Jeremías 27:9 - Qheshwa Biblia DC

⁹ Chayrayku ama kasuta ruwaychejchu profetasniykichejta, adivinosniykichejta, mosqoykunasta sut'inchajkunata, nitaj chay p'ajpakus rikuni nejkunatapis, pischus umachasunkichej Babiloniamanta reyman ama rinaykichejta chaykunatapis.

DIOSPA QHELQACHISQAN DEUTEROCANONICAL

⁹ Chayrayku sut'inchajniykichejkunata, imachus jamunanmanta parlajkunata, mosqoykunata sut'inchajkunata ama kasuta ruwaychejchu. Nillataj p'ajpakukunata: Rikuni, nispa nejkunatapis, pikunachus umachasunkichej Babiloniaj kuraj kamachejninta ama sirvej rinaykichejta, chaykunatapis amallataj kasuta ruwaychejchu.

DIOSPA QHELQACHISQ

⁹ Chayrayku sut'inchajniykichejkunata, imachus jamunanmanta parlajkunata, mosqoykunata sut'inchajkunata ama kasuta ruwaychejchu. Nillataj p'ajpakukunata: Rikuni, nispa nejkunatapis, pikunachus umachasunkichej Babiloniaj kuraj kamachejninta ama sirvej rinaykichejta, chaykunatapis amallataj kasuta ruwaychejchu.

Jeremías 27:9 ပူးပေါင်းရင်းမြစ်များ

Éxodo 22:18

Layqa warmista cantomanta wañurachinki.

Éxodo 7:11

Faraontaj wajyacherqa yachajkunasninta, yatirisnintawan; paykunapis jamuspa kikillantataj ruwarqanku tukuy atiyninkuwan;

Proverbios 19:27

Wawáy, k'amisqasta mana jap'ikunkichu chayqa, yachaypa yuyaychakunasninmanta t'aqakunki.

Isaías 8:19

Sichus chay runas nisonqachej: Tapuriychej wañusqaspa almasninta, chhichinakuspa parlaj layqasta ima, nispa chayqa, niychej: Manachu runasqa Diosnillankuta tapurikunkuman? Wañusqastarajchu kausajkunamanta tapurikunkuman?, nispa.

Jeremías 14:14

Chaypacha Señorqa kutichiwarqa: Chay tukuy imasta profetas sutiypi nishanku chayqa, llullalla. Mana noqaqa chay profetasta kachamunichu, nitaj kamachinichu, ni parlallanipischu paykunawanqa. Chaykunaqa llulla sut'inchaykunas kanku. Chaykunaqa llulla rikuykunasniyoj kanku, ch'aukiyaypi rikuchiykunas kanku, sonqonkoj munasqanman jinalla chaykunataqa jatarichinku. Sonqonkoj yuyasqallanta chay profetasqa willasunkichej.

Jeremías 23:16

Tukuy Atiyniyoj Señorqa nin: Israelitas ama akasuychejchu profetaspa nisqasninkuta; imaraykuchus paykunaj nisqasninkoqa llullaslla kanku. Paykunaj kikinkoj umachakusqasnillankuta willarashanku, manataj noqa willasqasniytachu.

Jeremías 23:25

Uyarini chay profetaspa llullakusqankuta, pischus sutiypi parlayta munanku, nishankutaj noqa paykunawan parlasqayta.

Jeremías 23:32

Llullakusqasninkuwan, chay thautisqasninkuwantaj aylluytaqa noqamanta t'aqachinku. Mana noqaqa paykunata kachakorqanichu, nitaj imatapis kamacherqanichu. Ajinaqa aylluyta yanapaytaqa mana aterqankuchu. Noqa Señor chayta nini.

Jeremías 29:8

Noqa Tukuy Atiyniyoj, Israelpa Señor Diosnin kayta niykichej: Ama ch'aukiyachikuychejchu, qankunawan khuska tiyakunku chay profetaswan, nitaj chay adivinoswampis; nillataj chay mosqoykunasninkutapis kasuychejchu.

Ezequiel 21:29

Mosqoypi jina rikusqankoqa qhasilla kanku, willarasusqampis llullaslla kanku. Chay espadaqa sajra kaspa runasta wañuchinku chaykunaj kunkanman qholuranampaj urmanqa. Paykunata jasut'inapaj p'unchaynenqa chayamunña, sajra imasta ruwanasnin tukukunampaj.

Daniel (hebreo) 4:7

Tukuyninku yachayniyoj runakuna jamorqanku, yatirikuna, yachaysapa kajkuna, jinallataj qoyllurkunamanta yachajkunapis Babiloniamanta. Noqataj paykunaman willarqani mosqoyniyta, manataj sut'inchayta atiwarqankuchu, chay mosqoyneyqa imatachus niyta munasqanta.

Miqueas 3:7

Chay qhawajkunapis adivinospis q'ala p'enqaypi rikhurenqanku. Tukuy paykuna t'ukushaj qhepakonqanku, Dioswan mana uyarichikusqankurayku.

Zacarías 10:2

Lantikunaj nisqasninkoqa llullamin, qhasilla chay yatirispa yachani nisqasninkupis. Qhasillata mosqokuytawan imatapis ajina kanqa ninku, sonqochakoj jina parlasqankupis ch'usajlla. Chayraykumin aylloyqa chinkasqa oveja jina thamaykachashan, ñak'arispa mana michejniyoj jina.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Hechos 8:11

Runakunaqa Simompa nisqanta kasorqanku, unaytaña chay layqeriosninwan paykunata ch'aukiyarqa.

Efesios 5:6

Ama piwampis qhasi mana kaj palabraswan ch'aukiyachikuychejchu, imaraykuchus kay imasrayku Diospa k'ajaj phiñakuynin jamun mana kasukojkunaj patanman.

Deuteronomio 13:2

Chanta nisunkichejman: Kunanqa jaku waj dioskunaj qhepanta, mayqenkunatachus mana rejsinkichejchu, chaykunata yupaychamuna, nispa.

Deuteronomio 18:14

Chay nacionesqa mayqenkunajtachus jallp'asninkuta jap'ikapunkichej chaykuna, layqasta, suerte watojkunata ima uyarinku. Señor Diosniykichejqa mana munanchu qankunaqa chaykunata ruwanaykichejta.

Josué 13:22

Chaymanta israelitas wañucherqanku Beorpa adivino wawan Balaamta, wajkunatawan.

Apocalipsis 18:23

Manataj qampi lámparaj k'anchaynin lliphipenqachu, nitaj qosaj parlasqan, nitaj warmimpatapis uyarikonqañachu; imaraykuchus qhatojkunasniykipis chaypacha atiyniyoj karqanku. Qampis layqeriosniykiwan tukuy llajtakunata ch'aukiyaspa pantacherqanki.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Apocalipsis 9:21

Manataj kutirikorqankuchu juchasninkumanta, runata wañuchisqankumanta, layqachisqankumanta, qhenchachakusqankumanta, suwasqasninkumanta ima.