Jeremías 30:6 - Qheshwa Biblia DC

⁶ Tukuyta tapurikuychej, uj qhari atinmanchu nacechikuyta, imaraykuchus qharista rikuni, uj wijsayoj warmej nanaykunasninwan jina q'ewiykachakojta. Imaraykutaj uyasninku q'ellu q'ellulla kashanri?

DIOSPA QHELQACHISQAN DEUTEROCANONICAL

⁶ Ujta tapurisqaykichej: Qhareqa atinmanchu wawata paqarichikuyta? Chayta nini, imaraykuchus qharikunata rikuni onqoj warmi jina nanaywan q'ewiykachakojta. Imaraykutaj aya uyapacha kashankuri?

DIOSPA QHELQACHISQ

⁶ Ujta tapurisqaykichej: Qhareqa atinmanchu wawata paqarichikuyta? Chayta nini, imaraykuchus qharikunata rikuni onqoj warmi jina nanaywan q'ewiykachakojta. Imaraykutaj aya uyapacha kashankuri?

Jeremías 30:6 ပူးပေါင်းရင်းမြစ်များ

Salmos 48:6

Chay kikimpi manchachikuywan jap'ichikorqanku, onqokunan horapi warmi nanaywan q'ewichikun jinata.

Isaías 21:3

Chayrayku tukuy ukhuy nanawan, onqoy warmi imaynatachus nanaywan q'ewiykachakun, ajinata q'ewiykachakuni. Chay llakikusqayqa mana uyarejta saqewanchu, manchachikuywan mana rikuytapis atinichu.

Isaías 29:22

Chayrayku Israelpa Diosnin, Abrahamta libraj Señorqa, Jacobman nin: Jacob, mana kunanqa p'enqachisqachu kanki, manataj uyaykipis khuyay khuyayta qhawaykachanqachu.

Jeremías 13:21

Ima ninkitaj, qan Jerusalén, qampa yachachisqayki runasllawantaj kamachisqa kaspari? Onqoj warmej nanaykunasnin jina jamusonqanku.

Jeremías 22:23

Kunan qanqa thapaykipi k'acha karikushanki, Libanomanta chay apamusqa cedros chaupipi. Chantaqa ñak'arinki, maypachachus wijsayoj warmej nanaykunasnin jina jamusojtin.

Jeremías 4:31

Nanaywan qhapariykunasta uyarini, uj warmi, ñaupaj kaj wawanta nacechikuspa nanaywan qhaparqachan ajina. Chaykunaqa Sión orqoj qharparikusqasnin kanku, makisnintataj jaywarakun. Ay noqamanta! Kay runa wañuchis wañuchishawankuña!, nispa.

Jeremías 48:41

Llajtas chantá pakakuna wasispis urmanqanku enemigospa makisninman. Chay p'unchaypi Moabpa maqanakojkunasnin kharkatenqanku, imaynatachus onqokoj warmi nanaywan kharkatin ajinata.

Jeremías 49:22

Bosraj contrampi uj enemigo oqharikonqa, imaynatachus uj anka lijrasninta kichariytawan oqharikun, ajinata. Chay p'unchaypeqa Edompa maqanakojkunasnin kharkatitenqanku onqokoj warmi jina.

Jeremías 49:24

Damasco runasqa manaña kallpayoj kaspa ayqej tukunku, sinch'i t'ukuyllawanña atipachikunku, jinataj ñak'ariywan nanaywantaj, onqoj warmej nanayninwan jina.

Jeremías 50:43

Babiloniamanta reyrí, kay imasta yachaytawankama mancharikuywan mana imanakuyta aterqachu. Ñak'ariypi, nanaypitaj kasharqa uj onqokoj warmi jina.

Jeremías 6:24

Jerusalempi runasqa ninku: Chaykunamanta parlajta uyarispaqa kallpayku wañun, onqokoj warmi jinataj ñak'ariypi nanaypitaj kashanku.

Oseas 13:13

Israelpaj chayamun nacechikunan rato, jinapis chay wawari may wampu kasqa, mana allinmanta nacekamunampaj jinallapis cheqanchakorqachu, mana nacekamuyta munaspa.

Joel 2:6

Chayta rikuspa runas kharkatitinku. Tukuypa uyasninkutaj q'elluman tukunku.

Nahúm 2:10

Niniveqa q'ala phirisqa, ch'impacha, tukuy iman pampachasqa kashan. Mancharikuywan sonqosninkoqa p'akikushanña, moqosninkupis kharkatitishan. Tukuyninkoj kallpasninkupis manaña kanchu. Uyasninkupis manaña paykunapichu kanku; q'ellu q'ellullaña kanku.

1 Tesalonicenses 5:3

Maypachachus runakuna nenqanku: Sonqo tiyasqa, waqaychasqataj kayku, nispa; chaypacha ujllata paykunaman wañuy jamonqa, imaynatachus onqoj warmiman nanay jamun, ajinata; paykunataj mana ayqeyta atenqankuchu.