Jeremías 23:17 - Qheshwa Biblia DC

¹⁷ Pichus palabrayta qhesachajkunata ninku: Tukuy ima allillan risonqachej, nispa. Pischus ruwallankupuni rumi sonqonkoj munasqanman jina, chaykunatapis ninku: mana ni ima sajra kajqa jamusonqachejchu, nispa.

DIOSPA QHELQACHISQAN DEUTEROCANONICAL

¹⁷ Noqaj willasqayta pisipaj qhawajkunaman nillankupuni: Tukuy ima allillan risonqachej, nispa. Chantá pikunachus rumi sonqoyoj kaspa, millay yuyasqanman jinalla ruwanku, chaykunatapis ninku: Mana ima mana allin kajpis jamusonqachejchu, nispa.

DIOSPA QHELQACHISQ

¹⁷ Noqaj willasqayta pisipaj qhawajkunaman nillankupuni: Tukuy ima allillan risonqachej, nispa. Chantá pikunachus rumi sonqoyoj kaspa, millay yuyasqanman jinalla ruwanku, chaykunatapis ninku: Mana ima mana allin kajpis jamusonqachejchu, nispa.

Jeremías 23:17 ပူးပေါင်းရင်းမြစ်များ

2 Samuel 12:10

Kunanqa noqata qhesachaspa chay hitita Uriaspa warminta warmiykipaj jap'ikapusqaykirayku, mana jayk'ajpis aylluykipaj faltanqachu wañuchikuykuna.

Isaías 30:10

Paykunaqa sut'inchajkunata ninku: Ama qankunaqa mosqoypi jina rikuychejchu, nispa. Chaymanta profetastañataj ninku: Qankunaqa ama cheqan kajtaqa sut'inchawaykuchu; k'acha palabrasllata niwayku, llulla imasllatataj sut'inchawayku.

Isaías 57:21

Sajra runaspajqa mana sonqo tiyakuy kanchu, nin Señorqa.

Jeremías 13:10

Kay sajra aylloyqa kamachisqasniyta mana junt'ayta munanchu. Rumi sonqompa munayninman jinalla rishan. Qhepaman kutiripun waj dioskunata yupaychaj. Chayrayku chay chumpi jina mana imapaj allinchu kanku.

Jeremías 18:12

Paykunaqa nisonqanku: Ama tiempoykita usuchiychu. Noqaykoqa munasqaykuman jina kausakullasqayku, qhatillasqaykupunitaj rumi sonqoykupi sajra yuyasqasniykumanjina, nispa.

Jeremías 18:18

Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

Jeremías 3:17

Chaypacharaj Jerusalenqa Señorpa tiyakunan kanqa, tukuy nacionestaj chaypi yupaychanawankupaj tantakonqanku, manañataj ujtawan k'ullukuspa sonqonkupi chay sajra millay yuyaykunata qhatenqankuchu.

Jeremías 4:10

Noqa nerqani: Ay Señor, imajtintaj Jerusalempi kaj runasta ch'aukiyankiri? Sonqo tiyakuyta qosqaykichej nerqanki, kunantaj kunkankupi cuchillo churasqa kashan.

Jeremías 5:12

Israelwan Judawanqa Señorqa qhesachanku, kay jinata nispa: Payqa mana kanchu. Mana ima sajraspis qhatiriwasunchu, mana kanqachu maqanakuykuna, nitaj yarqhaykunapis, nispa.

Jeremías 6:14

Aylluypa nanasqasninta pata patallanta jampiykurinku, ninkutaj tukuy ima allillan rishasqanta. Jinapis manapuni imapis allenqa kanchu.

Jeremías 7:24

Chaywampis mana kasuwarqankuchu, nitaj uyariwarqankuchu, manachayqa rumi sonqo kayninkuwan apachikorqanku, sonqonkoj millay ruwayta munasqasninman jina. Noqaman kutirimunawankutaqa wasanchakuwarqanku.

Jeremías 8:11

Aylluypa nanasqasnintaqa pata patallanta jampiykurinku, chantá ninku tukuy imapis allillan kasqanta, mana imapis allin kashajtin.

Jeremías 9:14

Manachayqa kaywan, sonqonkupi munayninkuman jinalla ruwarqanku, mana kaj dioskunatataj yupaycharqanku, tatasninkoj yachachisqanman jina.

Lamentaciones 2:14

Profetasniykeqa mana kaj qhasi imasta willasunku; juchasniykitaqa mana rikhurichinkuchu, chaypacha reparachisojteyqa mana karuman wijch'usqachu kawaj karqa. Manachayqa llullallata willasunku, qhasi manakajta creechispa.

Ezequiel 13:10

Arí, paykunaqa aylluyta ch'aukiyarqanku, tukuy imapis allillan rishan nispa, chaypachaqa mana jinachu kasharqa. Pillapis uj perqata sayarichinman, ujkunataj chay perqata unu t'uruwan lluch'arqanku chayman rijch'akunku.

Ezequiel 13:19

Qankunaqa, aylluy ukhupi p'enqaypi rikhurichiwankichej, uj jich'i cebadarayku, uj juch'uy t'antaraykutaj kausanampaj karqa chay runata wañuchispa, wañunan karqa chay runatataj kausachispa. Ajinata aylluyta ch'aukiyankichej llullata kasusqanrayku.

Ezequiel 13:22

Qankunaqa llullirioswan cheqa kausaypi kaj runasta manchachinkichej. Noqaqa mana munarqanichu chay jinata ruwaytaqa. Astawanqa, sonqochankichej sajra sonqoyoj runasta, umachankichejtaj ama t'aqakunankuta sajra puriyninkumanta, ajinamanta noqa paykunata ama kausachinaypaj.

Amós 9:10

Aylluy ukhupi tukuy juchasapas kajkuna espadawan wañuchisqas kanqanku, nejkunaqa: Mana ima sajrapis qhatiriwasunchu, nitaj taripawasunchu.

Miqueas 2:11

Mayqempis qhasi kajta llullakun, nintaj: Noqa sut'inchasqaykichej vinomanta licormantataj, chaymari profetapaj nisqa chay ayllumanta churasqa kanqa.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Miqueas 3:5

Israel aylloyqa pantay ñankunasta rishan chay profetaswan ch'aukiyasqankurayku. Paykuna ninku: Sonqo tiyasqalla tiyakusunchej, nispa; mikhunankupaj qonku chaykunaman. Chaywampis maqaj sayaykunku piskunachus mana imatapis mikhunankupaj qonkuchu chaykunaman. Señor nin chay profetasman:

Sofonías 1:12

Jaqay p'unchaykunapi uj k'anchanata jap'isaj, Jerusalentataj sumajta qhawaykusaj. Chaypachaqa runasta jasut'isaj pikunachus tiyallanku ñaupa vino jina, chaykunata mana ima llakiyniyoj kashanku chaykunatawan. Paykunaqa sonqonkupi nishanku: Señorqa mana imatapis ruwanqachu. Señorqa allin kajta, nitaj mana allin kajtapis ruwanqachu.

Zacarías 10:2

Lantikunaj nisqasninkoqa llullamin, qhasilla chay yatirispa yachani nisqasninkupis. Qhasillata mosqokuytawan imatapis ajina kanqa ninku, sonqochakoj jina parlasqankupis ch'usajlla. Chayraykumin aylloyqa chinkasqa oveja jina thamaykachashan, ñak'arispa mana michejniyoj jina.

Malaquías 1:6

Tukuy Atiyniyoj Señorqa sacerdotesta nin: Wawasqa tatasninkuta honranku, uywasqaspis patronesninkuta honrallankutaj. Sichus noqa Tataykichej kani chayqa, sacerdotes, qankunaqa imaraykutaj mana honrawankichejchu? Sitajchus qankunajta Señorniykichej kani chayqa, imaraykutaj mana respetakuwankichejchu? Astawampis qankuna noqata qhesachaspa ninkichejraj: Imapi qanta qhesachasuyku?, nispa.

Números 11:20

Manachayqa qosqay aychata uj killa junt'ata mikhonqanku amichikunankukama, senqasninkumanta phullchichimunankukama. Paykunaqa noqata qhesachawanku, noqa Señor paykunaj chaupinkupi kashajtiy. Paykunaqa ñaupaqeypi waqanku, ninkutaj: Imapajtaj Egiptomanta llojsimorqanchejri?, nispa.

San Lucas 10:16

Pichus qankunata uyarejqa, noqata uyariwan; pitajchus qankunata qhesachajqa, noqata qhesachawan; noqata qhesachawajrí, kachamuwajniyta qhesachan.

Deuteronomio 29:18

Kunanqa qankuna ukhupi ama kachunchu Señor Diosninchejta qhesachaj qhari, chayri warmi, chayri familia, chayri ima ayllupis chay nacionespa dioskunasninkuta yupaychajqa. Ama qankuna ukhupi kachunchu sach'aman rijch'akojkuna saphinmantapacha jayaq'eyoj wañuchina venenoyoj ima.

Deuteronomio 29:19

Sichus mayqellampis kay juramentota uyarisqanmanta qhepata sumaj runa kasqanta yuyakuspa ninman: Allillampuni riwanqa tukuy imata munasqayman jina ruwajtiypis, nispa, chayqa, chay runanejta tukuyniykichej chinkachisqas kankichej.

1 Tesalonicenses 4:8

Chayrayku, pichus kay imasta qhesachan chayqa, mana runatachu, manachayqa Diosta qhesachan. Paytaj Santo Espirituta qosorqachej.

1 Samuel 2:30

Chayrayku Señorqa Israelpa Diosnin nerqa: Qanwan aylluykiwan ima paypa nisqanta ruwanaykichejtapuni. Kunanqa nisunkichej: Mana ni jayk'aj chayta saqesajchu, manachayqa jatunchawajkunata jatunchallasajtaj; qhesachawajkuna tapis p'enqaypi rikhurichisaj. Noqa Señor chayta nini.