Jeremías 23:11 - Qheshwa Biblia DC

¹¹ Señorqa nin: Tukuy profetasnintin, sacerdotesnintin puraj uyas juchasapas kanku. Paykunata kikin yupaychana wasiypi juchasta ruwashajta taripani.

DIOSPA QHELQACHISQAN DEUTEROCANONICAL

¹¹ Tata Dios nillantaj: Pikunachus Diosmanta sut'inchaj kasqankuta nejkuna, sacerdotekunapis Diosta mana manchachikoj, millayta ruwajkuna ima kanku. Paykunata kikin Temploypi millayta ruwashajta taripaykuni.

DIOSPA QHELQACHISQ

¹¹ Tata Dios nillantaj: Pikunachus Diosmanta sut'inchaj kasqankuta nejkuna, sacerdotekunapis Diosta mana manchachikoj, millayta ruwajkuna ima kanku. Paykunata kikin Temploypi millayta ruwashajta taripaykuni.

Jeremías 23:11 ပူးပေါင်းရင်းမြစ်များ

2 Crónicas 33:5

Señorpa yupaychana wasimpa iskaynin patiosnimpipis waj altaresta jatarichillarqataj, chaykunatataj ruwallarqataj janaj pachapi tukuy ch'askaspaj.

2 Crónicas 33:7

Astawampis uj lantita ruwaspa churallarqataj Diospa wasinman, chay wasinmanta parlaspa Dios nerqa Davidman, jinataj wawan Salomonmampis: Kay wasipi, Jerusalempitaj, mayqempichus noqa ajllasqa karqani Israel ayllu ukhumanta wiñaypaj chaypi sutiy kanampaj.

2 Crónicas 36:14

Jinallatataj tukuy runas, sacerdote runaspis astawan juchata yapaykukorqanku, chay waj nacionespa millay jucha ruwasqasninkuta ruwaspa, jinamanta ch'ichichaspa Señorta yupaychana wasita, Jerusalempi paypaj ajllakorqa chayta.

Esdras 10:18

Waj llajtayoj warmiswan casarasqanku chay sacerdotesta tarerqanku, kaykunataj karqanku: Josadacpa wawan Josuejpa mirayninmantawan wauqesninmantawan karqanku kaykuna: Maazías, Eliezer, Jarib, Gedalías ima.

Jeremías 11:15

Israel, munasqa kausaqeyqa, imatataj mask'an yupaychana wasiypi chay tukuy millay imasta ruwaytawanri? Yuyanchu wira aychasta jaywawasqanwan, ñak'ariykunata paymanta ayqechinayta? Paytaj ayqeyta atinmanchu?

Jeremías 23:15

Chayraykumin noqa Tukuy Atiyniyoj Señor nini profetaspa contrampi: Manchay p'osqosqa k'allku mikhunata paykunaman mikhuchisaj, wañunapaj kaj yakutataj ujyaykuchisaj, imaraykuchus Jerusalempi kaj profetasmantapacha, jucha ruwaykunasqa tukuy jallp'antimpiña junt'aykun.

Jeremías 32:34

Llimphuchasqa yupaychanay wasiyta uj p'enqaypi rikhuricherqanku, chayman chay millay lantisninkuta churaykuspa.

Jeremías 5:31

Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

Jeremías 50:6

Aylloyqa oveja chinkasqa jina karqa, michejkunasninkoqa mana allintachu michej kanku, manachayqa orqosnejpi chinkajta qhawallarqanku. Uj orqomanta waj orqoman purikoj rerqanku, puñuna kanchankumanta qonqakapunankukama.

Jeremías 6:13

Tukuyninku jatunmanta juch'uykama yuyanku qhasi manakajmanta qolqeta jap'iyllataña; profetas, jinatataj sacerdotespi llulleriosninkuwan ch'aukiyanku.

Jeremías 7:30

Señorqa nillantaj: Judamanta runasqa mana walejtachu rijch'ayniypi ruwanku: Chay millachikuna lantisninkuta noqapaj t'aqasqa chay yupaychanawanku wasiyman churarqanku, chaywantaj ch'ichicharqanku.

Jeremías 8:10

Chayraykutaj warmisninkuta waj qharisman jaywaykusaj, jallp'asninkutapis wajkunaman. Jatun juch'uy qhasi mana kaj, qolqeta jap'iyllataña yuyanku. Sacerdotes, jinataj profetaspis tukuyninku ch'aukiyanku.

Lamentaciones 2:20

Pitachus kay jinata ruwasqaykitaqa khuyariy ari Señor. Kay warmisqa wijsankumanta llojsisqa wawasninkuta mikhullanqankuchu, chay juch'uy wawasninkuta ima? Dioswan parlana cheqapi sacerdoteswan, profetaswanqa wañurachisqaschu kanqanku?

Ezequiel 23:39

Wawasninkuta dioskunasninkuman ninapi ruphachispa jaywarqanku, chay kikin p'unchayllapitaj wasinkuman yaykuspa ch'ichicharqanku. Chayta ruwarqanku kikin wasiypi.

Ezequiel 44:10

Israel ayllu noqamanta karunchakuspa llulla diosninkuta yupaychajtinku chay levitas juchallikojkunaqa juchasninkumanta paganqanku.

Ezequiel 7:20

K'acha imasninkunejtataj jatunchakorqanku, imaraykuchus chaykunawan millay lantisninkuta ruwakorqanku. Chayrayku noqaqa chay k'acha imasninkutaqa q'opaman tukuchisaj.

Ezequiel 8:11

Chay lantispa ñaupaqempitaj Israelpa ayllunmanta qanchis chunka kurajkuna kasharqanku. Safampa wawan Jaazanías ima paykunawan kasharqa. Chantá sapa ujninku incienso q'osñichinayoj karqanku, incienso q'osñitaj phuyu jina llojsisharqa.

Ezequiel 8:16

Chantá Señorta yupaychana wasi patio ukhuman pusaykuwarqa. Punku yaykuna altar chaupipi iskay chunka phishqayoj runas Señorpa tiyakunan wasiman wasanchakuspa, inti llojsimuy ladoman qhawarisqas, pampaman k'umuykuspa intita yupaychasharqanku.

Sofonías 3:3

Kamachejninkoqa qhapariykachaj leonkuna jina kanku. Juecesninkutaj, q'ayantimpaj ni uj tulluta puchuchej campo atojkunaman rijch'akunku.

Sofonías 3:4

Profetasninkoqa sajra parlayniyoj kanku, Diospa contrampi sayarinkutaj, sacerdotesninkutaj llimphu kaj wasita ch'ichichanku, Señorpa kamachiyninkutapis p'akinku.