Jeremías 23:8 - Qheshwa Biblia DC

⁸ Manachayqa juranqanku: Señorpa kausayninrayku pichus orqhomorqa wichaynej jallp'asmanta, chay tukuynin waj jallp'asmantapis ch'eqerasqas kasharqanku chaymanta, nispa. Kikin jallp'ankupitaj kausanqanku.

DIOSPA QHELQACHISQAN DEUTEROCANONICAL

⁸ Manachayqa tilonqanku: Tata Diospa sutinpi tiluyku, pichus wichaynej suyumanta, chantá tukuynin waj suyukunamantapis, ch'eqerasqa kasharqanku, chay israelitakunata pusakamporqa, chayrayku, nispa. Chantá paykuna kikin suyunkupi tiyakonqanku, nispa.

DIOSPA QHELQACHISQ

⁸ Manachayqa tilonqanku: Tata Diospa sutinpi tiluyku, pichus wichaynej suyumanta, chantá tukuynin waj suyukunamantapis, ch'eqerasqa kasharqanku, chay israelitakunata pusakamporqa, chayrayku, nispa. Chantá paykuna kikin suyunkupi tiyakonqanku, nispa.

Jeremías 23:8 ပူးပေါင်းရင်းမြစ်များ

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Isaías 14:1

Señorqa Jacobpa ayllunmanta khuyakonqa, israelitastaqa ajllakonqaraj, jallp'ankupitaj watejmanta tiyachenqa. Karu llajtayojkuna paykunaman ujchakonqanku, Jacobpa ayllunwantaj tiyakonqanku.

Jeremías 16:14

Chaywampis waj tiempopi chayamorqa, noqa Señor chayta nini, chaypeqa manaña jurankichejchu, nispa: Señorpa kausayninrayku, pichus israelitasta Egipto jallp'amanta orqhomorqa, nispa.

Jeremías 16:15

Manachayqa ninkichej: Señorpa kausayninrayku, pichus israelitasta wichay jallp'amanta orqhomorqa, jinataj chay tukuy maymanchus ch'eqerachisqas karqankichej chay jallp'asmantapis. Noqa ruwasaj qankuna jallp'aykichejman kutimpunaykichejta, chay ñaupa tatasniykichejman qorqani chay jallp'asman.

Jeremías 23:3

Noqa kikiytaj chay puchoj ovejasniyta apakapusaj, maymanchus ayqecherqani chay jallp'asmantapacha tantaykusaj, watejmanta pastosninkuman kutiykuchisaj ashkha uñasniyoj kanankupaj.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Jeremías 30:10

Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.

Jeremías 31:8

Kutichimusqaykichej chay pata jallp'asmanta, tantaykusqaykichejtaj kay pachaj tukuy k'uchusninmantapacha. Paykunawan jamonqanku lerq'os, wist'us, wijsallisqa warmis, nacechikojkuna ima. Manchay ashkhapuni kutimonqanku.

Jeremías 8:3

Kay millay runasmanta qhepakojkunataj, mayllapipis ch'eqerachisqaymanta qhepakojkunaqa astawan wañuytaraj munanqanku kausaymanta nisqaqa. Noqa Tukuy Atiyniyoj Señormin chayta nini.

Ezequiel 28:25

Señorqa kay jinata nin: Mayk'ajchus tukuy llajtaspi ch'eqerachisqamanta Israel aylluyta tantaykamusaj, chaypacha llajtakunaj rikunankuta llimphu kasqayta rejsichikusaj. Paykunataj kikin jallp'ankupi tiyakonqanku. Chay jallp'ataqa Jacob kamachiyman qorqani.

Ezequiel 34:13

Waj llajtasmanta orqhomuspa ujllaman tantaykuspataj kikin jallp'ankuman qhatikapusaj. Israel lomaspi michisaj, tukuy wayq'osnimpi, runaj tiyakunanku chay tukuy jallp'aspi ima.

Ezequiel 36:24

Qankunataqa noqa waj llajtasmanta orqhomusqaykichej, tukuy jallp'asmanta tantaykuspataj jallp'aykichejman kutirichisqaykichej.

Ezequiel 36:35

Nenqankutaj: Kay ch'in pampaman tukuchisqa jallp'asqa, Edén huertamanña rijch'akunku. Kay llajtasqa thuñisqas, ch'inyachisqastaj, ch'usaj pampaman tukuchisqas karqanku. Kunantaj watejmanta sinch'i ruwasqaña, runaspis tiyakunkuña, nispa.

Ezequiel 37:25

Kamachiy Jacobman qorqani chay jallp'api tiyakonqanku, ñaupa tatasninku tiyakorqanku chaypi. Chay jallp'api paykuna wiñaypaj tiyakonqanku, wawasninku, paykunaj mirayninku ima. Kamachiy Davidtaj paykunaj kuraj kamachejninku kanqa wiñaypaj wiñaynintinkama.

Ezequiel 39:28

Waj llajtasman presochasqata apacherqani, chantá watejmanta paykunata jallp'ankupi tantaykusaj, ni mayqenninkutapis paykunamanta saqerparispa, chaypacha noqa Señor Diosninku kasqayta yachanqanku.

Joel 3:7

Kunanqa noqa paykunata orqhomusaj, maymanchus venderqankichej chaymanta. Qankunatañataj kikillantataj ñak'arichisqaykichej.

Miqueas 7:15

May t'ukuna imasta rikuchiy Egiptomanta orqhomushaspa rikucherqanki ajinata.

Sofonías 3:20

Jaqay p'unchaypi qankunataqa pusarimusqaykichej, tantaykusqaykichejtaj. Presochasqamanta kutirichimusqaykichej. Qosqaykichejtaj alabasqas honrasqastaj kanaykichejpaj kay pachapi tukuy llajtas ukhupi. Noqa Señor kayta nini.