Jeremías 25:34 - Qheshwa Biblia DC

³⁴ Qhapariychej, michejkuna, nanaywan qhapariychej! Qankuna aylluyta pusankichej chaykuna, pampapi sunt'iraychej! Imaraykuchus wañuchinanku rato chayamunña, qankunatatajri wañuchisonqachej wira ovejata jina.

DIOSPA QHELQACHISQAN DEUTEROCANONICAL

³⁴ Qhapariychej, michejkuna, nanaywan qhapariychej. Aylluyta pusajkuna, nanaywan pampapi sunt'iraychej, imaraykuchus wañuchisqa kanaykichej p'unchay chayamunña, qankunataj wira oveja jina ñak'asqa kankichej.

DIOSPA QHELQACHISQ

³⁴ Qhapariychej, michejkuna, nanaywan qhapariychej. Aylluyta pusajkuna, nanaywan pampapi sunt'iraychej, imaraykuchus wañuchisqa kanaykichej p'unchay chayamunña, qankunataj wira oveja jina ñak'asqa kankichej.

Jeremías 25:34 ပူးပေါင်းရင်းမြစ်များ

2 Crónicas 36:10

Chay wata muyurimuypitaj rey Nabucodonosorqa Joaquinta kamacherqa Babiloniaman apachinankuta, Señorpa yupaychana wasinmanta aswan valorniyojkuna imastawan khuska. Sedequiastataj churarqa Judatawan Jerusalentawan kamachinampaj. Sedequiasqa Joaquimpa ayllunmanta karqa.

Salmos 2:9

Fierro varawan kay pachapi reyesta tukuchinki. T'uru mankata jina paykunata p'akiranki.

Isaías 10:12

Señorqa Sión orqopi, Jerusalempiwan ruwaspaña, Asiria reytañataj jasut'enqa, anchata wapuykachasqanta, may kasqanta yuyakusqanmantataj.

Isaías 2:16

Tarsismanta tukuy buquespa contrampi, ashkha qhatunapa imasniyoj barcospa contrampi ima.

Isaías 30:14

Chayqa t'unasqa kanqa uj t'uru qeru jina, mana khuyaspa t'unasqa ajina. Chay jinatapuni p'akikojtenqa mana uj chhikan k'anallallapis puchonqachu, q'onchamanta ninata orqhonallapajpis, nitaj allinchu yakuta wisinallapajpis.

Isaías 33:1

Ay, qanqa qhechoj runa, qanmantataj mana jayk'ajpis qhechusunkuchu; qan, suwaj runa, qanmantataj manaraj suwasunkurajchu. Qan qhechuyta tukojtiyki, qanmantapis qhechullasonqankutaj. Ajinata suwayta tukojtiykikama qanmantapis suwallasonqankutaj.

Isaías 34:6

Señorpa espadanqa sumaj yawarchasqa, wiranchasqataj kashan, imaynatachus ovejasta, cabrastapis rikuchikuspaj wañuchinku ajinata. Señorqa uywa wañuchisqa jaywakuta Bosra llajtapi ruwanqa, jinamanta ruwanqa uj jatun ñak'arakuta Edom llajtapi.

Isaías 34:7

Chay runaswan khuska wañonqanku búfalos, toros, waka uñas ima. Chay jallp'aqa chay yawarwan ch'aranchasqa kanqa, wirawan qhosqochasqataj kanqa.

Jeremías 18:22

Contrankupi ujllapi ashkha suwasta kachaykamuy. Manchariywan qhaparqachasqanku uyarikuchun, imaraykuchus jap'inawankupaj uj jusk'uta allanku, purinasniymantaj tojllata churamunku.

Jeremías 22:28

Jeconiasqa mana ni imapaj p'akisqa k'anallachu? Imaraykutaj payqa wawasnintin mana rejsisqa jallp'aman wijch'usqari?

Jeremías 23:1

Señorqa nin: Ay, michejkunamanta pischus ovejasniyta chinkachinku chaykunamanta.

Jeremías 25:12

Qanchis chunka watas junt'akojtinkamataj, juchasninkumanta cuentata mañarisaj, Babilonia reymanta, nacionninmanta; caldeosmantapis, chay nacionninkutataj wiñaypaj chinkachisaj. Noqa Señor chayta nini.

Jeremías 25:23

Dedanman, Temaman, Buzmampis, chay umasninkuta ruthukunku chay ayllusman;

Jeremías 25:36

Chay michejkunaqa qhaparinku; nanaywan qhaparenqanku aylluyta pusajkunaqa, imaraykuchus Señormin pastosninkutaqa ch'akirparichin.

Jeremías 27:7

Tukuy nacionespis payman, wawanman, allchhinman ima kamachisninku kanankupaj jaywasqas kanqanku. Chaytaj kanqa paykunaj jallp'ankuñataj, jatuchaj nacionesman, jinataj atiyniyoj reykunasmampis jaywasqas kanankukama.

Jeremías 3:19

Israel, noqa qanta wawaypaj jina jap'ikapuyta yuyarqayki, sumaj moq'ena jallp'ata qonasuypaj; tukuy kay pachapi jallp'asmanta aswan k'acha jallp'ata. Noqa yuyarqani tatáy ninawaykita, manataj jayk'ajpis noqamanta karunchakunaykita.

Jeremías 48:26

Moabta machaykuchiychej, imaraykuchus Señorpa contrampi oqharikorqa. Chaypacha Moabqa ajtuykusqampi sunt'enqa, tukuytaj paymanta asiykukonqanku.

Jeremías 48:38

Moab wasi pataspi, tukuynin callesnimpipis waqaykunallaña uyarikun. Noqa Moabta t'unata ruwarqani, imaynatachus mana walej yuruta t'unanku ajinata. Noqa Señor chayta nini.

Jeremías 50:27

Tukuy soldadosninta wañuchiychej, wañuchina cheqaman apaychej. Paykunapajqa uj llakiy, p'unchayninku chayamun jasut'ichikunanku rato.

Jeremías 6:26

Ayllúy, qhashqa p'achasta churakuy, llakiy p'achata churakuy, ushphapi sunt'iray; qhaparqachaspataj waqay, imaynatachus uj k'ata wawanku wañupojtin waqanku ajinata. Noqanchejta wañuchejkunaqa contranchejpi ñapis jamushanña.

Lamentaciones 4:21

Uzpa jallp'ampi tiyakoj Edom, mayta kusikuy ari. Qanmampis chay jaya copata ujyanaqa chayamullasonqataj. Ajinamanta qanqa machaykunki, mana p'achayojtaj kanki.

Ezequiel 34:20

Chayrayku Señorqa kay jinata nisunkichej: Tulluyasqa ovejastawan, wirayasqa ovejastawan cheqanchasaj.

Daniel (hebreo) 11:8

Astawampis, apakaponqa Egiptoman dioskunasninkuta, metalmanta ruwasqa lantisninkuta, qorimanta, qolqemanta ruwasqa valorniyoj imastawan. Unay watasta iskaynin naciones mana ch'ajwaspalla kanqanku.

Oseas 8:8

Israelqa oqoykuchikorqa! Waj llajtayojkunataj qhawanku mana uj chhika kallpayojta jina,

Amós 5:11

Qankunaqa mana atiwajchejchu rumimanta ruwasqaykichej wasispi, nitaj vinotapis ujyawajchejchu tarpusqaykichej uvasmanta; wajchasta sarusqaykichejrayku; trigomanta impuestota mañasqaykichejrayku.

Zacarías 10:3

Chayrayku nin Señorqa: Phiñakuyniy astawan k'ajarin michejkunaspa contrampi, jasut'isajtaj kay aylluyta pusaykachajkunata. Tukuy Atiyniyoj Señor, Judajpa mirayninmanta chay tropanta waqaychan. Paykunamantarí uj maqanakupaj may kallpayoj caballota jina ruwanqa.

Zacarías 11:3

Michejkunapis mayta waqashanku, imaraykuchus k'achapaj qhawasqas kasqanku pastosqa chinkachisqaña kanku. Leompa qhaparqachasqasnin uyarikun, imaraykuchus Jordán mayoj may k'acha k'iski sach'asniyoj kasqan q'ala chinkachisqaña.

Santiago 5:5

Kay jallp'a patapi qankunaqa sumaj p'achayoj k'ancharishaj kausarqankichej munayniykichejpi, may kusisqas, sonqosniykichejta wirayachispa ñak'ana p'unchaypaj jina.