Jeremías 26:13 - Qheshwa Biblia DC

¹³ Astawan allinta puriychej, ruwaychejtaj, Señor Diosniykichejtapis kasuychej. Paytaj manaña, apachimusaj nerqa chay ñak'ariykunastaqa apachimusunkichejchu.

DIOSPA QHELQACHISQAN DEUTEROCANONICAL

¹³ Chayrayku imaynatachus kawsashasqaykichejta, purishasqaykichejtapis allinchaychej, Diosniykichej Tata Diostapis kasuychej. Ajinatachus ruwankichej chayqa, kachaykamunanta nerqa, chay ñak'ariykunata manaña kachaykamusonqachejchu.

DIOSPA QHELQACHISQ

¹³ Chayrayku imaynatachus kawsashasqaykichejta, purishasqaykichejtapis allinchaychej, Diosniykichej Tata Diostapis kasuychej. Ajinatachus ruwankichej chayqa, kachaykamunanta nerqa, chay ñak'ariykunata manaña kachaykamusonqachejchu.

Jeremías 26:13 ပူးပေါင်းရင်းမြစ်များ

Éxodo 32:14

Chaymanta Señorqa phiñakuyninta tiyaykuchikorqa, manañataj Israel runasninta chinkachiyta munarqachu.

Isaías 1:19

Kasukuyta munankichej chayqa, sumaj jallp'aj poqoyninta mikhunkichej.

Isaías 55:7

Juchasapaqa sajra puriyninta saqechun. Sajra runaqa imatachus yuyasqasninta saqechun. Señorman kutirichun, imaraykuchus paymanta khuyakonqa. Diosman kutirichun. Payqa perdonanqapacha.

Jeremías 11:4

kay tratota ruwarqani chay ñaupa tatasninkuwan Egiptomanta orqhomorqani chaypacha. Chay jallp'a paykunapajqa, fierrota unuyachinapaj horno jina karqa. Noqa nerqani: Kasuwaychej, ruwaychejtaj tukuy kamachisusqayta, jinamanta qankuna aylluy kanaykichejpaj, noqataj Diosniykichej kanaypaj.

Jeremías 18:11

Niy ari Judá aylloj runasninman, jinataj Jerusalempi tiyakojkunaman, noqa Señor paykunaman nishasqayta: Noqa wakichikushasqayta qankunaj contraykichejpi ruwaykunata. Jasut'iyta munashaykichej. Saqellaychejña ari chay sajra ñanta; puriyniykichejta, ruwasqasniykichejtapis astawan allinyachiychej.

Jeremías 18:8

Chay nación sajramanta t'aqakunman chaypachaqa, chay apachimunay karqa chay jasut'ita manaña apachimusajchu.

Jeremías 26:19

Rey Ezequías, Judamanta tukuy ayllupis Miqueasta wañucherqankuchuri? Uj jinataj karqa: Señorta reyqa manchachikorqa, mañakorqataj paykunamanta khuyarikunanta. Jinataj chaypacha Señorqa manaña ñak'ariykunasta apachimorqachu, mayqenkunatachus apachinanta nerqa chaykunata. Kunanrí, noqanchejqa jatun juchatawanchu yapaykukusunman?

Jeremías 26:3

Ichapis kasusunkuman, chay sajra ruwaykunasninkutataj saqenkuman, jinamanta noqapis manaña chay sajra ruwasqasninkumanta jasut'iymanñachu, imaynatachus yuyasharqani jinataqa.

Jeremías 35:15

Kamacherqaykichej qhepampi qhepampi, tukuy kamachisniy profetasta ninasuykichejpaj: Jucha ruwaykunasta, millay ruwaykunastapis saqeychej. Ama waj dioskunaj qhepanta ripuychejchu, nillataj yupaychaychejchu, jinamanta qankunaman, jinataj ñaupa tatasniykichejmampis qosqay jallp'api tiyakullankichejpuni. Jinapis qankunaqa mana kasuwarqankichejchu, nitaj nisqasniyta junt'arqankichejchu.

Jeremías 36:3

Ichapis Judaman kaj runasqa ñak'ariykunasta apachimunashani chaymanta uyarispa tukuy sajra puriyninkuta saqenkuman, noqataj sajra ruwasqasninkumanta, juchasninkumantapis perdonapusaj.

Jeremías 38:20

Jeremías kuticherqa: Jinapis jatun reyníy, mana paykunaj makinkuman urmankichu. Kasukuy reyníy, Señorpa nisqanta noqaqa willayki. Allinmin risonqa, kausayniykitataj salvanki.

Jeremías 42:10

Sichus qankuna kay jallp'api tiyakuyta munankichej chayqa, noqa qankunata aswan allin kajwan yanapasqaykichej, mana chinkachisqaykichejchu, manachayqa allinta sayachisqaykichej, manataj t'irasqaykichejchu. Mayta sonqoyta nanachikuni kay ñak'ariykunasta qankunaman apachimusqaymanta.

Ezequiel 33:11

Paykunaman niy: Noqa Señorqa kausayniyrayku jurani: Mana munanichu juchasapa runa wañunanta, astawanqa munani sajra puriyninmanta kutirimuspa kausananta. Israel runakuna, sajra puriyniykichejmanta kutirimpuychej, kutirimpuychej, imaraykutaj wañuwajchejri?, nispa.

Joel 2:14

Ichapis yuyaychakunman qankunata mana jasut'iyta, aswantataj bendicionninta apachimusunkichejman. Ajinamanta poqoj granosmanta, vinomantataj ofrendasta Tukuy Atiyniyoj Diosniykichejman jaywanaykichejpaj.

Jonás 3:9

Ichapis Diosninchej jinamanta juchasninchejta pampachanman, k'ajaj phiñakuynintaj tiyaykunaman, jinamanta mana wañusunchu, nispa.

Jonás 4:2

Señormantaj kay jinata nerqa: Qhawariy Señor, kaytamá nerqayki jallp'aypi kashaspallaraj. Chayrayku ayqesharqani Tarsisman. Yachani ari, khuyakoj sonqo nanachikoj Dios kasqaykita, mana chhika usqhayta phiñakoj kasqaykita, chhika jatun khuyakuyniyoj kasqaykita, jasut'ej rishaspa mana jasut'isqaykita chay jina millay sajrata ruwasqankumanta.

Deuteronomio 32:36

Chaypacha Señorqa ayllunta yanapanqa pisi kallpayojta rikuspa. Señorqa kamachisninta khuyapayanqa, manaña pipis kasqanta rikuspa, kallpayoj kaj, mana kallpayoj kajpis.

Hebreos 5:9

Allinchasqaña kaspa, tukuy payta kasojkunapaj wiñaypaj salvajnin churasqa karqa.

Jueces 2:18

Señorqa sapa kuti jatarichej uj kuraj runata chantá yanapajtaj. Chay kuraj runa kausashajtintaj israelitasta kacharichejpuni enemigosnimpa makisninmanta, sinch'i ñak'ariypi waqasqasninkuta uyarispataj paykunata khuyakoj.