Jeremías 27:7 - Qheshwa Biblia DC

⁷ Tukuy nacionespis payman, wawanman, allchhinman ima kamachisninku kanankupaj jaywasqas kanqanku. Chaytaj kanqa paykunaj jallp'ankuñataj, jatuchaj nacionesman, jinataj atiyniyoj reykunasmampis jaywasqas kanankukama.

DIOSPA QHELQACHISQAN DEUTEROCANONICAL

⁷ Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

DIOSPA QHELQACHISQ

⁷ Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Jeremías 27:7 ပူးပေါင်းရင်းမြစ်များ

Salmos 37:13

Señortaj paymanta asikun, imaraykuchus yachan sajrapajqa horan chayamusqantaña.

Isaías 13:1

Amospa wawan Isaiasqa mosqoypi jina uj sut'inchayta rikorqa Babilonia imaynachus kananmanta.

Isaías 21:9

Ashkha runasta caballospi montasqasta iskaymanta iskay jamushajta rikorqani. Chaymantataj nerqa: Babiloniaqa urmanña, urmanña, jinallataj lantisnimpis pampapi p'akirasqa rikhurin.

Jeremías 34:1

Babiloniaj reynin Nabucodonosor tukuy soldadosninwan, jinataj tukuy paypa kamachiynimpi kaj nacionesmanta runasnintin, Jerusalenman yaykuykusharqanku, chantá chay qaylla llajtasninmampis, chaypacha Jeremiasman Señorqa parlarqa, nerqataj: Noqa, Israelpa Diosnin Señor kamachiyki, Judamanta rey Sedequiasman rispa, noqa nini kay llajtata Babiloniaj reynin jap'ikapunanta, ninawantaj jap'iykuchinanta.

Jeremías 44:30

Noqa jaywaykusaj Egiptomanta rey Hofra faraonta wañuchej enemigosnimpa makisninman, imaynatachus Sedequiasta Judamanta reyta Babiloniamanta rey Nabucodonosorman jaywarqani ajinata; chayqa wañuchiyta munaj enemigoy karqa.

Jeremías 46:13

Señorqa profeta Jeremiasman parlarqa, maypachachus Babiloniamanta rey Nabucodonosor Egiptoman tiyakoj risharqa chaypacha.

Jeremías 52:31

Judamanta rey Joaquín wijch'uchikusqanmantaña kinsa chunka qanchisniyoj watasninman chunka iskayniyoj killasninman iskay chunka phishqayoj kaj p'unchaynimpitaj rey Evil-merodac Babiloniapi kamachiyta qallarerqa. Payqa Judaj reynin Joaquinman k'acha kayninta rikucherqa, carcelmantataj orqhohimorqa.

Ezequiel 30:24

Babiloniaj reynimpa makisnintarí atiyniyojman tukuchisaj, espadaytataj makinman jaywasaj. Faraompa makisnintarí p'akirasaj, paytaj contrariompa ñaupaqempi maytapuni nanaywan waqanqa.

Daniel (hebreo) 2:37

Tukuynin reyesmanta aswan atiyniyoj reymin qan kanki. Janaj pachapi kaj Diosqa qosunki reinota, atiyta, kallpata ima, jatumpaj qhawasqa kanaykipaj, tukuynejpi runas tiyakunku chaykunata kamachinaykipaj. Chantapis uywasta, p'isqosta, qampa makiykiman churan kamachinaykipaj. Chayrayku chay qori umaqa qan kanki.

Daniel (hebreo) 4:22

Wiñarqa atiyniyojtaj karqa chayqa, qan rey, kanki chay sach'aqa. Rey kasqaykipi jatunyasqaykeqa yapakun janaj pachaman chayanankama, kamachisqaykitaj tukuynin jallp'api, uj cantomanta ujnin cantokama jatunyan.

Habacuc 2:7

Qonqaymanta jinalla chayamonqanku qanman chay manusojkuna manusninkuta mat'isojkunapis, q'arallatataj saqerpayasonqanku.

Habacuc 2:8

Contraykipi naciones tantaykukuspa tukuy kapuyniykita qhechusonqanku, imaynatachus qampis paykunamanta qhechorqanki jinata. Chaypacha pagachisonqanku; wañurachisqaykimanta, millay ruwaykunasta ruwasqaykimantataj chay jallp'ankupi, llajtasninkupi tiyakojkunaswantaj.

Apocalipsis 14:8

Waj angeltaj payta qhaterqa, nispa: Urmanña, urmanña jaqay jatun Babilonia llajta, pichus millay qhenchachakuy vinonta tukuy llajtasman ujyacherqa, chay.

Apocalipsis 16:19

Jatun llajtataj kinsaman ch'ejtakorqa, gentilespa llajtasninkutaj urmarqanku. Diostaj chay jatun Babiloniamanta yuyarikorqa, k'ajaj phiñakuynimpa vino copanmanta pay ujyanampaj.