani chay jallp'apitaj tiyakunkichej. Qankuna aylluy kankichej, noqataj Diosniykichej kasaj.

Ezequiel 39:22

Chay p'unchaymantapacha ñaupajman Israel aylloqa noqa Señor Diosnin kasqayta yachanqa.

Ezequiel 39:25

Chayrayku Señorqa kay jinata nin: Kunanqa Jacobpa mirayninta kutirichimpusaj, Israel ayllumantaqa tukuyninkumanta khuyakusaj, santo sutiyta ama ch'ichichanankuta mana saqesajchu.

Oseas 1:11

Chaypacha, Judajpa runasnin jinataj Israelpa runasnimpis tantakonqanku, uj kamachej lata oqharikonqanku, tukuynejmanta Jerusalenman kutimponqanku. May jatunmin kanqa Jezreelpa chay p'unchaynenqa!

Levítico 26:12

Noqa qankunaj chaupiykichejpi purisajpuni Diosniykichej kasaj, qankunataj noqaj aylluy kankichej.

San Juan 20:17

Jesús payman nerqa: Ama llankhawaychu, imaraykuchus manaraj Tatayman wicharishanichu; astawanqa hermanosniyman willamuy: Tatayman, Tataykichejman, Diosniyman, Diosniykichejmantaj wicharishani.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

Hebreos 12:16

Ama pipis sajrata purichunchu, Diosta mana kasoj Esaú jina, pichus uj mikhunaraykulla kuraj kayninta chhalarqa.