Jeremías 25:9 - Qheshwa Biblia DC

⁹ Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

DIOSPA QHELQACHISQAN DEUTEROCANONICAL

⁹ Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

DIOSPA QHELQACHISQ

⁹ Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 25:9 ပူးပေါင်းရင်းမြစ်များ

2 Reyes 24:2

Chanta Señorqa Joacimpa contrampi ashkha soldadosta kachamorqa, caldeosta, siriosta, moabitasta, amonitastawan. Chaykunata kachamorqa Judata chinkachinankupaj, imaynatachus Señorpa palabran kamachisnin profetasninnejta nisqa kasqanman jina.

2 Crónicas 29:8

Chayrayku Señorqa phiñakorqa, Judapaj Jerusalempajwan, may llakiyta saqerparin, tukuy chayta rikuspa t'ukunankupaj, asipayachikunankupajtaj, imaynatachus kikin ñawisniykichejwan rikushankichej jina.

2 Crónicas 36:21

Chay tukoyqa ruwakorqa profeta Jeremiasnejta Diospa nisqasnin junt'akunampaj. Jinamanta jallp'aqa samarikorqa tukuynin tiempospi raqaykunaspi kanankama, qanchis chunka watas junt'akunankama.

Proverbios 21:1

Reypa yuyaynenqa Señorpa makimpipuni kashan, chayqa larq'a yaku jina purin, Señor imaynatachus munasqanman jina.

Isaías 10:5

Asiria, qanqa phiñakuyniypi wajtanay k'aspi kanki, phiñakuspa oqharinay k'aspi kanki.

Isaías 13:3

Noqa kamachiniña ajllakusqasniyta, chantaqa wajyallanitaj wapu kamachisniyta phiñakuyniyta junt'anankupaj, atipasqaymanta kusikojkunata.

Isaías 39:7

Mirayniykimanta kajkunata wakinta Babiloniamanta kajkunaqa, kapaspa Babilonia reypa palaciompi kamachismanta churanqanku.

Isaías 44:28

Kamachej Cirotapis nini: Qanqa michejniy kanki, qanqa ruwanki imatachá munasqayta, nispa. Jerusalentapis nillanitaj: Qanqa watejmanta ruwasqa kanki. Diospa wasintapis nillanitaj: Qantapis watejmanta sayachisonqanku, nispa.

Jeremías 1:14

Chaypacha Señorqa niwarqa: Pata ladomantapacha ñak'areyqa jich'akamonqa, kay jallp'api tukuy tiyakojkunaj patanman.

Jeremías 1:15

Noqa Señor cheqamanta niykichej: Pata ladomanta chay tukuy nacionesta wajyamusaj. Reyes jamonqanku, kikin Jerusalempa yaykunasnin punkusnimpitaj tiyanasninkuta churanqanku. Jerusalempa perqasnimpa qayllasninman jina, chantá Judá llajtas qayllamantaj.

Jeremías 10:22

Allinta uyariychej, uj willay chayamun! Pata lado llajtasmanta uj jatun ch'ajway jamushan, chaytaj Judáj llajtasninta uj ch'in pampaman tukuchenqa atojkunallaña kausanankupaj jina.

Jeremías 12:14

Ajinata Señorqa nin: Israel qayllapi tiyakojkuna juchasapa runasman, pikunachus phiñarerqanku chay chayaqenkupaj jina qorqa Israel ayllun chayta: Noqa t'irasqaykichej jallp'asniykichejmanta, Judatapis orqhollasajtaj paykuna chaupimanta.

Jeremías 18:16

Jinamanta jallp'ataqa uj ch'in pampaman tukurparichin, jinataj qhepampi qhepampi asipayasqallapuni kanampaj. Tukuy chayninta pasajkunaqa mancharisqas umankuta khiwirenqanku.

Jeremías 2:15

Imaraykutaj leones jina sinch'ita qhaparispa Israelman phinkiykunkuri? Jallp'ankuta ch'impachata saqerparinku, llajtasninkutapis q'olasqasta mana runayojta saqerparinku.

Jeremías 20:4

Señorqa nisunki: Qan kikiyki mayta mancharikunaykipaj jina ruwasqayki, jinataj tukuy kausayniykipajpis; rikunaykita kausaqesniyki enemigosninkoj espadanwan wañuchisqas kanqanku. Tukuy Judapi kaj tiyakojkunatataj Babilonia reypa makisninman jaywaykusaj, payta jallp'aykichejmanta Babiloniaman apasonqachej, chayri cuchillowan wañurachisonqachej.

Jeremías 24:9

Paykunata mancharikunapaj jina ruwasaj, tukuy jallp'api kaj nacionespaj; p'enqakunankupaj jina, cuentakunankupaj jina, asikunankupaj jina, maldición kanankupaj jina, maymanchus chayanqanku chay naciompi.

Jeremías 25:8

Chayrayku, Tukuy Atiyniyoj Señorqa ajinata nin: Qankuna chay k'amisqasniyta manaña kasuwankichejchu.

Jeremías 29:18

Paykunata qhatiykusaj maqanakuwan, yarqhaywan, onqoywan ima. Kay pachapi tukuy naciones kajkuna rikuspa mayta t'ukunankuta saqesaj. Tukuyninku rikuspa wananankupaj saqesaj maldicisqa kaymanta, p'enqasqa kaymantapis, maykunasmanchus ch'eqeracherqani chay tukuy nacionespi t'ukunankupaj, mancharikunankupajtaj kankichej.

Jeremías 35:11

Jinapis maypachachus Babiloniaj reynin Nabucodonosor kay jallp'aman yaykuykamorqa, chaypacha Jerusalenman risunman nerqayku caldeospa soldadosninmanta ayqenaykupaj, jinataj arameosmantapis; chayraykumin Jerusalempi tiyakushayku.

Jeremías 36:29

Kay jinata noqa niyki, qanqa librota ruphacherqanki, Jeremiastataj k'amerqanki kay jinata qelqasqanmanta; Babiloniamanta reyqa jamonqapuni kay nacionta chinkachinampaj mana uj runasniyojta, mana uj uywasniyojtataj.

Jeremías 4:7

Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.

Jeremías 40:2

Soldadosta kamachejqa wajnejman Jeremiasta pusaspa kay jinata nerqa: Señor Diosniyki kay jallp'aman ñak'ariykunata apachimunanta nerqa, kunanta chayta junt'an. Kay imas qankunata qhatirisunkichej Señorpa contrampi juchallisqaykichejrayku, mana kasusqaykichejraykutaj.

Jeremías 43:10

Israelpa Tukuy Atiyniyoj Señor Diosnin nin: Babiloniamanta kamachej rey Nabucodonosorta pusachimusaj, chaymantaqa kay p'ampasqayki rumis pataman trononta churasaj, ajinallatataj toldontapis.

Jeremías 46:20

Egiptopi uj china malta wakaman rijch'akun. Uj jatun ch'uspi wichaynejmanta jamuspa wach'in.

Jeremías 49:19

Mana yuyasqaykichej ratopi jamusaj, imaynatachus uj león llojsimun Jordán mayu cantopi ch'umimanta ajinata, maypicharí q'omer pastos kashanku chayman. Edonmanta kajkunatataj chaymanta ayqechisaj, pitacharí noqa ajllasaj chayta kamachinampaj churasaj. Pitaj noqaman ninakuyta atinmanri? Pitaj noqaman sayaykuyta atinmanri? Mayqen michejtaj ñaupaqeyman churanakoj jamuwanmanri?

Jeremías 6:1

Benjamimpa ayllunmanta kaj runas, pakakunata mask'aychej, Jerusalenmantataj ayqeychej! Tecoapi putututa waqachiychej, uj señalta oqhariychej Bet-haquerempi, imaraykuchus pata ladomanta uj llakiy, manchay ñak'ariytaj jamunayashan.

Jeremías 8:16

Enemigosqa jamushanña. Caballospa ansaqesqasninku Danmantapachaña uyarikun. Caballos qhaparinku chayqa, tukuy jallp'antin kharkatitin. Jallp'api tukuy kaj imasta t'unaykoj jamushanku, llajtata, chaypi tiyakojkunasninta ima.

Ezequiel 12:20

Tukuynin llajtas runasniyoj kajkunaqa t'unasqas kanqanku, jallp'ataj mana imayoj t'ajra pampa qhepakonqa. Chaypacharaj qankunaqa noqa Señor kasqayta rejsiwankichej.

Ezequiel 16:40

Ashkha runas contraykipi oqharikonqanku. Rumiswan ch'anqasuspa, cuchillosninkuwan ima t'ojsisuspataj wañuchisonqanku.

Ezequiel 21:11

Lliphipirishajta afilacherqanku waj runa jap'inampaj. Cuchilloqa afilasqa kashan, lliphipishantaj, runa wañuchejpa makinman jaywanapaj.

Ezequiel 26:7

Imajtinchus kay jinata Señorqa nin: Wichaynejmanta, Babilonia rey Nabucodonosor Tiroj contrampi jatarichimusaj, payqa reyespa reynin, caballoswan, carretaswan, caballospi rejkunawan, ashkha soldadoswantaj ashkha llajtasmanta jamorqanku.

Ezequiel 36:5

Chayrayku, Atiyniyoj Señorqa kay jinata nin: Waj llajtaspa contrantaqa nina jina k'ajashaj phiñakuyniypi parlani, astawanqa tukuynin Edom llajtaj contranta. Paykunaqa tukuy sonqonkumanta kusikuspa jallp'ayta jap'ikaporqanku, manchay qhesachaywantaj camposnimpi kaj imasta suwakaporqanku.

Daniel (hebreo) 5:18

Tukuy Atiyniyoj Dios, Nabucodonosor tataykiman qorqa reinota, jatun atiyta, gloriata, jatumpaj qhawasqa kayta ima.

Habacuc 1:12

Señor, manachu qanqa mana jayk'aj wañoj wiñay wiñaypaj kausaj Santo Diosniy kankiri? Waqaychaj Señorníy, qanmin caldeosman kallpata qorqanki justiciaykita ruwanankupaj.

Habacuc 1:17

Ajinatachu, caldeosqa ch'ipasninkuwan jap'irallawasqaykupuni? Runastapis mana uj chhikanta khuyarispa wañuchillanqankupunichu?

Deuteronomio 28:37

Chantaqa maymanchá Señorqa apachisonqachej chay llajtaspi, millaypaj qhawasqas kankichej, imaymanatataj kajta mana kajta parlakusonqachej, asipayasonqachejtaj.