Jeremías 27:6 - Qheshwa Biblia DC

⁶ Noqa churani kay tukuy jallp'asta, Babiloniamanta kamachiy rey Nabucodonosorpa makinman churani. Jinallataj monte animalestapis paypa kamachinman churani.

DIOSPA QHELQACHISQAN DEUTEROCANONICAL

⁶ Kunanqa noqa kay suyukunata Babiloniata kuraj kamachej kamachiy Nabucodonosorpa makinman churani. Jinallataj k'ita animalkunatapis paypa makinman churallanitaj.

DIOSPA QHELQACHISQ

⁶ Kunanqa noqa kay suyukunata Babiloniata kuraj kamachej kamachiy Nabucodonosorpa makinman churani. Jinallataj k'ita animalkunatapis paypa makinman churallanitaj.

Jeremías 27:6 ပူးပေါင်းရင်းမြစ်များ

2 Reyes 25:28

Paytaqa may k'achatapuni parlapayarqa, Babiloniapi reyes kasharqanku chaykunamanta aswan patapi paypa trononta churaporqa.

2 Crónicas 36:23

Persiamanta rey Ciroqa kay jinata nin: Janaj pachamanta Dios makisniyman churamun kay jallp'a patapi kaj tukuy reinosta, kamachiwantaj Jerusalempi Diosta yupaychana wasita ruwapunayta, chaytaj Judá jallp'api kashan. Ajinaqa mayqennillaykichejpis, Señorpa ayllunmanta kajkunataqa, Señor Diosniykichej yanapachun, jaqaymantaj richun.

Isaías 44:28

Kamachej Cirotapis nini: Qanqa michejniy kanki, qanqa ruwanki imatachá munasqayta, nispa. Jerusalentapis nillanitaj: Qanqa watejmanta ruwasqa kanki. Diospa wasintapis nillanitaj: Qantapis watejmanta sayachisonqanku, nispa.

Jeremías 21:7

Chay qhepantataj Judamanta rey Sedequiasta, Nabucodonosorpa makisninman, waj wañuchejkunaj makisninanwan jaywaykusaj. Chanta jaywaykullasajtaj tukuy puchojkunata, onqoykunamanta, maqanakumanta, yarqhaymanta, llajtapi puchojkuna soldadosta ima. Noqa saqesaj espadawan wañuchisqas, mana uj chhikan khuyarisqas kanankuta. Noqa Señor chaytaqa nini.

Jeremías 22:25

Qanta jaywaykusunaypaj wañuchej enemigosniykiman, qan pistachus manchachikunki chaykunaman wijch'usqayki. Babiloniamanta rey Nabucodonosorman chantaqa jaywaykusqayki, caldeosman ima.

Jeremías 24:1

Babiloniaj reynin Nabucodonosor, chay Joacimpa wawan Judamanta rey Jeconiasta waj jallp'aman, chay Judamanta kurajkunastawan khuska, chantá artesanostawan, herrerostawan ima apachisqantawan, iskay canastasta higoskunasniyojta, Diosta yupaychana wasej ñaupaqempi churasqasta Señorqa rikuchiwarqa.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Jeremías 28:14

Noqa Tukuy Atiyniyoj Israelpa Señor Diosnin nini: Fierromanta uj yugota tukuy nacionespa kunkanman noqa churani, Babiloniamanta rey Nabucodonosorpa kamachisnin kanankupaj. Chay k'ita animalestapis paypa atiyninman churani, nispa.

Jeremías 43:10

Israelpa Tukuy Atiyniyoj Señor Diosnin nin: Babiloniamanta kamachej rey Nabucodonosorta pusachimusaj, chaymantaqa kay p'ampasqayki rumis pataman trononta churasaj, ajinallatataj toldontapis.

Jeremías 49:30

Hazorpi tiyakojkuna usqhayta ayqeychej. Rispa allinta pakakamuychej. Noqa Señor chayta nini. Babiloniamanta rey Nabucodonosorqa qankunaj contraykichejpi sajra ruwaykunata wakichikunña.

Ezequiel 29:12

Egipto jallp'ataqa ch'inyachisqa llajtasmantapis aswan ch'inman tukuchisaj. Tawa chunka watas junt'ata, tukuy thuñisqa llajtamantapis aswan thuñisqaraj kanqa, runasnintataj waj llajtasman, tukuy kay pachapi llajtasmantaj ch'eqerachisaj.

Ezequiel 30:24

Babiloniaj reynimpa makisnintarí atiyniyojman tukuchisaj, espadaytataj makinman jaywasaj. Faraompa makisnintarí p'akirasaj, paytaj contrariompa ñaupaqempi maytapuni nanaywan waqanqa.

Daniel (hebreo) 4:12

Laqhesnintaj chay jina k'achaspuni karqanku, poqoynintaj may ashkha karqa, tukuynin runakuna mikhojtimpis mana tukukoj karqa. Campopi kaj animalkuna llanthunman chimparqanku. Ramasnimpi p'isqokuna thapachakorqanku. Kay pachapi tukuy kausajkunataj chay sach'arayku kausayta tarerqanku.

Daniel (hebreo) 4:22

Wiñarqa atiyniyojtaj karqa chayqa, qan rey, kanki chay sach'aqa. Rey kasqaykipi jatunyasqaykeqa yapakun janaj pachaman chayanankama, kamachisqaykitaj tukuynin jallp'api, uj cantomanta ujnin cantokama jatunyan.