Jeremías 23:25 - Qheshwa Biblia DC

²⁵ Uyarini chay profetaspa llullakusqankuta, pischus sutiypi parlayta munanku, nishankutaj noqa paykunawan parlasqayta.

DIOSPA QHELQACHISQAN DEUTEROCANONICAL

²⁵ Noqa chay sut'inchajkunaj llullakusqankuta uyarini, pikunachus sutiypi parlashasqankuta ninku, chaykunajta. Paykuna ninku: Tata Dios mosqochaspa parlawan, nispa.

DIOSPA QHELQACHISQ

²⁵ Noqa chay sut'inchajkunaj llullakusqankuta uyarini, pikunachus sutiypi parlashasqankuta ninku, chaykunajta. Paykuna ninku: Tata Dios mosqochaspa parlawan, nispa.

Jeremías 23:25 ပူးပေါင်းရင်းမြစ်များ

Génesis 37:5

Uj kuti Joseqa imaynatachus mosqokusqanta wauqesninman willarqa, chaymanta paykunaqa astawan chejnikorqanku; imaraykuchus nerqa: Uyariwaychej imaynatachus mosqokusqayta willasqaykichej.

Génesis 37:9

Chaymanta Joseqa astawan mosqokullarqataj, chaymantataj wauqesninman willallarqataj, nispa: Uyariwaychej kay jinata mosqokuni: Intiwan killawan, chunka ujniyoj qoyllurkunapiwan noqaman k'umuykamushawasqanku.

Salmos 139:2

Tukuy ruwasqasniyta qan yachanki. Yuyasqaytaqa karumantapacha qan yachanki.

Salmos 139:4

Manaraj parlashajtiy, qan, Señor, ñapis yachankiña.

Jeremías 13:27

Qhenchachakuypi purisqasniykita rikuni, chay p'enqayta qhenchachakuypi purisqasniykita, chay millachikuna kajkunata ruwasqasniykita, chay orqospi, jinallataj campospipis. Ay, imachus kanqa qanmanta Jerusalén! Mayk'ajkamataj millay ch'ichi puriykunaspi callenkipuniri?

Jeremías 14:14

Chaypacha Señorqa kutichiwarqa: Chay tukuy imasta profetas sutiypi nishanku chayqa, llullalla. Mana noqaqa chay profetasta kachamunichu, nitaj kamachinichu, ni parlallanipischu paykunawanqa. Chaykunaqa llulla sut'inchaykunas kanku. Chaykunaqa llulla rikuykunasniyoj kanku, ch'aukiyaypi rikuchiykunas kanku, sonqonkoj munasqanman jinalla chaykunataqa jatarichinku. Sonqonkoj yuyasqallanta chay profetasqa willasunkichej.

Jeremías 16:17

Tukuy ruwasqasniykichejta rikuni. Chay juchasta ruwasqasniykichejpis rikuyniymantaqa mana pakasqachu karqa.

Jeremías 23:28

Sichus uj profetajta uj mosqokuynin tiyan chayqa, willachun uj mosqoypuni kasqanta. Sichus pi palabraytapuni jap'in, chayri cheqamantapuni willarachun. Trigotawan pajatawanqa mana kikinchachiyta atisunmanchu.

Jeremías 23:32

Llullakusqasninkuwan, chay thautisqasninkuwantaj aylluytaqa noqamanta t'aqachinku. Mana noqaqa paykunata kachakorqanichu, nitaj imatapis kamacherqanichu. Ajinaqa aylluyta yanapaytaqa mana aterqankuchu. Noqa Señor chayta nini.

Jeremías 27:10

Chay tukuy imasta nisqasuykichejqa llullaslla kanku. Chayta creespaqa qankuna jallp'aykichejmanta wijch'usqas kayllata tarikunkichej, jinallataj noqa ch'eqerachisunaykichejta wañunaykichejtataj.

Jeremías 27:15

Señorqa nimpuni paykunata mana kachamusqanta. Paykunaqa Señorpa sutimpi llullakuspalla parlanku; ajinamanta Señorqa ch'eqerachispa tukuchisunkichejpuni, qankuna jina chay llullata nejkuna profetas wañonqanku.

Jeremías 29:8

Noqa Tukuy Atiyniyoj, Israelpa Señor Diosnin kayta niykichej: Ama ch'aukiyachikuychejchu, qankunawan khuska tiyakunku chay profetaswan, nitaj chay adivinoswampis; nillataj chay mosqoykunasninkutapis kasuychejchu.

Jeremías 8:6

Uyarishasqayman jinaqa mana pitapis, juchanmanta Diosman kutirikusqanta uyarinichu, manataj sut'ita ninchu, imata ruwasqaniri?, nispaqa. Tukuyninku ñanninta sinch'ita juyñarinku, maqanakupi jakiman kacharisqa caballos jina.

Lamentaciones 2:14

Profetasniykeqa mana kaj qhasi imasta willasunku; juchasniykitaqa mana rikhurichinkuchu, chaypacha reparachisojteyqa mana karuman wijch'usqachu kawaj karqa. Manachayqa llullallata willasunku, qhasi manakajta creechispa.

Ezequiel 22:28

Profetasninkutaj imachus cheqan kajta pakashanku, imaynatachus uj perqata yesowan yurajchanku ajinata, mana kajta paykunaman parlaspa, ajina rikhuriwan nispa, llulla imasta yachachispataj. Kay jinata Señorqa parlawan ninku, chaypajqa mana imatapis noqaqa parlanichu.

Joel 2:28

Kay imas qhepata, Espirituyta jich'arimusaj tukuy runasman. Qhari wawasniykichej, jinataj warmi wawasniykichejpis, Noqaj sutiypi parlanqanku. Unay watasniyoj runas mosqokonqanku. Wayna runaspis mosqokullanqankutaj.

Zacarías 13:3

Chaypacha, pillapis Diospa sutimpi parlayta munanman chayqa, payta kikin tatasnillantaj nenqanku: Qan wañunayki tiyan, imaraykuchus llullerasniykita, kayqa Señorpa palabran nispa sut'inchanki, nispa. Kikin tatasnillantaj t'ojsinawan wañuchenqanku, payllamanta Diospa sut'inchajnin jina ruwakusqanrayku!

San Mateo 1:20

Kay imapi José yuyashajtintaj, Señorpa angelnin payman rikhurerqa mosqoypi, nerqataj: José, Davidpa ayllunmanta kaj, ama manchachikuychu, María warmiykita jap'ikapullay; imaraykuchus paypi kaj wawaqa Santo Espiritumantamin.

San Lucas 12:3

Chaynejta, tukuy imata laqhapi nisqaykichejqa, sut'i p'unchaypi uyarikonqa; imatachus wasi wisq'asqapi ningrillaman chhichiykusqaykichejpis, qhaparikonqa wasi patamantapacha.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

Hebreos 4:13

Tukuy ruwasqa kajqa, paypa ñaupaqempi, mana pakasqa kayta atinchu; astawanqa, tukuy imapis sut'i, rikusqastaj kanku paypa ñawisnimpaj, paymantaj kausayninchejmanta willakunanchej tiyan.

Apocalipsis 2:23

Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.