Jeremías 27:18 - Qheshwa Biblia DC

¹⁸ Cheqamanta profetaspuni kanku chayqa, cheqamantataj paykunaman parlani chayqa, noqa Tukuy Atiyniyoj Señormanta mañawachunku, ama Babiloniaman apanankuta saqenampaj, chay Diosta yupaychana wasipi qhepakunkuraj chay imasta, chantá Judamanta reypa palaciompi, Jerusalempipis qhepakunkuraj chaykunata ima.

DIOSPA QHELQACHISQAN DEUTEROCANONICAL

¹⁸ Sichus cheqapuni sut'inchaj kanku chayqa, sitajchus cheqatapuni paykunaman parlani chayqa, noqa Tukuy Atiyniyoj Tata Diosmanta mañakuwachunku. Noqataj, imachus Templopi qhepakunraj, chay imakunata Babiloniaman apanankuta mana saqesajchu. Jinallataj Judá suyuta kuraj kamachejpa kamachinan wasipi, Jerusalenpipis qhepakunkuraj, chaykunata apajta manallataj saqesajchu, nispa.

DIOSPA QHELQACHISQ

¹⁸ Sichus cheqapuni sut'inchaj kanku chayqa, sitajchus cheqatapuni paykunaman parlani chayqa, noqa Tukuy Atiyniyoj Tata Diosmanta mañakuwachunku. Noqataj, imachus Templopi qhepakunraj, chay imakunata Babiloniaman apanankuta mana saqesajchu. Jinallataj Judá suyuta kuraj kamachejpa kamachinan wasipi, Jerusalenpipis qhepakunkuraj, chaykunata apajta manallataj saqesajchu, nispa.

Jeremías 27:18 ပူးပေါင်းရင်းမြစ်များ

Génesis 20:17

Chaymanta Abrahamqa Diosmanta mañaporqa. Diostaj thañicherqa Abimelecta, jinallataj warminta; chanta kamachisnintapis, paykuna ajinamanta wawasniyoj kanankupaj.

1 Reyes 18:24

Chaymantataj dioskunasniykichejpa sutisninkumanta qhapariychej, noqataj Señorpa sutinta qhaparisaj, mayqen dioschari ninata apachimonqa, chaymin Diosqa kanqa. Tukuy runastaj kuticherqanku, kosapacha, nispa.

1 Reyes 18:26

Paykunataj ujnin torota jap'iytawan wakicherqanku, sut'iyaymantapacha khuskan p'unchaykama Baalpa sutinta qhaparerqanku, kay jinata: Baal uyariwayku, nispa. Manataj ima parlayllapis, nitaj kutichejpis karqachu; chaykamataj paykunaqa, altar ruwarqanku chay qayllampi phinkirispa purisharqanku.

2 Crónicas 32:20

Chaypacha rey Ezequiasqa, jinataj Amospa wawan profeta Isaiaspis mañakorqa janaj pachamanta yanapata mañakuspa.

Jeremías 15:1

Señorqa niwarqa: Moiseswan, Samuelwampis kay ñaupaqeyman rikhurimunkuman, chaywampis manapuni kay ayllumantaqa khuyakuymanchu. Niy paykunaman, kay ñaupaqeymanta llojsinankuta, maymampis ripuchunku.

Jeremías 18:20

Allin kajtaqa sajrawanchu pagapuna? Paykunaqa ayayta p'ampanankupaj jallp'ata allankuña. Yuyarikuy qanwan tiyakusqaymanta, paykunataj khuyayniykita mañakuspa parlasusqayta mañasuspataj paykunamanta phiñakuyniykita qhechunaykita.

Jeremías 42:2

Profeta Jeremiasman qayllarqanku, nerqankutaj: Uj imata mañakuyku: Ama qhesachawaykuchu. Kay pisi p'unchaykunapaj Diosniykimanta mañapuwayku. Ñaupajta ashkhas karqayku. Kunantaj uj chhikallaña puchurpariyku kay imaynatachus rikunki ajinata, chayman jina Señor Diosniyki yachachinawaykupaj, ima ñantachus qhatinaykuta, imatatajchus ruwanaykuta.

Jeremías 7:16

Qan, Jeremías, ama kay aylluyraykoqa mañakuwaychu, ama majakuwaychu, nitaj mañakuwaychu paykunarayku. Ama astawan k'iskimanta mañakuwaychu, imaraykuchus manapuni uyarisqaykichu.

Ezequiel 14:14

Kay kinsa runaschus chay llajtapi kashankuman Noé, Daniel, Job ima chayqa, paykunalla kinsantinku salvasqas kankuman cheqa runas kasqankurayku. Noqa Señormin chayta nini.

Ezequiel 22:30

Chay runas ukhupi noqa mask'arqani pillapis kay llajtaj allinninta sayarinanta ñaupaqeypi noqamanta kay llajtarayku mañapunampaj, ajinamanta kay llajtata ama chinkachinampaj, manataj ujllatapis tarerqanichu.

Malaquías 1:9

Diosmanta mañakuychej khuyakunawanchejta. Chaywampis, sichus chay laya ofrendata jaywankichej chayqa, ama yuyaychejchu Dios kusiywan jap'ikunantaqa. Kayta Tukuy Atiyniyoj Señorqa nin: Noqa munayman mayqellampis qankunamanta templo punkuta wisq'aykapunanta, ama ujtawan qhasi mana kajpaj altarniypi nina jap'ichisqa kanampaj. Qankunawanqa mana kusiyniy kanchu, ofrendasniykichejtapis mana jap'isajñachu.

1 Samuel 12:19

Chayrayku Samuelta tukuy nerqanku: Señor Diosniykimanta mañaripuwayku ari, kay qampa kamachisniyki ama wañunaykupaj, tukuy juchasniykuman kaytawan yapaykukuyku uj reyta mañakuspa.

1 Samuel 12:23

Noqataqa Señor waqaychawachun, paypa contrampi juchallikunaymanta qankunapaj mañayta saqerparispa. Manachayqa qankunata yachachisqaykichej sumajta cheqantataj kausanaykichejpaj.

1 Samuel 7:8

Chaymantataj Samuelman nerqanku: Señor Diosninchejmanta noqaykupaj mañapullawaykupuni ari, filisteospa atiyninmanta kacharichinawaykupaj.