Jeremías 30:7 - Qheshwa Biblia DC

⁷ Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

DIOSPA QHELQACHISQAN DEUTEROCANONICAL

⁷ Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

DIOSPA QHELQACHISQ

⁷ Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Jeremías 30:7 ပူးပေါင်းရင်းမြစ်များ

Génesis 32:7

Paytaj chayta uyariytawan mayta mancharikorqa, maytataj unanchakorqa imatachus ruwayta atinampaj. Chay ratopacha iskay t'aqararqa pischus paywan kasharqanku chaykunata. Jinallataj wakasta, ovejasta, camellosta, ima, yuyaspa: Sichus chay Esaú ñaupaj kaj t'aqawan maqanakonqa chayqa, qhepan kaj t'aqaqa ayqekonqa, nispa.

Salmos 25:22

Señorníy, tukuy llakiykunamanta Israelta libray.

Salmos 34:19

Cheqan sonqoyoj runapaj tukuy llakiykuna jatarin, chaywampis Señorqa tukuy chay llakiykunamanta orqhon.

Isaías 20:6

Chaypacha chay mar qocha cantospi tiyakojkuna nenqanku: Qhawariychej atienekusqanchej nación imapichus rikhurisqanta, ima mana allin kajtimpis payman qayllakoj kanchej, Asiria reymanta jark'anawanchejpaj. Kunanqa imaynallatataj ayqekusunri?

Jeremías 14:8

Israelpa suyaynin qan kanki, ñak'ariykuna p'unchaykunaspitaj qanqa salvajniyku kanki. Imaraykutaj kay llajtaykupi uj mana rejsisqa runa jina kanki, chayri, imaynatachus uj ñan purejqa uj ch'isillata qheparikun ajinatari?

Jeremías 2:27

Uj k'aspita ninkichej: Qan tatay kanki!, nispa. Uj rumitataj ninkichej: Qan mamay kanki!, nispa. Noqamantaj wasanchakuwankichej, manataj uyaykichejta rikuchikuwankichejchu. Maypachachus ñak'ariypi rikhuriytawankamari, nishawankichej: Jamuy salvanawaykupaj!, nispa.

Jeremías 2:28

Judá, maypitaj chay ruwakusqasniyki dioskuna kashankuri? Mashkhachus llajtasniyki chay chhikallataj dioskunasniyki tiyapusunku. Ñak'ariyman chayajtiyki paykuna jamuspa salvasuchunku.

Jeremías 30:10

Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.

Lamentaciones 1:12

Qankuna, ñanta rejkuna, manachu sonqoykichejta noqamanta nanachikunkichej? Sayarispa qhawariwaychej, kay llakiyta ñak'arishani chaymanta astawan llakiy kanchus manachus chayta. Kay jinataqa Señorpuni jasut'ishawan k'ajaj phiñakuynimpi.

Lamentaciones 2:13

Chaymantaqa pi rikojtataj pusamusqaykiri? Jerusalempa ususin, pimantaj rijch'achisqaykiri? Siompa llimphu ususin, pimantaj rijch'achisqayki qanta sonqochasunaypajri? Qampa llakiyniykeqa mar qocha jina may jatumpuni. Pitaj kunanqa thañichisonqari?

Lamentaciones 4:6

Ayllusniypa wawasnenqa astawan juchata ruwanku Sodomamanta nisqaqa. Chay llajtaqa ujllapi chinkachisqa karqa, manaraj enemigos qayllaykushajtinku.

Daniel (hebreo) 12:1

Chaypacha aylluykita qhawaj kuraj ángel Miguelqa rikhurimonqa. Chaypachataj may llakiy kanqa. Chay jinaqa manapuni jayk'ajpis karqachu runas kasqankumantapacha. Chay tiempo chayamojtintaj aylluykimantaqa libropi sutisnin qelqasqa kajkunalla salvasqas kanqanku.

Daniel (hebreo) 9:12

Kay jatun jasut'ita apachimuspa qan junt'anki imatachus niwasqaykuta, noqaykuman, jinallataj kamachejkunamampis. Manapuni mundontimpi karqachu jayk'ajpis, Jerusalenman chayamun chay jasut'iman rijch'akojqa.

Oseas 1:11

Chaypacha, Judajpa runasnin jinataj Israelpa runasnimpis tantakonqanku, uj kamachej lata oqharikonqanku, tukuynejmanta Jerusalenman kutimponqanku. May jatunmin kanqa Jezreelpa chay p'unchaynenqa!

Joel 1:15

Way, Señorpa p'unchaynin qayllamushanña! Chay jatun manchachej p'unchayqa tukuy atiyniyoj Diosmanta t'unaykuyta apamushawanchej!

Joel 1:2

Kurajkuna kaytaqa allinta uyariychej, jinallataj qankunapis kay llajtapi tiyakojkuna. Qankuna rikorqankichejchu jayk'ajpis kayman rijch'akojta? Tatasniykichejqa tiemponkupi kayman rijch'akojta rikojchu kanku?

Joel 2:11

Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

Joel 2:31

Inteqa laqhaman tukonqa. Killataj yawarman jina tukonqa. Chay p'unchayqa mayta mancharinapaj jina Señorpa jatun p'unchay kanqa.

Miqueas 4:9

Kunanrí, imarayku ajinata qhaparinki uj onqokoj warmi nanayninwan jinari? Manachu qampi reyqa tiyan? Chayri umachasojkunachu wañupusqanku?

Habacuc 3:16

Kay tukuy imasta uyarispa manchachikorqani. Parlasqaypipis simiy kharkatiterqa; chakisniypis mana sayayta aterqachu chantá tukuy ukhuynintin llauchhuyaporqa. Chaywampis alliywan suyallasaj, maypachachus Dios chay ñak'arichiwajninchejpa soldadosninta ñak'ariyman churanqa chay p'unchayta.

Zacarías 14:7

Diospa uj k'ata p'unchaynin kanqa. Paypa rejsisqallan chay p'unchay kanqa. Manaña rejsikonqachu p'unchay nitaj tutapis. Ch'isimpis k'anchayllapuni kanqa.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

Marcos 13:19

Chay p'unchaykunapeqa manchay llakiykuna kanqa; chay jina llakiykunaqa mana jayk'ajpis rikukorqachu, Dios kay mundota ruwasqanmantapacha kunankama; nillataj qhepamampis kanqachu.

Hechos 2:20

Inti laqhayaykonqa, killataj yawar jina pukayaykonqa, manaraj Señorninchej Jesucristoj jatun p'unchaynin k'ancharispa rikhurimushajtin.

Romanos 11:26

Chayrayku tukuy Israel ayllu salvasqa kanqa, imaynachus escribisqa kasqanman jina: Sionmanta uj kacharichej jamonqa, Jacobpa mirayninmantataj mana allin kajta karunchenqa.

Apocalipsis 6:17

Paypa k'ajaj phiñakuynimpa jatun p'unchaynin chayamunña. Pitaj atenqa sayaytari?