Jeremías 28:1 - Qheshwa Biblia DC

^1-2 Sedequías Judapi tawa watastaña kamachishajtin, phishqa kaj killapi, Gabaón llajtapi Asurpa wawan profeta Hananías Diosta yupaychana wasipi Jeremiasman, sacerdotespa, chantá tukuynin runaspa ñaupaqempi parlarqa, nerqataj: Israelpa Diosnin Tukuy Atiyniyoj Señorqa nin: Babiloniaj reynimpa yugonta p'akinña.

DIOSPA QHELQACHISQAN DEUTEROCANONICAL

¹ Kuraj kamachej Sedequías Judá suyupi tawa watataña kamachishajtin, phishqa kaj killapi, Gabaón llajtamanta Azurpa churin sut'inchaj Jananías Jeremiaswan parlarqa. Chantá Diospa Templonpi sacerdotekunaj, jinataj tukuy runaj ñawpaqenkupi Jeremiasta nerqa:

DIOSPA QHELQACHISQ

¹ Kuraj kamachej Sedequías Judá suyupi tawa watataña kamachishajtin, phishqa kaj killapi, Gabaón llajtamanta Azurpa churin sut'inchaj Jananías Jeremiaswan parlarqa. Chantá Diospa Templonpi sacerdotekunaj, jinataj tukuy runaj ñawpaqenkupi Jeremiasta nerqa:

Jeremías 28:1 ပူးပေါင်းရင်းမြစ်များ

1 Reyes 3:4

Salomontaj Gabaón lomaman rerqa, imaraykuchus chaypi jatun kaj altar kasharqa, chaypitaj uywasta ñak'aspa jaywaj. Salomonqa waranqa uywasta ñak'aspa chay altar patapi q'olachej.

2 Reyes 24:18

Sedequiasqa kamachiyta qallarishaspa iskay chunka ujniyoj watayoj karqa. Jerusalempitaj chunka ujniyoj watata kamacherqa. Mamantaj Libnamanta Jeremiaspa wawan Hamutal karqa.

2 Crónicas 36:11

Sedequiasqa iskay chunka ujniyoj watasniyoj karqa kamachiyta qallarishaspa. Chunka ujniyoj watastataj kamacherqa Jerusalempi.

Isaías 9:15

Umaqa niyta munan kuraj runas, kurajkunasninku ima, chupataj niyta munan llullata yachachej profetas.

Jeremías 23:28

Sichus uj profetajta uj mosqokuynin tiyan chayqa, willachun uj mosqoypuni kasqanta. Sichus pi palabraytapuni jap'in, chayri cheqamantapuni willarachun. Trigotawan pajatawanqa mana kikinchachiyta atisunmanchu.

Jeremías 27:1

Josiaspa wawan Sedequías Judapi kamachiyta qallarishajtin, Señorqa Jeremiasman nillarqataj: Lazosta, uj yugota ima ruwakuy, chantá much'uykiman churaykukuy.

Jeremías 27:12

Noqa Jeremías, Judamanta rey Sedequiasman kay kikillantataj nerqani: Babiloniamanta reypa atiynin uraman churakuychej, jinataj chay llajtamampis, chantá kausankichejtaj, nispa.

Jeremías 27:3

Chantá uj willayta apachiy Edommanta, Moabmanta, Tiromanta, Sidonmanta ima reykunaman. Chaytaqa apachiy rey Sedequiasta Jerusalenman waturikoj jamorqanku chay kachasnejta.

Jeremías 28:11

Chayta phaskaraytawantaj, tukuy runaspa ñaupaqempi kayta nerqa: Señor nin: Kay jinallatataj iskay watamantawan tukuy nacionespa kunkanmanta, Babiloniamanta rey Nabucodonosorpa yugonta phaskarasaj, chantá p'akirparisajtaj, nispa. Jeremiastaj riporqa.

Jeremías 28:17

Chay profeta Hananiastaj, chay kikin watapi qanchis kaj killampi wañorqa.

Jeremías 28:5

Chantaqa profeta Jeremías, profeta Hananiasman kuticherqa, Diosta yupaychana wasipi kasharqanku chay sacerdotespa ñaupaqempi, jinataj llajtamanta tukuy runaspa ñaupaqempi ima, nerqataj: Arí, ajinata Señorqa ruwachun. Señor munachun kay nisqasniyki junt'akunanta, Diosta yupaychana wasipi kaj imasta kutichimpunankuta, Babiloniaman wijch'usqas kajkunapis kutimpuchunku.

Jeremías 29:15

Qankuna ninkichej: Babiloniapi Señorqa profetasta qowanchej.

Jeremías 36:12

Chaymantataj, reypa palacionman rerqa reypa qelqerimpa wasinman, maypichus tukuy kurajkunas tantasqas kasharqanku chayman. Reypa qelqerin Elisama, Semaiaspa wawan Delaía; Acborpa wawan Elnatán; Safampa wawan Gemarías; Hananiaspa wawan Sedequías, jinataj chay waj kurajkunapis.

Jeremías 37:13

Jinapis maypachachus Benjamín punkuman chayashajtin uj runa Irías sutiyoj llojsimorqa. Pay karqa Seleniaspa wawan, Hananiaspa allchhin qhawajkuna ukhumanta kuraj kaj karqa, chaypi Jeremiasta sayachispa jap'iykorqa, nerqataj: Qan caldeosman chimpashanki, nispa.

Jeremías 37:19

Maypitaj chay profetasniykichej kashanku, pikunachus nerqasunkichej, Babiloniamanta reyqa mana qankunaman yaykumonqachu, nitaj jallp'aykichejmampis, nispa nejkunari?

Jeremías 49:34

Maypachachus Judapi Sedequías kamachiyta qallarisharqa, chaypacha Señorqa Jeremiasman parlaykorqa Elam llajta imaynachus kananmanta willaspa:

Jeremías 51:59

Judamanta rey Sedequías tawa watastaña kamachishajtin profeta Jeremías uj willayta apacherqa chay Neriaspa wawan Masiaspa allchhin Seraiasman. Seraiasqa rey Sedequiaswan Babiloniaman rerqa, paymin reypa jarakunanmantaqa yachaj.

Ezequiel 13:6

Mosqoypi jina rikuyninkoqa qhasi manakajlla. Sut'inchasqankutaj llullalla. Noqamanta sut'inchasqankuta ninku, noqataj paykunataqa mana kachamorqanichu. Parlasqasninku junt'akunanta suyanku.

Oseas 7:3

Runasneyqa millay ruwasqasninwan llullerasninwantaj reykunasninta kurajkunasnintapis kusichishan.

Josué 10:12

Maypachachus Señorqa amorreosta israelitaspa makisninman churarqa, chaypacha Josueqa israelitas rikushajtinku Señorta parlapayarqa kay jinata: Inti Gabaompi sayay; qampis killa, Ajalón valle patapi sayay, nispa.

Josué 9:3

Chaywampis heveos Gabaompi tiyakojkuna yacharqanku Josué imatachus ruwasqanta Jericota, Hai llajtatawan.