Jeremías 30:13 - Qheshwa Biblia DC

¹³ Mana pipis qanmanta dakojqa kanchu, manataj pipis nanasqasniykita jampiykusoj kanchu, manataj jampipis kanchu.

DIOSPA QHELQACHISQAN DEUTEROCANONICAL

¹³ Qankunaqa mana piniyoj jina kankichej. K'irisqa kasqaykichejta mana pipis jampiykoj kanchu, nillataj jampipis kanchu.

DIOSPA QHELQACHISQ

¹³ Qankunaqa mana piniyoj jina kankichej. K'irisqa kasqaykichejta mana pipis jampiykoj kanchu, nillataj jampipis kanchu.

Jeremías 30:13 ပူးပေါင်းရင်းမြစ်များ

Job 34:29

Sichus Dios samarikun chayqa, pitaj Payta juchachanqari? Sichus uyanta pakaykun chayqa, pitaj Payta qhawarenqari? Payqa tukuy nacionesta qhawamushan, jinallataj sapa uj runaj ruwasqasnintapis.

Job 5:18

Sichus pay nanaykuchin chayqa, payllataj thañichenqa. Sichus pay maqaykun chayqa, payllataj jampiykaponqa.

Salmos 106:23

Diosqa paykunata tukuchisaj nerqa. Ajllakusqan Moisés paykunarayku mañakojtintaj, Señorpa phiñakuynenqa tiyaykaporqa.

Salmos 142:4

Paña ladoman kutirikuni, mana pipis yanapawaj jamojqa kanchu. Mana pipis kutikuwajqa kanchu. Mana pipis noqata qhawariwajqa kanchu.

Éxodo 15:26

Nerqataj: Sichus qankuna Señor Diosniykichejpa parlasqanta tukuy sonqo uyariwankichej, ruwankichejtaj imatapis cheqanta noqaj ñaupaqeypi kamachiykunasniyta, waqaychankichejtaj imaschus ruwaykunasniyta chayqa, egipciosman apachimorqani chay onqoykunata ni mayqenta qankunaman apachimusqaykichejchu; imaraykuchus noqamin thañichejniykichej Señorqa kani.

Isaías 1:6

Chaki puntaykichejmanta, umaykichejkama nanasqa kankichej, llik'isqa, q'oyuyasqa, aycha rikhurishaj ima; ni pi jampichisunkichejchu, nitaj mayt'usunkichejchu, nillataj aceitewan jawiykurisunkichejchu nanasqasniykichejta.

Isaías 59:16

Chaypacha Señorqa repararqa mana uj runallapis allin kasqanta, chaypitaj t'ukorqa mana uj runallapis allinyachej kasqanmanta. Kikin makinwan salvayta qallarerqa, cheqan kaynintaj sumajta sayacherqa.

Jeremías 14:19

Señor, Judataqa qhesachasqatapunichu qhesachapunki? Sayk'upunkiñachu Sión llajtamantaqa? Imaraykutaj maqawarqaykuri thañiyta mana atinaykupajri? Suyarqayku allin sonqo tiyasqa tiyakuyta, mana imapis mana allin kajmantaqa jamorqachu. Suyarqayku kausayta, mancharikuyllataj kashan.

Jeremías 17:14

Qan jampiway, Señor, jampisqataj kasaj. Qan salvaway, Señor, salvasqataj kasaj. Qanmin, Señor, yupaychanayqa kanki.

Jeremías 30:17

Kausayniykita kutichipusqayki, nanasqasniykitataj jampisqayki. Enemigosniykeqa nichunkupis: Sionqa saqerparisqaña kashan, mana pipis paymantaqa yuyarikunchu, nispa. Noqa Señor chayta nini.

Jeremías 33:6

Jinapis jampiykusaj, kausachisajtaj, sonqo tiyasqa kaypi waqaychasqa kaypi mayta kusikonqanku.

Jeremías 46:11

Egiptopi kaj runas Galaadman wichariychej jampita mask'aspa. Qhasi manakajllata ashkha jampista ujyanki, manaña qampajqa jampi kanchu.

Jeremías 6:7

Jerusalenmanta sajra kay llojsimun, uj pujyumanta yaku llojsimun ajinata. Chay llajtapeqa millay ruwaykunaslla, ch'ajwachinakuyllataj uyarikun, chaypi rikuni nanachisqasta, ayqhoyllatawan.

Jeremías 8:22

Manachu ima jampipis Galaad llajtapi kanman? Manachu jaqaypi pipis jampiykurejqa kanman? Imaraykutaj kay aylloyqa mana walejyakuyta atinchuri?

Lamentaciones 2:13

Chaymantaqa pi rikojtataj pusamusqaykiri? Jerusalempa ususin, pimantaj rijch'achisqaykiri? Siompa llimphu ususin, pimantaj rijch'achisqayki qanta sonqochasunaypajri? Qampa llakiyniykeqa mar qocha jina may jatumpuni. Pitaj kunanqa thañichisonqari?

Ezequiel 22:30

Chay runas ukhupi noqa mask'arqani pillapis kay llajtaj allinninta sayarinanta ñaupaqeypi noqamanta kay llajtarayku mañapunampaj, ajinamanta kay llajtata ama chinkachinampaj, manataj ujllatapis tarerqanichu.

Oseas 14:4

Señor nin: Noqa jampisaj juchachakusqankumanta; noqa munakusaj mana merecesqankuraykupis, imaraykuchus phiñakuyneyqa paykunamanta t'aqakapunña.

Oseas 6:1

Tukuy jamuychej, Señorman kutirimpuychej. Pay phiriwarqanchej, jinapis payllataj jampiwasunchej. Nanachiwarqanchej, payllataj sanoyachiwasunchej.

Nahúm 3:19

Mana jampi kanchu chay nanasqasniykipaj. Mana jampikuyniyoj chay onqoyniykeqa! Tukuy uyarejkuna kay llakiypi rikhurisqaykimantaqa kusikuspa makisninkuta t'ajllarakunku. Pitaj chay juchasniykej mana tukukoj ñak'ariyninta mana ñak'arerqachuri?

Deuteronomio 32:39

Yachaychej noqalla Dios kasqayta. Yachallaychejtaj mana waj dios kasqanta. Noqalla kausayta qoni, qhechunitaj. Noqalla nanachini, thañichinitaj. Ni pipis noqaj makiymanta kacharikuyta atinchu.

1 Pedro 2:24

Pay kikin cuerpompi juchasninchejta k'aspi cruzpi aparqa, noqanchejta juchaspaj wañusqas kaspa, cheqanta kausananchejpaj. Paypa nanayninraykutaj jucha onqoymanta thañichisqas kankichej.

1 Juan 2:1

Wawitasníy, kay imasta escribimuykichej ama juchallikunaykichejpaj. Pillapis juchallikunman chayqa, Dios Tataj ñaupaqempi kutikuwajninchej tiyan. Payqa cheqan kaj Jesucristo.