Jeremías 3:17 - Qheshwa Biblia DC

¹⁷ Chaypacharaj Jerusalenqa Señorpa tiyakunan kanqa, tukuy nacionestaj chaypi yupaychanawankupaj tantakonqanku, manañataj ujtawan k'ullukuspa sonqonkupi chay sajra millay yuyaykunata qhatenqankuchu.

DIOSPA QHELQACHISQAN DEUTEROCANONICAL

¹⁷ Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

DIOSPA QHELQACHISQ

¹⁷ Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

Jeremías 3:17 ပူးပေါင်းရင်းမြစ်များ

Génesis 8:21

Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.

1 Reyes 8:41

Ajinallatataj mana israelita kaj karu llajtayojpis jamusunkiman jatun sutiykitaj uyarispa, imaraykuchus uyarenqanku sutiyki manchay jatun kasqanta, jatun atiyniykimantapis, kay wasiman mañakusojtaj jamusunkuman chayqa, qanqa janaj pachamanta uyarimunki, maypichus tiyakunki chaymantapacha, qantaj ruwanki karu llajtayoj mañakususqanman jina, chay jinamanta tukuy naciones rejsisunankupaj, sutiykita manchachikunankupaj Israel llajtayki jina, yachanqankutaj sutiyki oqharisqa kasqanta kay ruwapususqay wasipi.

Salmos 102:23

Wayna kashajtillayraj pay kallpayta qhechuwan, pisi kausayniyojtataj ruwawan.

Salmos 78:8

amataj ñaupa tatasninku jina kanankupaj: Wampus, Diospa contranta oqharikojkuna, sonqonkupitaj iskayta yuyajkuna, Diosta mana kasukoj runa mitas.

Salmos 87:3

Diospa llajtan, may k'acha imasta qanmanta nisunku.

Isaías 26:8

Señor kamachisqasniykej ñannimpi yachakuyku allin kasqaykuta. Noqaykoj sonqoykoqa qanllapi yuyan.

Isaías 59:19

Inti chinkaykuymantapacha naciones Señorpa sutinta manchachikonqanku, jinallataj inti llojsimuymantapacha k'anchayninta manchachikonqanku. Enemigosqa yaku mayu jina manchayta jamonqanku, Señorpa Espirituntaj bandera jina ñaupaqenkupi contrankupi sayaykonqa.

Isaías 6:1

Rey Uziaspa wañupusqan watapi, Señorta rikorqani uj sumaj alto trono patapi tiyashajta, p'achampa cantosnintaj yupaychana wasiman junt'aykorqa.

Isaías 66:1

Señorqa nin: Janaj pachaqa noqaj tiyanay, kay pachataj chakisniypa sarukunan. Maytaj wasita ruwapunawaykichej karqa chayri, maynejpitaj noqaqa samarikusajri?

Isaías 66:18

Rejsini paykunaj ruwasqasninkuta, imatachus yuyasqankutapis. Uj p'unchay chayamonqaña tukuy nacionesta, ima parlayniyojchus kajkunatapis ujllaman tantanapaj. Chaypi jamuspa noqaj k'anchayniyta rejsenqanku.

Isaías 66:20

Paykunallataj tukuy nacionesmanta tukuy ayllusniykichejta, pusampusonqachej, uj rikuchikutapis Señorman apamushankuman jina; caballospi, carretaspi, litera ruwasqa carretaspi, mulaspi, camellospi ima, Jerusalén santo ajllasqay orqoyman, nispa nin Señorqa. Kikillantataj israelitaspis chay jampoj jinaqa Señorpa wasinman rikuchikusta apamonqanku, allin llimphu vasospi.

Jeremías 11:8

Chaywampis mana kasuwarqankuchu, nitaj uyariwarqankuchu, manachayqa k'ullukuyninkuwan, rumi sonqonkoj munayninman jina ruwarqanku, manapuni kamachisqasniyta junt'ayta munarqankuchu; chayrayku jasut'isniyta kachamorqani, chay trato ruwasqaypi nisqayman jina.

Jeremías 12:15

Jinapis, wijch'uytawankamaqa paykunamanta khuyakullasajtaj wasisninkuman kutichimuspa, kikin jallp'ankuman.

Jeremías 12:16

Cheqamanta paykunaqa aylluyman, Baalpa sutimpi jurallata yachacherqanku, kunantaj aylluy ukhuman jamuspa tiyakapuyta atenqanku. Cheqamantachus aylluypa Diospi creeyninta jap'ikonqanku, sutiyraykutaj juranqanku, Señorpa kausayninrayku nispa chayqa.

Jeremías 14:21

Sutiyki may jatunchasqa kasqanrayku, ama qhesachawaykuchu ari, amataj aylluykita sajra ñawiwan qhawaychu, maypichus may uyarisqa tronoyki kashan chaytaqa, yuyarikuy noqaykuwan tratota ruwasqaykita.

Jeremías 16:12

Qankunataj paykunamanta aswan mana allinta ruwajkuna kankichej, sapa ujniykichej mana kasukuspa sonqoykichejpa sajra munayninman jinalla ruwarqankichej, manataj noqaqa kasuwarqankichejchu.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Jeremías 17:12

Diosninchejta yupaychana waseqa Diospa tiyakunanmin, qallarikuymantapacha mayu pataman oqharisqataj.

Jeremías 18:12

Paykunaqa nisonqanku: Ama tiempoykita usuchiychu. Noqaykoqa munasqaykuman jina kausakullasqayku, qhatillasqaykupunitaj rumi sonqoykupi sajra yuyasqasniykumanjina, nispa.

Jeremías 3:19

Israel, noqa qanta wawaypaj jina jap'ikapuyta yuyarqayki, sumaj moq'ena jallp'ata qonasuypaj; tukuy kay pachapi jallp'asmanta aswan k'acha jallp'ata. Noqa yuyarqani tatáy ninawaykita, manataj jayk'ajpis noqamanta karunchakunaykita.

Jeremías 31:23

Israelpa Tukuy Atiyniyoj Señor Diosnin kayta nin: Maypachachus Judaman runasta kutichimojtiy, ujtawan paykuna jallp'ankupi rikhurejtinku, jinallataj llajtankupipis chaypacha nenqanku: Señor bendicichun kay llimphu orqota maypichus cheqa kaj tiyakun chayta.

Jeremías 33:9

Kay jallp'api Jerusalenqa noqaj kausayniy, jatunchakuyniytaj kanqa tukuy nacionespa ñaupaqempi. Maypachachus tukuy allin kajta Jerusalempi tiyakojkunaman patanman apachimusqayta uyarenqanku, jinataj tukuy allin kajwan junt'achisqayta parlajta uyarenqanku, chaypachaqa mancharikuywan kharkatenqanku.

Jeremías 7:24

Chaywampis mana kasuwarqankuchu, nitaj uyariwarqankuchu, manachayqa rumi sonqo kayninkuwan apachikorqanku, sonqonkoj millay ruwayta munasqasninman jina. Noqaman kutirimunawankutaqa wasanchakuwarqanku.

Jeremías 9:14

Manachayqa kaywan, sonqonkupi munayninkuman jinalla ruwarqanku, mana kaj dioskunatataj yupaycharqanku, tatasninkoj yachachisqanman jina.

Ezequiel 1:26

Chay llanthuchaj patampitaj uj tronota jina rikorqani, zafiro rumimanta ruwasqaman rijch'akojta, chay tronopitaj uj runaman rijch'akoj tiyarisqa kashajta.

Ezequiel 48:35

Llajta perqaqa tukuy muyuynin midikonqa, isq'on waranqa metros. Llajtaj sutenqa chay p'unchaymantapacha sutichasqa kanqa: Señor kaypi kashan, nispa.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

Zacarías 8:8

Apamusajtaj paykunata Jerusalenman chaypi tiyakunankupaj. Chaypacha paykuna aylluy kanqanku, noqataj Diosninku kasaj, cheqa kaypi llimphu kaypitaj.

Números 15:39

Ajinamanta chay flecosnejta yuyarikunkichej tukuy kamachiykunasniyta qosusqaymanta, junt'ankichejtaj. Ajinata munayniykichejwan mana atipachikunkichejchu, chay mana allinta ruwaspa qhatinawaykichejmanta.

Romanos 1:21

Ajinata Diosta rejsishaspa, mana Diosta jinachu yupaycharqanku, nitaj graciastapis qorqankuchu. Astawanqa qhasi mana kaj yuyayninkuwan jatunchakorqanku, wampu sonqonkupis astawan laqhayaykorqa.

Romanos 6:14

Chayrayku juchaqa manaña kamachisonqachejchu, imaraykuchus manaña leypa kamachimpichu kankichej, astawanqa Diospa khuyakuynimpi kankichej.

Gálatas 4:26

Pata kaj Jerusalenqa mamanchej. Chaytaj libre.

Deuteronomio 29:29

Mana yachasqanchej imasqa Señor Diosninchejpallata. Diosninchej sut'inchawasqanchej imasqa noqanchejpajta, wawasninchejpata ima, wiñaypaj junt'ananchejpaj kay leypi ima kamachiykunachus kashan chaykunata.

Jueces 2:19

Kuraj runanku wañupojtintaj, watejmanta paykunaqa juchaman urmallajtaj kanku, ñaupa tatasninkumanta astawanraj, sirvispa yupaychaspataj waj dioskunata. Manataj t'aqakorqankuchu millay ruwaykunasninkumanta nitaj wampu jina kausayninkumantapis.