Jeremías 24:10 - Qheshwa Biblia DC

¹⁰ Paykunaman maqanakuta, yarqhayta, onqoytapis apachimusaj, mana ujniyoj kay jallp'api tukukunankukama, may jallp'atachus paykunaman, chantá ñaupa tatasninkumampis qorqani chaypi.

DIOSPA QHELQACHISQAN DEUTEROCANONICAL

¹⁰ Paykunaman maqanakuta, yarqhayta, onqoytapis apachimusaj, kay suyumanta tukuy chinkanankukama, mayqen suyutachus paykunaman, chantá ñawpa tatankumanpis qorqani, kaymanta, nispa.

DIOSPA QHELQACHISQ

¹⁰ Paykunaman maqanakuta, yarqhayta, onqoytapis apachimusaj, kay suyumanta tukuy chinkanankukama, mayqen suyutachus paykunaman, chantá ñawpa tatankumanpis qorqani, kaymanta, nispa.

Jeremías 24:10 ပူးပေါင်းရင်းမြစ်များ

Isaías 51:19

Kay iskay llakiykuna qantaqa qhatirisorqa: Llajtaykeqa tukuchisqa ch'impacha saqesqa karqa, runasniykeqa yarqhaywan, espadawantaj wañurachisqas karqanku. Chaypacha pitaj qanta llakiysisunkiri? Pitaj sonqochaykurisunkiri?

Jeremías 14:12

Ashkha ayunostapis ruwachunku mana uyarisajchu chay mañawasqasninkuta. Apamuchunkupis rikuchikusta, jinataj poqoykunasmanta ofrendasta, manapuni allimpajchu chaykunatapis qhawasaj. Paykunata maqanakupi tukuchisaj, chanta yarqhaywan onqoywan ima.

Jeremías 15:2

Sichus tapusunkuman: Maymantaj risqaykuri?, nispa chayqa, kay nisqaymanta paykunaman willay: Onqoywan wañunanku kajqa onqoywan wañuchunku. Maqanakupi wañunankupaj kajkunaqa, maqanakupi wañuchunku. Yarqhaywan wañunankupaj kajkunaqa, yarqhaywan wañuchunku. Jallp'ankumanta wijch'usqas kanku, kashan chaykunaqa, wijch'usqas kachunku.

Jeremías 16:4

Wañonqanku millay sinch'i onqoykunawan, mana pipis paykunamanta waqanqachu, nitaj p'ampajkuna kanqachu, pampapi wanu jina wijch'urasqas qhepakonqanku. Maqanakuykuna paykunataqa tukuchenqa. Ayasninkutataj chay aycha mikhu phawajkunawan, monte animaleswan mikhonqanku, nispa.

Jeremías 19:7

Kay cheqapi noqaqa Judáj, jinataj Jerusalempa imatachus yuyasqasninta chinkachisaj. Saqesajtaj chay wañuchejkunaj enemigosnin atipaykunankuta, wañurachinankutataj. Chay ayasninkurí aycha mikhu phawajkunaj mikhunankupajtaj kanqanku.

Jeremías 21:9

Pichus kay llajtapi qhepakojqa maqanakupi yarqhaywan, chayri onqoywan wañonqa. Pitajchus llajtamanta llojsispa caldeoswan jap'ichikonqa chayqa, mana wañonqachu, kausaynillantapis payqa salvanqapuni.

Jeremías 27:8

Nacionesmanta, chayri reykunasmantapis Nabucodonosorpa yugon uraman mana yaykuyta munajtaqa jasut'isaj, yarqhaywan, onqoywantaj, tukuyninku paypa atiyninman yaykunankukama. Noqa Señor chayta nini.

Jeremías 29:17

Tukuy Atiyniyoj Señor nin: Paykunaman apachimusaj maqanakusta, yarqhayta, onqoyta ima. Chay mana mikhunapaj jinachu kashanku chay millay q'etayasqa higosta jina kanaykichejta saqesaj.

Jeremías 29:18

Paykunata qhatiykusaj maqanakuwan, yarqhaywan, onqoywan ima. Kay pachapi tukuy naciones kajkuna rikuspa mayta t'ukunankuta saqesaj. Tukuyninku rikuspa wananankupaj saqesaj maldicisqa kaymanta, p'enqasqa kaymantapis, maykunasmanchus ch'eqeracherqani chay tukuy nacionespi t'ukunankupaj, mancharikunankupajtaj kankichej.

Jeremías 32:24

Kunanqa caldeo jallp'a moqosta oqharinkuña llajtaman yaykuykamunankupaj, jinataj maqanakuykunas yarqhay, onqoy ima llajtaykichejta makinkuman urmaykuchenqa. Señor, rikunki chay nisqasniykeqa imaynatachus junt'akushasqanta.

Jeremías 32:25

Chaywampis, Señor, qan rantinayta kamachiwarqanki, paganaytataj jaqay jallp'amanta rikojkunaspa ñaupaqempi, chay llajta caldeospa makinman urmanampuni kashajtimpis.

Jeremías 34:17

Ajinaqa noqa Señor nini: Qankunaqa mana kasuwarqankichejchu, llajta masisniykichej kamachista mana kacharispa; chayraykumari kunan noqapis maqanakuta, onqoyta, yarqhaytapis qankunaman kachaykamusqaykichej tukuy jallp'a patapi kaj naciones mancharikunankupaj jina. Noqa Señor chayta nini.

Jeremías 42:17

Egiptoman rispa tukuyniykichej tiyakamuyta munashajkunaqa, chaypi maqanakupi wañupunkichej, chayri yarqhaywan, chayri onqoywan. Mana pipis kausashajqa qhepakonqachu, manataj pipis ayqenqachu kay ñak'ariykunasta qankunaman apachimusqaymantaqa.

Jeremías 42:22

Chayrayku allinta yachakuychej, qankunaqa maqanakupi wañunkichej, yarqhaywan, onqoywantaj, may jallp'amanchus tiyakamoj riyta munashankichej chaypi.

Jeremías 5:12

Israelwan Judawanqa Señorqa qhesachanku, kay jinata nispa: Payqa mana kanchu. Mana ima sajraspis qhatiriwasunchu, mana kanqachu maqanakuykuna, nitaj yarqhaykunapis, nispa.

Jeremías 9:15

Chayrayku noqa Señor Tukuy Atiyniyoj Israelpa Diosnin kayta nini: Qankunaman mikhuchisqaykichej may jaya imata, wañuna yakutataj ujyachisqaykichej.

Jeremías 9:16

Tatasninkoj mana rejsisqan llajtasman ch'eqerachisaj, chaypitaj makinkupi t'ojsinaswan qhatiykachachisaj, mana ujniyojta tukuchinankukama.

Ezequiel 33:27

Paykunaman niy: Señorqa kay jinata nin: Noqa kausayniyrayku jurani, pikunachus chay ch'in pampaman tukuchisqa llajtapi kashanku chaykunaqa espadawan wañurachisqas kanqanku. Campo purejkunatataj millay animalesman oqoykunankupaj qosaj. Pikunachus qaqas ukhupi, rumi jusk'uspi kashanku, chaykunaqa onqoywan wañuranqanku.

Ezequiel 6:11

Señorqa kay jinata niwarqa: Sonqoykita nanachikuy, makisniykita t'ajllakuy, chakisniykiwantaj p'atatiyay. Israel aylloj millay imasta ruwasqasninmanta nanaywan qhaparqachay, imaraykuchus ch'ajwapi, yarqhaywan, onqoywantaj wañonqanku.

Ezequiel 7:15

Jawapeqa maqanakuy tiyan, ukhupitaj onqoykunawan, yarqhaykunawantaj wañuranqanku. Jawapi kajkunaqa maqanakuypi wañuranqanku. Llajtapi kajkunataj yarqhaywan, onqoykunawantaj wañuranqanku.

Apocalipsis 6:8

Rikullarqanitaj uj q'ellu caballota. Patampi lloq'asqa kajpatataj sutenqa wañuy karqa. Wañuy nisqataj payta qhatisharqa. Payman tukuynin jallp'amanta tawan kaj suyuta qorqanku wañuchinampaj espadawan, yarqhaywan, onqoykunawan, jallp'api monte animaleswan ima.