Jeremías 30:10 - Qheshwa Biblia DC

¹⁰ Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.

DIOSPA QHELQACHISQAN DEUTEROCANONICAL

¹⁰ Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

DIOSPA QHELQACHISQ

¹⁰ Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Jeremías 30:10 ပူးပေါင်းရင်းမြစ်များ

Génesis 15:1

Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.

Isaías 14:3

Israel ayllu, maypachachus Señor samarikuyta qosojtin chay jinata ñak'arisqaykimanta, phutikusqaykimanta, chay jina sinch'i llank'aymanta ima, chaypachaqa, kay jina asikuna palabrasta Babilonia reypa contranta ninki: Qhawariychej ñak'arichejqa imapichus rikhurisqanta, runaykachajqa imaynatachus tukukusqanta.

Isaías 35:9

Chaypeqa mana leones tiyanqankuchu, nitaj runa mikhoj animalespis chaynejta purenqankuchu. Chay ñanninta librasqa kajkunalla purenqanku.

Isaías 43:5

Ama manchachikuychu. Noqa qanwan kashani. Inti llojsimuymantapacha, inti yaykuymantawan runasniykita tantaykampusqayki.

Isaías 44:1

Kunanqa Jacobpa ayllun Israel, ajllakusqay kamachíy, uyariway ari.

Isaías 44:2

Noqa ruwasoj Diosniyki kani. Manaraj naceshajtiyki ruwarqayki, yanaparqaykitaj. Ama manchachikuychu kamachíy, Jacob, Jesurún. Qanta noqaqa kamachiypaj ajllakorqayki.

Isaías 46:11

Inti llojsimunanmantapacha aycha mikhoj p'isqosta wajyani; karu jallp'amantapacha uj runatapis wajyani pipichus yuyasqayta. Imatachus nisqayta noqaqa chayachimunay tiyan. Imatachus yuyasqaytapis ruwanaypuni tiyan.

Isaías 46:13

Noqaqa cheqanchayniyta qayllachimusaj. Mana karunchakonqachu, salvacionniypis mana kikimpichu sayanqa. Sionman noqaqa salvacionniyta churasaj, atiyniytaj israelitaswan kallanqapuni.

Isaías 49:12

Kaykunaqa karumanta jamunku, jaqaykunataj patanejmanta jamunku, wakintaj inti yaykuymanta, wakintaj Asuán jallp'asmanta jamunku.

Isaías 49:25

Señortaj nin: Cheqamanta jap'isqa runaqa chay jina kallpayoj soldadoj makinmanta qhechusqa kanqa; uj jap'isqapis uj sujsojkiri runaj makinmanta qhechusqa kanqa. Noqa kutichisaj, quejasojniykiwan yachanakusaj, noqa kikiytaj wawasniykitaqa qhechumpusqayki.

Isaías 54:4

Ama manchachikuychu ari. Qanqa mana ch'aukiyasqachu kanki. Ama qanqa p'enqakuychu, manamin p'enqachisqachu kanki. Qanqa qonqapunki sipas kashaspa p'enqakoj kasqaykita, jinallataj viuda kashajtiyki qhesachasusqankutapis.

Jeremías 23:3

Noqa kikiytaj chay puchoj ovejasniyta apakapusaj, maymanchus ayqecherqani chay jallp'asmantapacha tantaykusaj, watejmanta pastosninkuman kutiykuchisaj ashkha uñasniyoj kanankupaj.

Jeremías 23:4

Michejkunatataj qhawapunawankupaj churasaj, mana imatapis manchachikunankupaj, nitaj imamanta pisichikunankupaj. Noqa Señor chayta nini.

Jeremías 23:6

Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

Jeremías 23:8

Manachayqa juranqanku: Señorpa kausayninrayku pichus orqhomorqa wichaynej jallp'asmanta, chay tukuynin waj jallp'asmantapis ch'eqerasqas kasharqanku chaymanta, nispa. Kikin jallp'ankupitaj kausanqanku.

Jeremías 29:11

Noqa yachani imastachus qankunapaj wakichishasqayta, chaykunaqa qankuna allinta kausakunaykichejpaj, manataj ima sajrapis qankunaman jamunampaj, jinamanta jamojpi allin kajta suyasqaykichejman jina jap'inaykichejpaj. Noqa Señor chayta nini.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Jeremías 3:18

Maypachachus chay p'unchay chayamojtin, Judá aylluwan tantaykukonqa Israel aylluwan khuska. Kutimonqanku wichaynej jallp'amanta qankunaj ñaupa tatasniykichejman chayaqenkupaj jina qarqani chay jallp'asman.

Jeremías 30:7

Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

Jeremías 33:16

Jaqay p'unchaykunapi Judaqa salvasqa kanqa, Jerusalentaj sumaj waqaychasqa kausakonqa. Chaypacha sutinmanta wajyanqanku: Señormin cheqa kayninwan atipayninchejqa.

Ezequiel 16:52

Qan, ñak'ariy ari k'umuykachaspa. Ñañasniykimanta nisqaqa aswan millay juchastaraj ruwarqanki, paykuna mana juchayojpis kankuman jina rikhurinankukama. Chay p'enqayta qan apanayki tiyan, imaraykuchus ñañasniykita mana juchayojta rikhurichinki.

Ezequiel 38:11

Chayrayku ninki: Chay mana kutichikuy atej llajtaj contrampi wicharisaj. Mana imata yuyarispa tukuy sonqo tiyakushanku chay runaspa contranta risaj. Tukuyninku paykunaqa mana perqawan muyuykuchisqapichu tiyakunku, mana punkusniyoj kanku, nitaj soldadosninkupis kanchu.

Daniel (hebreo) 12:1

Chaypacha aylluykita qhawaj kuraj ángel Miguelqa rikhurimonqa. Chaypachataj may llakiy kanqa. Chay jinaqa manapuni jayk'ajpis karqachu runas kasqankumantapacha. Chay tiempo chayamojtintaj aylluykimantaqa libropi sutisnin qelqasqa kajkunalla salvasqas kanqanku.

Oseas 2:18

Jaqay tiempopeqa Israelman kutisqata uj tratota ruwasaj, montepi kaj animaleswan, phawaj p'isqoswan, katariswan ima, jinallatataj kay jallp'amanta qhechusaj, wach'inasta, t'ojsinasta, maqanakustapis, jinamanta llajtayqa ni imata manchachikuspa sumajta samarikunampaj.

Oseas 2:20

Noqa qanwan warmichakusaj, cheqamanta qanllapajtaj kasaj; qanrí, Señorta jina rejsiwanki.

Oseas 6:11

Qampajpis, Judá, ñapis nisqaña ima p'unchaypichus jasut'isqa kanaykeqa.

Joel 2:21

Mayta kusikuy jallp'a, amataj manchachikuychu, imaraykuchus Señorman jatun imasta ruwanqa.

Miqueas 4:9

Kunanrí, imarayku ajinata qhaparinki uj onqokoj warmi nanayninwan jinari? Manachu qampi reyqa tiyan? Chayri umachasojkunachu wañupusqanku?

Zacarías 3:10

Chay p'unchay chayamojtenqa ujkuna ujkunata wajyarinakuyta atinkichej, uvaspa llanthumpi jinataj higos sach'aspa llanthumpi samarikunkichej. Noqa Tukuy Atiyniyoj Señorniykichej chayta niykichej.

San Juan 12:15

Ama manchachikuychu Siompa ususin; qhawariy Reyniyki jamushan burroj uñampi lloq'asqa.