Jeremías 23:14 - Qheshwa Biblia DC

¹⁴ Jerusalenmanta profetasta rikullanitaj manchay millay imasta ruwashajta. Qhenchachakunku, ch'aukiyankutaj, astawantaj umachakunku chay juchasapasta. Chayrayku paykunaqa mana juchamanta t'aqakunkuchu. Paykuna, chantá llajtapi tiyakojkuna noqapaj Sodoma llajta jina, Gomorra llajta jinataj kanku.

DIOSPA QHELQACHISQAN DEUTEROCANONICAL

¹⁴ Jerusalenpi tiyakoj sut'inchajkunatapis manchay millayta ruwashajta rikullanitaj. Paykunaqa khuchichakunku, llullakuspataj purinku. Astawanpis millay ruwajkunata kallpachanku, chayraykutaj paykuna manapuni millay ruwasqankumanta kutirikunkuchu. Paykuna, tukuy chay llajtapi tiyakojkuna ima Sodoma chantá Gomorra llajtayojkuna jina kanku.

DIOSPA QHELQACHISQ

¹⁴ Jerusalenpi tiyakoj sut'inchajkunatapis manchay millayta ruwashajta rikullanitaj. Paykunaqa khuchichakunku, llullakuspataj purinku. Astawanpis millay ruwajkunata kallpachanku, chayraykutaj paykuna manapuni millay ruwasqankumanta kutirikunkuchu. Paykuna, tukuy chay llajtapi tiyakojkuna ima Sodoma chantá Gomorra llajtayojkuna jina kanku.

Jeremías 23:14 ပူးပေါင်းရင်းမြစ်များ

Génesis 18:20

Chaymanta Abrahamman Señor willarqa: Sodomapi Gomorrapiwan tiyakoj runaspa jucha ruwasqankoqa ancha millaypuni uyarikun tukuynejpi, chayqa mana allinchu.

Génesis 19:24

Chantá Señorqa azufre nina parata parachimorqa Sodomaman Gomorra llajtamanwan.

Génesis 19:25

Jinamanta chinkaporqanku tukuy valle chay llajtas chaypi tukuy kausajkuna tukuynin q'omerkunapiwan;

Isaías 9:15

Umaqa niyta munan kuraj runas, kurajkunasninku ima, chupataj niyta munan llullata yachachej profetas.

Jeremías 14:14

Chaypacha Señorqa kutichiwarqa: Chay tukuy imasta profetas sutiypi nishanku chayqa, llullalla. Mana noqaqa chay profetasta kachamunichu, nitaj kamachinichu, ni parlallanipischu paykunawanqa. Chaykunaqa llulla sut'inchaykunas kanku. Chaykunaqa llulla rikuykunasniyoj kanku, ch'aukiyaypi rikuchiykunas kanku, sonqonkoj munasqanman jinalla chaykunataqa jatarichinku. Sonqonkoj yuyasqallanta chay profetasqa willasunkichej.

Jeremías 18:13

Chayrayku Señorqa niwarqa: Naciones ukhupi tapuriychej, ichapis pi kay jinata nejta uyarin. Israel aylloqa manchay millayllatapuni ruwan!

Jeremías 20:16

Chay runaqa, imaynatachus Señorqa wiñaypaj llajtasta phirin, ajina phirisqa kachun. Sut'iyaymanta nanaywan qhapariykunasta uyarichun, chaupi p'unchaypitaj maqanaku ch'ajwaykunasta.

Jeremías 23:17

Pichus palabrayta qhesachajkunata ninku: Tukuy ima allillan risonqachej, nispa. Pischus ruwallankupuni rumi sonqonkoj munasqanman jina, chaykunatapis ninku: mana ni ima sajra kajqa jamusonqachejchu, nispa.

Jeremías 23:22

Sichus pakasqa imasniyta rejsinkuman karqa chayqa, aylluyman parlasqasniyta willarankuman karqa, chay millay ñanmanta t'aqakunkuman karqa, chay sajra ruwaykunasninkutataj saqechinkuman karqa.

Jeremías 23:32

Llullakusqasninkuwan, chay thautisqasninkuwantaj aylluytaqa noqamanta t'aqachinku. Mana noqaqa paykunata kachakorqanichu, nitaj imatapis kamacherqanichu. Ajinaqa aylluyta yanapaytaqa mana aterqankuchu. Noqa Señor chayta nini.

Jeremías 29:21

Tukuy Atiyniyoj Señor Israelpa Diosnin kay jinata nin: Colaiaspa wawan Acabmanta, jinataj Maasiaspa wawan Sedequiasmanta, piskunachus Señorpa sutimpi llullerasta qankunaman nisunkichej: Babiloniamanta rey Nabucodonosorpa makinmin urmachisaj, paytaj ñaupaqeykichejpi paykunata wañurachenqa.

Jeremías 49:18

Sodoma, Gomorra jinataj kanqa, chantá chay muyuynin llajtas thuñisqas karqanku, ajinata. Manataj pipis chaypi watejmanta tiyakonqañachu, ni uj ratollapajpis.

Lamentaciones 4:6

Ayllusniypa wawasnenqa astawan juchata ruwanku Sodomamanta nisqaqa. Chay llajtaqa ujllapi chinkachisqa karqa, manaraj enemigos qayllaykushajtinku.

Ezequiel 13:16

Israelpa profetasnin manallataj kanchu, pikunachus mosqoypi jina llulla rikusqankuta Jerusalenman willasharqanku, tukuy imapis allillan rishan nispa, manataj cheqamantaqa jinachu kasharqa. Noqa Señor chaytaqa nini.

Ezequiel 13:19

Qankunaqa, aylluy ukhupi p'enqaypi rikhurichiwankichej, uj jich'i cebadarayku, uj juch'uy t'antaraykutaj kausanampaj karqa chay runata wañuchispa, wañunan karqa chay runatataj kausachispa. Ajinata aylluyta ch'aukiyankichej llullata kasusqanrayku.

Ezequiel 22:25

Chay llajtapi kamachejkunataj, phiñakuywan qhaparej onzas jina kanku, jap'isqankuta llik'inoqanku, runasta jallp'ankupi mikhuranku. Qolqe waqaychasninkuta, kapuyninkutawan suwanku. Ashkha warmistataj viudasta saqeranku.

Oseas 6:10

Israelpeqa rikuni manchay millay ch'ichi ruwaykunasta. Efraenqa ujwantaj ujwantaj qhenchacharakun, Israeltaj kikin juchallamantaj sat'iykukun.

Amós 4:11

Jasut'erqaykichej t'unanaykama, imaynatachus Sodomata Gomorratawan jasut'erqani jinata. Nina brasas orqhosqa jina karqankichej. Qankunataj mana kutirimuwankichejchu. Ajinata nin Señorqa.

Miqueas 1:5

Kay tukoyqa jamonqa Jacobpa ayllun mana kasukoj kasqanrayku, jinataj Israelpa juchasninrayku. Maypitaj kashan Jacobpa mana kasukoj kayninri? Chayqa kashan Samaria llajtapi! Maypitaj kashanku Jacobpa, juchallikuna lanti churana wasisninkuri? Chayqa kashan Jerusalempi!

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Sofonías 3:4

Profetasninkoqa sajra parlayniyoj kanku, Diospa contrampi sayarinkutaj, sacerdotesninkutaj llimphu kaj wasita ch'ichichanku, Señorpa kamachiyninkutapis p'akinku.

Zacarías 13:2

Tukuy kaj jallp'api lantikunata phirisaj, sutisnintinta chinkachinaypaj jinamanta manaña pipis qhaparikunankupaj. Jinallatataj profetasninkuta chay jallp'amanta chinkachisaj, chantá millay espirituyoj kajkunatapis. Noqa Señor niykichej.

Malaquías 1:1

Kay willayta Israel aylluman Señor parlamorqa Malaquías profetanejta.

San Mateo 11:24

Chayrayku niykichej: Juicio p'unchaypeqa, qankuna astawan sinch'ita ñak'arinkichej Sodomapi tiyakojkunamanta nisqaqa.

Deuteronomio 32:32

Uvasninkoqa Sodomamanta, Gomorramantawan uvas jina. Chaykunaqa jaya k'allku wañuchikoj uvas.

1 Timoteo 4:2

Puraj uyas parlanqanku llullakuspa. Paykunaj concienciankutaj rupha fierrowan jina marcasqa kashan.

2 Pedro 2:6

Jinallatataj Sodomapi, Gomorrapi tiyakoj runasta juchacharqa, ninawantaj ruphacherqa ushphayanankukama; qhepa p'unchaykunapi, Diosta mana yupaychaj runas yachanankupaj chayta ruwarqa.

Judas 1:7

Jinallatataj, Sodoma, Gomorra llajtas, chay qayllapi kajkunapis qhenchachakorqanku cuerponkoj contranta juchallispa; chayrayku paykunaqa wiñaypaj nina larwayta ñak'arerqanku. Chayqa wananapaj churasqa karqa.

Apocalipsis 11:8

Ayasninkutaj jatun llajtaj plazampi wijch'usqas kanqanku, maypichus Señorninku chakatasqa karqa. Chay llajtaj sutenqa Sodoma, Egipto ima.

Apocalipsis 19:20

Phiña animaltaj presochasqa karqa. Paymantaj llulla profeta, pichus chaypa ñaupaqempi señalesta ruwasqa, chay señaleswan animalpa marcanta apajkunata ch'aukiyarqa. Paykunataj lantinta yupaycharqanku. Chay iskaytataj kausashajta wijch'orqanku azufrewan larwashaj uj nina qochaman.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.