Jeremías 29:8 - Qheshwa Biblia DC

⁸ Noqa Tukuy Atiyniyoj, Israelpa Señor Diosnin kayta niykichej: Ama ch'aukiyachikuychejchu, qankunawan khuska tiyakunku chay profetaswan, nitaj chay adivinoswampis; nillataj chay mosqoykunasninkutapis kasuychejchu.

DIOSPA QHELQACHISQAN DEUTEROCANONICAL

⁸ Noqa Israelpa Tukuy Atiyniyoj Tata Diosnin kayta niykichej: Pikunachus qankunawan khuska tiyakunku, chay sut'inchajkunawan ama q'otiyachikuychejchu, nillataj watojkunawanpis, amallataj mosqokusqankutapis kasuychejchu.

DIOSPA QHELQACHISQ

⁸ Noqa Israelpa Tukuy Atiyniyoj Tata Diosnin kayta niykichej: Pikunachus qankunawan khuska tiyakunku, chay sut'inchajkunawan ama q'otiyachikuychejchu, nillataj watojkunawanpis, amallataj mosqokusqankutapis kasuychejchu.

Jeremías 29:8 ပူးပေါင်းရင်းမြစ်များ

Jeremías 14:14

Chaypacha Señorqa kutichiwarqa: Chay tukuy imasta profetas sutiypi nishanku chayqa, llullalla. Mana noqaqa chay profetasta kachamunichu, nitaj kamachinichu, ni parlallanipischu paykunawanqa. Chaykunaqa llulla sut'inchaykunas kanku. Chaykunaqa llulla rikuykunasniyoj kanku, ch'aukiyaypi rikuchiykunas kanku, sonqonkoj munasqanman jinalla chaykunataqa jatarichinku. Sonqonkoj yuyasqallanta chay profetasqa willasunkichej.

Jeremías 23:16

Tukuy Atiyniyoj Señorqa nin: Israelitas ama akasuychejchu profetaspa nisqasninkuta; imaraykuchus paykunaj nisqasninkoqa llullaslla kanku. Paykunaj kikinkoj umachakusqasnillankuta willarashanku, manataj noqa willasqasniytachu.

Jeremías 23:21

Mana noqachu chay profetasta kachamorqani, nitaj paykunamanqa parlallarqanipischu, jinapis paykunaqa usqhay usqhayta sutiypi parlamorqanku.

Jeremías 23:25

Uyarini chay profetaspa llullakusqankuta, pischus sutiypi parlayta munanku, nishankutaj noqa paykunawan parlasqayta.

Jeremías 23:27

Chay ujkuna ujkunataj mosqokusqasninkumanta willanakusqasninkuwan, aylluyta noqamanta qonqachiyta munanku, imaynatachus ñaupa tatasninkupis qonqarpariwarqanku, Baalpa qhepantataj riporqanku, ajinata.

Jeremías 27:9

Chayrayku ama kasuta ruwaychejchu profetasniykichejta, adivinosniykichejta, mosqoykunasta sut'inchajkunata, nitaj chay p'ajpakus rikuni nejkunatapis, pischus umachasunkichej Babiloniamanta reyman ama rinaykichejta chaykunatapis.

Jeremías 28:15

Chaypacha Jeremiasqa Hananiasman nerqa: Uyariy, Hananías. Señorqa mana kachamusunkichu. Qanrí uj llulleriosllata kay aylluman creechishanki.

Jeremías 29:1

Rey Jeconías wijch'usqa karqa, maman reinawan, palaciopi kamachiswan, Judamanta, Jerusalenmantapis kurajkunawan, oficinapi llank'ajkunawan, herreroswan khuskataj.

Jeremías 29:15

Qankuna ninkichej: Babiloniapi Señorqa profetasta qowanchej.

Jeremías 29:21

Tukuy Atiyniyoj Señor Israelpa Diosnin kay jinata nin: Colaiaspa wawan Acabmanta, jinataj Maasiaspa wawan Sedequiasmanta, piskunachus Señorpa sutimpi llullerasta qankunaman nisunkichej: Babiloniamanta rey Nabucodonosorpa makinmin urmachisaj, paytaj ñaupaqeykichejpi paykunata wañurachenqa.

Jeremías 37:9

Noqa Señor k'amiykichej: Ama qhasita yuyakuychejchu, nitaj creekuychejchu chaymanta caldeos jataripunankutaqa, imaraykuchus manamin chay yuyasqaykichej jinachu kanqa.

Jeremías 5:31

Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

Lamentaciones 2:14

Profetasniykeqa mana kaj qhasi imasta willasunku; juchasniykitaqa mana rikhurichinkuchu, chaypacha reparachisojteyqa mana karuman wijch'usqachu kawaj karqa. Manachayqa llullallata willasunku, qhasi manakajta creechispa.

Ezequiel 13:6

Mosqoypi jina rikuyninkoqa qhasi manakajlla. Sut'inchasqankutaj llullalla. Noqamanta sut'inchasqankuta ninku, noqataj paykunataqa mana kachamorqanichu. Parlasqasninku junt'akunanta suyanku.

Miqueas 2:11

Mayqempis qhasi kajta llullakun, nintaj: Noqa sut'inchasqaykichej vinomanta licormantataj, chaymari profetapaj nisqa chay ayllumanta churasqa kanqa.

Zacarías 13:4

Jaqay tiempopeqa, profetas kajkunapis rikusqankuta sut'inchayta p'enqakonqanku. Ni pipis chay profetaspa chay qarasmanta ruwasqa qhatanata churakonqanku pitapis ch'aukiyanampajqa. Chayrayku sapa ujpis nenqanku: Noqaqa mana profetachu kani, manachayqa llank'aj runalla. Wawamantapacha campopi llank'aj kani, nispa.

San Mateo 24:24

Ashkhas jamonqanku, noqa Cristo kani, chayrí profeta kani, nispa. Llullakuspataj jatuchaj señalesta, milagrosta ima ruwanqanku. Chaywantaj tukuyta pantachenqanku; atinkuman chayqa ajllasqasnintinta.

San Lucas 21:8

Jesustaj nerqa: Allinta qhawakuychej, amataj ch'aukiyachikuychejchu, imaraykuchus ashkhas sutiypi jamonqanku, noqa Cristo kani, nispa. Kunanqa tiempoman qayllaña. Ama ari, qhepankuta riychejchu.

San Lucas 6:26

Ay, tukuy runas qankunamanta allinta parlajtinku! Jinallatataj ñaupa runas ruwaj kanku llulla profetaswan.

Romanos 16:18

Chay jina runakunaqa, Señorninchej Jesucristota mana kasunkuchu. Paykunaqa kikin wijsasnillankuta kasunku, pisi yuyayniyojkunatataj ch'aukiyanku k'acha palabraswan, misk'i simiwan ima.

Efesios 5:6

Ama piwampis qhasi mana kaj palabraswan ch'aukiyachikuychejchu, imaraykuchus kay imasrayku Diospa k'ajaj phiñakuynin jamun mana kasukojkunaj patanman.

2 Tesalonicenses 2:3

Ama piwampis, ni imaynamanta ch'aukiyachikuychejchu, imaraykuchus ñaupajta femanta t'aqakuyraj jamunan tiyan; chay qhepatataj juchallikoj runa rikhurimonqa, wañuypaj t'aqasqa runa.

2 Timoteo 3:13

Sajra runas ch'aukiyajkunapis, sajra kasqankumanta, astawan sajrayanqanku, pantaspa, pantachispataj.

1 Juan 4:1

Munakusqasníy, ama pillatapis Diospa yuyaychasqan kani nejkunataqa creeychejchu; allintaraj paykunata rejsiychej Diosmantachus kanku, manachus chayta, imaraykuchus ashkha llulla profetas tukuynejpi rikhurishanku.

Apocalipsis 13:14

Ñaupaj phiña animalpa ñaupaqempi, jatuchaj rikuchinasta ruwanampaj atiyta qorqanku. Chaykunawantaj kay pachapi tiyakojkunata ch'aukiyarqanku; kamacherqataj paykunaman ruwanankuta phiña animalpa lantinta, pichus espadawan k'irisqa karqa, kausarqataj.

Apocalipsis 19:20

Phiña animaltaj presochasqa karqa. Paymantaj llulla profeta, pichus chaypa ñaupaqempi señalesta ruwasqa, chay señaleswan animalpa marcanta apajkunata ch'aukiyarqa. Paykunataj lantinta yupaycharqanku. Chay iskaytataj kausashajta wijch'orqanku azufrewan larwashaj uj nina qochaman.