Jeremías 23:19 - Qheshwa Biblia DC

¹⁹ Señorpa k'ajaj phiñakuynenqa uj llojlla para jina, uj muyoj wayra jinataj juchasapaspa patanman choqakushan.

DIOSPA QHELQACHISQAN DEUTEROCANONICAL

¹⁹ Diospa k'araj phiñakuynenqa llojlla para jina, sinch'i muyoj wayra jinataj millay ruwajkunaj patankuman urman.

DIOSPA QHELQACHISQ

¹⁹ Diospa k'araj phiñakuynenqa llojlla para jina, sinch'i muyoj wayra jinataj millay ruwajkunaj patankuman urman.

Jeremías 23:19 ပူးပေါင်းရင်းမြစ်များ

Salmos 58:9

Manaraj reparakushajtinku khishkas jina ruphaykuchunku. Q'omer qhora jinataj t'irasqas kachunku.

Proverbios 1:27

mayk'ajchus manchachikuykuna, manchay waqay, llakiykuna ima jamusojtiykichej, mayk'ajchus sonqo nanayta phutichisojtiykichej, muyoj wayra t'ustiykun ajinata.

Proverbios 10:25

Imaynatachus muyoj wayra chinkarin, ajinata sajra runaqa chinkarin; cheqan runarí kikimpipuni wiñaypaj sayan.

Isaías 21:1

Ch'in mar qochamanta imaynachus kananmanta willakun. Neguevmanta muyoj wayra jamun, ajinata, manchachikuy ch'in jallp'amanta jamun.

Isaías 40:24

Paykunaqa chaypachallaraj plantasqa sach'aman rijch'akunku, manaraj allinta saphinchakojman. Paykunaman sinch'ita Dios wayrachimojtenqa ch'akipunkupacha, muyu wayrapis jamuytawan q'opata jina apakapun.

Jeremías 25:31

Chay ch'ajwayqa kay pachaj cantosninman chayanqa, imaraykuchus Señorqa uj naciompa contrampi juiciota oqharenqa. Pay tukuy runasta cheqanchanampaj wajyanqa, chay juchayojkunatarí wañuyman wijch'uykunampaj. Señormin chaytaqa nin.

Jeremías 25:32

Tukuy Atiyniyoj Señorqa nin: Ñak'ariykunasqa nacionmanta nacionman chayanqanku. Uj manchay sinch'i llojlla paras oqharikamun kay pachaj tukuy k'uchunmantapacha.

Jeremías 30:23

Diospa phiñakuynenqa uj llojlla para jina, uj sinch'i muyoj wayra jinataj, juchasapaspa patanman chayan.

Jeremías 30:24

Señorpa phiñakuynenqa mana thasnukonqachu imatachus munasqanta junt'anankama. Qhepa p'unchaykunaman tukuy kay imastaqa unanchankichej.

Jeremías 4:11

Chay p'unchay chayamojtenqa, Jerusalén llajtamanta parlakonqa: Ch'in pampanejmanta q'oñi wayra phukumushan kay aylluynejman. Kayqa mana trigota wayrachinapaj jina allin wayrachu.

Jeremías 51:1

Señorqa nin: Uj sinch'i wayrata apachimusaj Babiloniaj contrampi, jinataj caldeo runaspa contrampipis.

Ezequiel 1:4

Chaypacha rikorqani wichaynejmanta uj jatun muyoj wayra jamushajta. Chantá uj jatun phuyumanta nina lauray jina llojserqa, muyuynimpitaj sinch'i k'anchay karqa. Chay nina chaupipi uj broncepis kanman jina lliphipisharqa.

Ezequiel 13:13

Chayrayku noqa Señorqa nini: K'ajaj phiñakuyniypi sinch'ita wayrachimusaj. Manchay phiñakuy sinch'ita parachisaj, rumi jina granizotataj urmachimusaj, sinch'i phiñakuyniywan chinkachinaypaj.

Amós 1:14

Chayrayku Rabá llajtaj perqasninman ninata jap'iykuchisaj. Chay ninataj q'olaykonqa palaciosninkuta, may maqanakuy ch'ajwa ukhupi, may qhaparikuy llakiy p'unchaypitaj ukhupi.

Zacarías 7:14

Chayrayku uj muyoj wayrawan jina tukuyninkuta ch'eqeracherqani mana rejsisqa llajtasman, chay qhepatataj chay llajtaqa ni pejpa tiyanan uj ch'in pampaman tukorqa. Chay jina k'acha llajtata llakiyta ch'inyarparicherqanku.

Zacarías 9:14

Señor ayllunman rikuchikonqa, flechasnintataj kacharenqa lliuj q'ajkunasta jina. Señor Dios putututa waqachispa, muyoj wayras chaupipi sur lado ñaupajman rirenqa.