Jeremías 23:6 - Qheshwa Biblia DC

⁶ Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

DIOSPA QHELQACHISQAN DEUTEROCANONICAL

⁶ Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

DIOSPA QHELQACHISQ

⁶ Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

Jeremías 23:6 ပူးပေါင်းရင်းမြစ်များ

1 Reyes 4:25

Judamanta Israelmantawan runasqa may allimpi tiyakorqanku Salomón kausanankama, sapa ujninku uvas sach'anku urapi, higos sach'anku urapipis, Danmantapacha Beerseba chaynejkama.

Salmos 45:5

Reyníy, llajtasqa chakisniykiman urmanku, flechasniykeqa filos kanku. Enemigosniykej sonqompitaj sat'iykukunku.

Éxodo 9:26

Gosén jallp'allaman mana granizoqa chayarqachu, maypichus israelitas tiyakaorqanku chayman.

Isaías 2:4

Señortaj nacionesta juzganqa, ashkha runastataj cheqanchanqa. Espadasninkuta arado rejasman tukuchenqanku, fierro choqanasninkumanta hocesta ruwakaponqanku. Nitaj mayqen naciompis maqanakunasninta waj naciompa contranta wakichikonqachu, nitaj ch'ajwapajpis oqharikonqachu.

Isaías 32:1

Uj rey kanqa cheqanta kamachej, kurajkunapis tukuy imata cheqanta kamachenqanku.

Isaías 32:18

Runasneyqa sonqo tiyakuy wasispi tiyakonqanku, sumaj jark'asqa tiyakunaspi, chaypitaj munayninman jina samarikonqa.

Isaías 33:22

Señorqa cheqanchawajninchej, Señorqa kamachiwajninchej, Señorqa reyninchej. Pay kikinmin salvawasunchej.

Isaías 33:5

Señorqa jatunchasqa kanqa, imaraykuchus payqa patapi tiyakun, paylla allin kajwan, cheqan kajwantaj Sionman junt'achenqa.

Isaías 35:9

Chaypeqa mana leones tiyanqankuchu, nitaj runa mikhoj animalespis chaynejta purenqankuchu. Chay ñanninta librasqa kajkunalla purenqanku.

Isaías 42:6

Noqa Señorqa qanta wajyayki. Makiykimanta mana kacharisqaykichu. Noqa qantaqa waqaychasqayki. Qanqa runaswan trato ruwanay kanki, tukuy nacionespa k'anchaynintaj.

Isaías 45:17

Señorqa israelitasta wiñaypaj salvarqa. Qankunaqa mana p'enqakunkichejchu, manataj k'umuykachankichejchu jayk'ajpis.

Isaías 54:17

Mana mayqen arma ruwasqankupis qantaqa chinkachisonqachu, pichus contraykita parlajtaqa juezpa ñaupaqempi ch'inyachillankipuni. Kay imasta noqaqa kasuwaj kamachisniymanqa qoni, atipayninkupis noqamanta llojsenqa, nispa Señorqa nin.

Isaías 7:14

Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Jeremías 29:11

Noqa yachani imastachus qankunapaj wakichishasqayta, chaykunaqa qankuna allinta kausakunaykichejpaj, manataj ima sajrapis qankunaman jamunampaj, jinamanta jamojpi allin kajta suyasqaykichejman jina jap'inaykichejpaj. Noqa Señor chayta nini.

Jeremías 30:10

Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.

Jeremías 31:23

Israelpa Tukuy Atiyniyoj Señor Diosnin kayta nin: Maypachachus Judaman runasta kutichimojtiy, ujtawan paykuna jallp'ankupi rikhurejtinku, jinallataj llajtankupipis chaypacha nenqanku: Señor bendicichun kay llimphu orqota maypichus cheqa kaj tiyakun chayta.

Jeremías 33:15

Chay p'unchay chayamojtin, Davidpa mirayninmanta uj cheqanta ruwajta sayarichisaj, chaytaj cheqanchanqa, cheqantataj ruwanqa kay jallp'api.

Jeremías 33:16

Jaqay p'unchaykunapi Judaqa salvasqa kanqa, Jerusalentaj sumaj waqaychasqa kausakonqa. Chaypacha sutinmanta wajyanqanku: Señormin cheqa kayninwan atipayninchejqa.

Ezequiel 21:27

Tukuyta thuñisaj, thuñisqamantapis llimphu thuñisqatapuni saqesaj. Kaytaj ruwakonqa, justiciata ruwanampaj churaniña chay jamojtinraj.

Ezequiel 28:26

Chaypi paykunaqa mana ima llakiyniyoj tukuy sonqo tiyakonqanku. Wasista ruwakonqanku, uvas sach'asta plantakonqanku. Maypachachus Israel ayllumanta kapuyninkuta lluch'urajkunata, tukuyninta juchachaspa cheqanchasaj, chaypacharaj noqa Señor Dios kasqayta yachanqanku.

Ezequiel 38:14

Chayrayku runa, sutiypi Gogman parlay, niytaj: Señorqa kay jinata nin: Jamoj p'unchaykunapi, Israel aylluy mana imamanta llakiyniyoj tiyakushajtin, llajta cheqaman puririmunki, jallp'aykimanta wichaynejpi kaj karu jallp'asmanta llojsimuspa, ashkha llajtasmanta kaj ashkha soldadosniykiwan. Paykunaqa caballospi may atiyniyoj ashkha soldados kanku.

Ezequiel 48:35

Llajta perqaqa tukuy muyuynin midikonqa, isq'on waranqa metros. Llajtaj sutenqa chay p'unchaymantapacha sutichasqa kanqa: Señor kaypi kashan, nispa.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Daniel (hebreo) 9:7

Señor, qan cheqampuni kanki. Noqayku judiosqa p'enqaypi rikhuriyku: Jerusalempi tiyakojkuna, jinallataj israelitas, qaylla llajtaspi, chayri, karu llajtaspi tiyakojkunapis. Paykunata qan chay karu llajtasman wijch'orqanki, contraykipi sayarisqankurayku.

Oseas 1:11

Chaypacha, Judajpa runasnin jinataj Israelpa runasnimpis tantakonqanku, uj kamachej lata oqharikonqanku, tukuynejmanta Jerusalenman kutimponqanku. May jatunmin kanqa Jezreelpa chay p'unchaynenqa!

Oseas 1:7

Judáj reinonmantarí khuyakusaj, noqa kikiy Señor Diosninku paykunata salvasaj. Pero salvasaj chayqa manamin maqankupichu, nitaj wach'inawanchu nitaj t'ojsinawanchu nillataj caballospi lloq'ajkunawanchu, nispa.

Oseas 2:18

Jaqay tiempopeqa Israelman kutisqata uj tratota ruwasaj, montepi kaj animaleswan, phawaj p'isqoswan, katariswan ima, jinallatataj kay jallp'amanta qhechusaj, wach'inasta, t'ojsinasta, maqanakustapis, jinamanta llajtayqa ni imata manchachikuspa sumajta samarikunampaj.

Abdías 1:17

Jinapis, Sión orqoqa uj santo lugar kanqa. Chayman chay puchojkunaqa ayqekunaqanku. Jacob ayllumanta kajkunaqa jallp'asninkuman kutipullanqankutaj.

Abdías 1:21

Chay atipajkunaqa Sión orqoman llojsenqanku chaymantapacha juzganankupaj Esaupa chay orqosniyoj lugaresnimpa contrampi, Señorlla kamachenqa.

Sofonías 3:13

Israel ayllumanta kausaypi qhepakojkuna imachus mana cheqa kajtaqa mana ruwanqankuchu, nitaj llullata parlanqankuchu, nitaj ch'aukiyaspa parlanqankuchu. Sumajta mikhurikonqanku, nitaj pimanta mancharikuspa samarikonqanku.

Zacarías 10:6

Señor nin: Judajpa mirayninmanqa noqa kallpata qosaj, Josejpa miraynintaqa salvasajtaj. Watejmanta llajtankuman pusallasajtaj, paykunamanta khuyakusqayrayku. Paykuna tukukonqanku manapis jayk'aj paykunata qhesachaymanchu karqa ajinaman, noqa Señor Diosninku kasqayrayku, mañakuwasqasninkutataj uyarisaj.

Zacarías 3:10

Chay p'unchay chayamojtenqa ujkuna ujkunata wajyarinakuyta atinkichej, uvaspa llanthumpi jinataj higos sach'aspa llanthumpi samarikunkichej. Noqa Tukuy Atiyniyoj Señorniykichej chayta niykichej.

Romanos 3:22

Diosqa cheqan kayninta rikuchenqa fenejta Jesucristopi, tukuy paypi creejkunapaj. Paykunaqa uj rejlla kanku.

1 Corintios 1:30

Qankunaqa Diosrayku Cristo Jesuspi kashankichej; Cristotaj noqanchejpajqa yachay, cheqan kay, t'aqasqa kay, kacharichisqataj kay; imaraykuchus escribisqapi kasqanman jina: Jatunchakuyta munajqa, Señorpi jatunchakuchun.

2 Corintios 5:21

Cristoqa mana ima juchatapis rejserqachu. Diosrí noqanchejrayku juchayojta ruwarqa, noqanchej Cristowan khuska kaspa, Diospi cheqa allin kausayniyoj kananchejpaj.

Filipenses 3:9

Paywan kayta munani manaña leyman jinachu kausanaypaj, astawanqa Cristopi creespa. Chaytaj Diospa cheqan kayninmanta feman jina; chayrayku Cristota astawan rejsinaypaj kausarimuynimpi, ferayku payman rijch'akunaypaj wañuynimpi, suyashanitaj imaynamantapis kausarimuyta wañusqakunamanta.