Jeremías 30:18 - Qheshwa Biblia DC

¹⁸ Señorqa nin: Jacobpa ayllunta wasinman kutichimpusaj, tukuy nacionninmanta khuyakusaj, llajtaspis chay raqaykuna patallapitaj jatarichisqas kanqanku, palaciospis mayupichus karqanku chayllapitaj.

DIOSPA QHELQACHISQAN DEUTEROCANONICAL

¹⁸ Tata Dios nillantaj: Jacobta waj suyuman apasqa kasqanmanta kutichimusaj, suyunmantataj khuyakusaj. Llajtanqa raqaykuna patallapitaj watej sayarichisqa kanqa. Kamachina wasikunapis, maypichus karqanku, chayllapitaj sayarichisqa kanqanku.

DIOSPA QHELQACHISQ

¹⁸ Tata Dios nillantaj: Jacobta waj suyuman apasqa kasqanmanta kutichimusaj, suyunmantataj khuyakusaj. Llajtanqa raqaykuna patallapitaj watej sayarichisqa kanqa. Kamachina wasikunapis, maypichus karqanku, chayllapitaj sayarichisqa kanqanku.

Jeremías 30:18 ပူးပေါင်းရင်းမြစ်များ

1 Crónicas 29:1

Chaymanta rey Davidqa tukuy tantasqa runasman nerqa: Waway Salomón k'atallata Diosqa ajllan, payqa wayna runallaraj, wasi ruwanataj may jatun kashan, imaraykuchus kay ruwanaqa mana runaj tiyakunampajchu kashan, manachayqa Señor Diosta yupaychana wasi kanqa.

1 Crónicas 29:19

Waway Salomonmampis qollaytaj cheqa sonqoyoj kayta, kamachisqasniykita, nisqasniykita, leykunasniykitapis junt'ayta atinampaj. Tukuy chaykunata ruwaspa Diosta yupaychana wasita sayarichinampaj, chaypajqa noqa wakichiniña.

Nehemías 7:4

Llajtaqa may jatun, chhikan campoyojtaj karqa. Chaypitaj runasqa pisillaraj tiyakorqanku, manaraj watejmanta wasis oqharisqachu kasqanrayku.

Salmos 102:13

Sayarikuspa Sionmanta khuyakunki. Tiempoña khuyakuyniykeqa, junt'akunña perdonanaykipaj horaqa.

Salmos 102:14

Kamachisniykeqa thuñisqa rumisninkutapis munakunku. Raqaykunasta rikuspa, sonqonku nanan.

Salmos 122:7

Perqasniyki ukhupi sonqo tiyakuy kachun, palacioyki ukhupitaj allin kay kachun.

Salmos 48:13

Qhawaychej perqasninta. Rikuychej jatun wasisninta, qhepata jamojkunaman willayta atinaykichejpaj,

Salmos 48:3

Diosqa Jerusalén palaciompi kashan, Diosninchejqa rejsichikun, paypi sumaj pakakuna kasqanta.

Salmos 78:69

Diosta yupaychana wasita sayacherqa cielota jina, jallp'ata jinataj wiñaypaj sayachin.

Salmos 85:1

Señor, qanqa may k'acha kanki kay aylluykiwan, Israelman kusikuyta kutichinki.

Isaías 44:26

Kamachisniypa palabrasninta sut'iman orqhoni. Chay kachasqasniypa yuyasqankuta sut'iman orqhoni. Chaymantaqa noqa nini Jerusalenqa runa junt'ayoj kananta. Jinallataj Judá jallp'aj llajtasnimpis, watejmanta ruwasqas kanqanku, urmasqa raqaykunasninkutapis watejmanta sayarichisaj.

Isaías 44:28

Kamachej Cirotapis nini: Qanqa michejniy kanki, qanqa ruwanki imatachá munasqayta, nispa. Jerusalentapis nillanitaj: Qanqa watejmanta ruwasqa kanki. Diospa wasintapis nillanitaj: Qantapis watejmanta sayachisonqanku, nispa.

Jeremías 23:3

Noqa kikiytaj chay puchoj ovejasniyta apakapusaj, maymanchus ayqecherqani chay jallp'asmantapacha tantaykusaj, watejmanta pastosninkuman kutiykuchisaj ashkha uñasniyoj kanankupaj.

Jeremías 29:11

Noqa yachani imastachus qankunapaj wakichishasqayta, chaykunaqa qankuna allinta kausakunaykichejpaj, manataj ima sajrapis qankunaman jamunampaj, jinamanta jamojpi allin kajta suyasqaykichejman jina jap'inaykichejpaj. Noqa Señor chayta nini.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Jeremías 31:23

Israelpa Tukuy Atiyniyoj Señor Diosnin kayta nin: Maypachachus Judaman runasta kutichimojtiy, ujtawan paykuna jallp'ankupi rikhurejtinku, jinallataj llajtankupipis chaypacha nenqanku: Señor bendicichun kay llimphu orqota maypichus cheqa kaj tiyakun chayta.

Jeremías 31:38

Señorqa nin: Uj p'unchay jamonqa, chaypacha Israelqa jatarichisqallataj kanqa, Hananeel torre chaymantapacha esquinapi punkukama.

Jeremías 31:4

Israel, watejmanta oqharisqayki. Watejmanta chhulloj chhullojkunawan jamunkichej kusiywan tusurispa.

Jeremías 31:40

Tukuynin valle maypichus wañusqasta p'ampanku, ushphatataj qhallinku chaykuna, Cedrón mayu chay patapi tukuy kaj campospis, caballospa yaykunan punkun esquinakamataj, inti llojsimuynejmanqa noqapaj t'aqasqas kanqanku, chay tukuytaj manaña jayk'ajpis urmachisqaschu, nitaj tukuchisqaschu kanqanku.

Jeremías 32:15

Tukuy Atiyniyoj Israelpa Señor Diosnin nin: Kay jallp'api rantillanqankupuni wasista, jallp'asta uvas huertastapis, nispa.

Jeremías 32:44

Chaypi rantirakonqanku chay trato papelestataj selloyojta qelqaspa ruwakonqanku, testigosniyojta ima. Kay tukoyqa Benjamimpa jallp'asnimpi kanqa, Jerusalempi qayllasnimpitaj, jinataj Judajpa llajtasnimpipis, chay sach'arara orqospi, jinataj mar canto pampaspipis, jinataj Néguev llajtaspipis, imaraykuchus noqa kutichimpusaj chay kausayinkuta. Noqa Señor chayta nini.

Jeremías 33:11

Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

Jeremías 33:7

Judamanta, jinataj Israelmanta wijch'usqa kajkunata kutichimpusaj, watejmantataj jatarichisaj qallariypi jina.

Jeremías 46:27

Kamachiy Jacobpa ayllun, ama mancharikuychu. Ama manchachikuychu, Israel. Qanta jinataj wawasniykitapis noqa kacharichisaj chay karu jallp'aspi wijch'usqas kashanku chaymanta. Watejmanta sonqo tiyasqa kausakunki ni pejpa nisqan.

Jeremías 49:39

Jinapis jamoj p'unchaykunapeqa mana aswan allinman noqa tukuchisaj, Elam runasta llajtankuman kutichimpusaj. Noqa Señor chayta nini.

Jeremías 49:6

Chantá qhepamanqa Amón allajtaj runasninta kutichimpusaj. Noqa Señor chayta nini. Edomitaspa contrampi willay.

Ezequiel 36:11

Qankunapi runasta ashkhata miraykuchisaj. Miranqanku, wiñanqankutaj. Ñaupa tiempospi may chhikachus kaj kanku, chay jina ashkhallataj kanqanku. Qankunataj ñaupa karqankichej, chaymantapis aswan allintaraj tiyakunkichej. Yachankichejtaj noqa Señor kasqayta.

Amós 9:14

Chaymanta karu llajtaman wijch'usqamanta Israel aylluyta pusakampusaj. Watejmanta sayarichenqanku t'unasqa llajtankuta, chaypitaj tiyakonqanku; watejmanta uvaskunata plantanqanku, vinotataj ujyanqanku. Chaymanta huertasta ruwanqanku, chaykunapi poqojtataj mikhonqanku.

Zacarías 1:12

Señorpa angelnin nerqa: Tukuy Atiyniyoj Señor, qanchis chunka watastaña phiñasqa kanki Jerusalempaj, Judá llajtaspajpis. Mayk'ajkamataj paykunamanta mana khuyakunkichuri?, nispa.

Zacarías 1:16

Chaywampis, noqa Señorniykichej nini: Khuyayniywan kutiykuni Jerusalenman. Yupaychana wasiy chaypi sayarichisqa kanqa. Jinataj tukuy llajtantin watejmanta jatarichisqas kanqanku.

Zacarías 12:6

Jaqay tiempopeqa, Judamanta kurajkunasnenqa llant'a ukhupi nina brasas k'ajarishajta jina ruwasaj, trigo q'apis ukhupi uj k'anchanata jina ruwasaj. Jerusalenmanta qayllapi kaj llajtakunata lloq'emantaj pañamantaj tukurachenqanku, Jerusalempi tiyakoj kanku chaykunataj watejmanta kutiykaponqanku chay llajtankupi tiyakapoj.

Zacarías 12:7

Ñaupajtaqa, noqa Señor salvasaj Judajpa ayllunmanta kajkunataraj, jinamanta Davidpa wawasnin nitaj Jerusalempi tiyakojkunapis, Judaj ayllunmanta astawan jatunyaspa runaykachanankupaj.

Zacarías 14:10

Tukuy jallp'aqa pampachasqa kanqa Jerusalenmanta surnejpi chay Gabamanta Rimonkama. Jerusalén llajtaqa wichaynejpiña rikhurenqa, chaynejpitaj tiyakonqanku Benjamimpa punkunmantapacha Esquina punkukama. Chaypi ñaupa punku karqa. Jinataj Hananeelpa torrenmantapacha reypa aceitenta ruwanasninkama.