Jeremías 30:14 - Qheshwa Biblia DC

¹⁴ Tukuy munapayasojkuna qonqapusorqanku; manañataj pipis qanmanta llakikunchu. Noqa qantaqa nanaykucherqayki enemigosniykipis kayman jina, manchay sinch'ita jasut'erqayki may chhika sajra ruwasqasniykimanta, mana yupay atina juchasniykimanta ima.

DIOSPA QHELQACHISQAN DEUTEROCANONICAL

¹⁴ Tukuy waynaykikuna qankunamanta qonqapusonqanku, manañataj pipis qankunamanta yuyarikonqankuchu. Noqa qankunata k'irerqaykichej awqaykichejpis kayman jina. May chhika millay ruwasqaykichejmanta manchay sinch'ita jasut'erqaykichej, mana yupay atina juchaykichejmanta ima.

DIOSPA QHELQACHISQ

¹⁴ Tukuy waynaykikuna qankunamanta qonqapusonqanku, manañataj pipis qankunamanta yuyarikonqankuchu. Noqa qankunata k'irerqaykichej awqaykichejpis kayman jina. May chhika millay ruwasqaykichejmanta manchay sinch'ita jasut'erqaykichej, mana yupay atina juchaykichejmanta ima.

Jeremías 30:14 ပူးပေါင်းရင်းမြစ်များ

Job 16:9

Phiñakuyniyki mitha noqawan contraypi kasqanrayku kirusninta k'arurichin contrayta; enemigoypis kanman jina ñawisninwan leqhowan.

Job 19:11

Phiñakuyninta noqaj contrayta k'ajarichin, enemigonta jinataj qhawawan.

Job 30:21

Qanqa noqapaj may phiñasqa kanki. Makiykej atiyninwan qhatiykachawanki.

Salmos 107:17

Onqosqas llakisqastaj karqanku sajra ruwasqankurayku, juchasninkuraykutaj.

Isaías 57:13

Yanapata mañakuspa qhaparejtiyki chay lantiyki librasuchun. Chaywampis paykunata wayralla aparanqa, uj phukuyllapi chaykunaqa chinkarichisqas kanqanku. Pichus noqapi atienekojrí, chay jallp'ata chayaqempaj jap'ikonqa, Santo orqopitaj tiyakonqa.

Jeremías 14:17

Aylluyman niy kayta: Tuta p'unchay mana sayk'uyta ñawisninkumanta waqaykunas surumuchunku, aylluypa chay jina sinch'i ñak'ariyninmanta, sinch'i nanasqasniyoj kasqanmanta.

Jeremías 2:36

Imaraykutaj chhikata apurakunki kausaqesniykita cambianaykipajri? Egiptopis ch'aukiyasonqa imaynatachus Asiriapis ch'aukiyasorqa ajinata.

Jeremías 22:20

Qan, Judá, Líbano, orqoman wichariy, qhapariytaj. Jatunmanta Basán orqospi waqay. Abarim lomasmantapacha qhapariy, imaraykuchus tukuy kausaqesniyki tipasqasña kanku.

Jeremías 22:22

Tukuy kurajkunasniykita wayralla oqharenqa, munasqasniykitaj waj jallp'asman wijch'usqas kanqanku. Qantaj p'enqaypi k'umuykachashaj rikhurinki chay tukuy juchasniykirayku.

Jeremías 30:15

Imaraykutaj nanasqasniykimanta qhaparqachankiri? Nanasqasniykeqa mana jampikuyniyoj, ashkha sajra ruwasqasniykimanta, mana yupay atina juchasniykiraykutaj. Ajinata qanwan ruwani.

Jeremías 32:29

Llajtata jap'ikapoj caldeosqa yaykuykuspa ninawan jap'iykuchenqanku; maypichus Baalman inciensosta q'osñichej kanku, jinataj vinosta jaywaj kanku mana rejsisqa dioskunaman, noqata phiñachinawankupaj, chay wasistawan khuska ruphaykuchenqanku.

Jeremías 32:30

Qallariymantapacha Israel aylloqa, chantá Judá ayllupis noqaman mana allimpajchu rijch'awarqa chay imasta ruwarqanku. Israelitasqa phiñachillawajpuni kanku paykunaj kikinkoj ruwasqanku lantista yupaychaspa. Noqa Señor chayta nini.

Jeremías 32:34

Llimphuchasqa yupaychanay wasiyta uj p'enqaypi rikhuricherqanku, chayman chay millay lantisninkuta churaykuspa.

Jeremías 32:35

Jinallataj Baalman Ben-hinom vallepi altarkunasta ruwarqanku, chaypi qhari wawasninkuta Molocman ruphachinankupaj, jinamanta Judata juchallichispa. Millay imasta ruwanankutaqa mana kamacherqanichu, ni yuyallarqanipischu chaytaqa.

Jeremías 38:22

Judamanta reypa palaciompi tukuy qhepakojkuna warmista orqhospa Babiloniamanta reypa kurajkunasninman jaywaykonqanku. Chay warmis kay jinata nenqanku: Paypa aswan sumaj kausaqesnillataj payta wasancharqanku, atipaykorqankutaj; chakisninta t'uruman sat'iykucherqanku, saqerparispataj riporqanku.

Jeremías 4:30

Qanrí, raqayllaña kaj llajta, Imapajtaj puka p'achaswan p'achallikunkiri? Imapajtaj qori k'achanchanaswan k'achanchakunkiri? Imapajtaj ñawisniykita yanawan tiñikunkiri? Mana imapaj allinchu kasonqa chay k'achanchakusqasniykeqa, tukuy munapayasojkunaqa qhesachasunkuña, astawampis wañuchinasunkupaj mask'ashasunku.

Jeremías 44:22

Señorqa manapuni rikuyta aterqachu qankunaj chay millay ruwasqasniykichejta, chay ruwasqasniykichejqa payman mana allimpajchu rijch'an. Chayraykumin qankunaj jallp'aykichejqa ch'inyachisqa kashan, mana runayoj; tukuy yachaqakunampaj jina maldicisqa mancharikunapaj jina kashan.

Jeremías 5:5

Chay jatun wiraqochisman risaj, paykunamantaj parlamusaj. Paykunaqa yachanqankupuni imachus Señorpa munaynin kasqanta, Diospa kamachisqantataj. Chaywampis, tukuyninku Diospa contrampi oqharikusqanku, manataj kasuyta munasqankuchu.

Jeremías 5:6

Chayraykumin montemanta leones llojsimuspa wañurachenqanku, chay ch'in pampamanta atojkunataj t'isaranqanku, onzaspis llajtasninku qayllapi qhatiykachanqanku. Llajtasninkumanta llojsejtinkutaj paykunata t'isaranqanku, imaraykuchus ashkha kutista juchallerqanku, ashkha kutistataj wasanchararqanku.

Jeremías 50:42

K'uru wach'inaswan, jinataj fierro t'ojsinaswan wakichisqasña kashanku. Sajras mana uj chhikan khuyakuyniyoj kanku. Qhaparqachasqasninkoqa mar qochaj qhollchoqeyasqan jina, caballospi lloq'asqastaj rishanku. Ñapis Babiloniaj contrampi maqanakuman yaykunankupajña kashanku.

Jeremías 6:23

Lanzaswan, wach'ina arcoswan ima wakichisqasña kanku. Ancha sajras kanku, mana uj chhika khuyakuyniyojtaj, qhaparqachasqankoqa mar qochaj sonaynin jina kanku, caballospi montasqas rishanku. Chaykunataj Siompa contrampi maqanakunankupaj wakichisqasña kanku.

Lamentaciones 1:19

Munasqasniyta qhawarikorqani, paykunataj astawan ch'aukiyawanku. Sacerdotesniywan, kurajkunasniywanqa llajta ukhupi tukukunku, kausanankupaj mikhunata mask'akuspa.

Lamentaciones 1:2

Tukuy tuta, sonqo nanayta waqan; waqaynenqa uyan urayta sururishan. Mana mayqen munasqallampis sonqochaykurej kanchu; tukuy kausaqesnin wasancharqanku, enemigosninmantaj tukorqanku.

Lamentaciones 2:1

Chay jinapuni kasqa Señorpa phiñakuynenqa, chhika sumaj Sión llajtata laqhaykuchin. Israelitaspa k'acha kayninkuta, janaj pachamanta kay jallp'a pataman urmaykuchimun; chay jina k'ajaj phiñakuyninwan Señorqa maymanchus chakinta churanamanta mana yuyarikullampischu.

Ezequiel 23:22

Aholiba, chayrayku Señorqa kay jinata nin: Kunan sonqoyki millachikun, chay munapayasojkunataqa contraykipi jatarichisaj, tukuynejmantataj qampa contraykipi kachaykamusqayki: Babiloniamanta kajkunata caldeosta, Pekodmanta kajkunata, Soamanta, Coamanta ima, chantá asiriokunatawan; paykunaqa munapayanapaj jina sumachaj waynas, kurajkuna, jatun kamachejkunataj, maqanakunapaj atiyniyoj capitankunataj, paykunaqa tukuyninku caballospi purejkuna kanku.

Ezequiel 23:9

Chayrayku, paytaqa asirio waynasman jap'icherqani, mayqenkunatachus paypis munapayarqa chayman.

Daniel (hebreo) 9:11

Israelita runakunaqa, yachachisqasniykita tukuyninku mana kasorqankuchu. Kamachiyniykita kasunankuta qonqakaporqanku. Chayrayku kunanqa, kamachiyki Moisespa leynimpi juramentowan qelqasqa kashan chay maldicionqa pataykuman urmamuwayku, imaraykuchus contraykipi juchalliyku.

Daniel (hebreo) 9:13

Tukuy kay jasut'eqa chayamuwayku, Moisespa leynimpi qelqasqa kasqanman jina. Noqaykurí, mana mask'asorqaykuchu, Señor Diosniyku, manataj sajra kausayniykuta saqerqaykuchu, nillataj cheqa kajtapis qhaterqaykuchu.

Daniel (hebreo) 9:5

Noqayku juchalliyku, millay imasta ruwayku, sajra kajta ruwayku, qanta mana kasuspataj kausayku. Kamachisqasniykimanta, imatachus ruwanaykuta nisqasniykimantawan karunchakuyku.

Oseas 2:5

Maman qhenchachakorqa, honranta t'akarqa kay jinata nispa: Risaj mask'amusaj munasqasniyta, paykuna qowanku t'antayta, ujyanayta, millmayta, linoytapis, chantá aceiteyta ujyanasniytapis.

Oseas 5:14

Imaynatachus uj león oqoykunampaj phawaykun, ajinata noqapis Efrainta Judatawan ruwasaj; noqa kikiy t'unarpariytawankama ripusaj; jap'ejtiykamaqa ni pipis qhechuyta atiwanqachu.

Abdías 1:7

Tukuy qanwan kajkunapis wasanchasorqanku, kikin jallp'aykimanta wijch'usorqanku. Kikin kausaqesnillaykitaj contraykipi churakorqanku, atienekorqanki chay kausaqesnillaykitaj urmanaykipaj tojllata churapusorqanku. Edompataqa mana yuyaynin kanchu!