Jeremías 23:10 - Qheshwa Biblia DC

¹⁰ Kay nacionqa qhenchaswan junt'a kashan, juchata ruwaypi purejkunallawan, atiyninkuta mana cheqan kajta ruwanallankupaj churajkunawan ima. Chayraykumin Señorqa kay jallp'ata maldicerqa. Jallp'aqa ch'akiporqa, ch'in pampapi kaj pastospis ch'akiporqanku.

DIOSPA QHELQACHISQAN DEUTEROCANONICAL

¹⁰ Kay suyoqa khuchichakuspa millayta ruwanawan junt'a kashan. Kawsayninkoqa millay puriylla, atiyninkutataj mana allin ruwanapaj apaykachanku. Chayrayku Tata Dios kay jallp'ata maldicerqa. Jallp'aqa ch'akiporqa, ch'innejpi kaj pastopis ch'akipullarqataj, nispa.

DIOSPA QHELQACHISQ

¹⁰ Kay suyoqa khuchichakuspa millayta ruwanawan junt'a kashan. Kawsayninkoqa millay puriylla, atiyninkutataj mana allin ruwanapaj apaykachanku. Chayrayku Tata Dios kay jallp'ata maldicerqa. Jallp'aqa ch'akiporqa, ch'innejpi kaj pastopis ch'akipullarqataj, nispa.

Jeremías 23:10 ပူးပေါင်းရင်းမြစ်များ

Esdras 10:18

Waj llajtayoj warmiswan casarasqanku chay sacerdotesta tarerqanku, kaykunataj karqanku: Josadacpa wawan Josuejpa mirayninmantawan wauqesninmantawan karqanku kaykuna: Maazías, Eliezer, Jarib, Gedalías ima.

Salmos 107:34

Sumaj jallp'asta mana poqojman tukuchin, chaypi tiyakojkuna sajrata ruwasqankurayku.

Isaías 24:6

Chayrayku maldicionqa jallp'ata tukuchin, chaypi tiyakojkunapis jasut'ichikunku. Chaynejta jallp'a patapi tiyakojkunapis pisiyachisqas kanqanku. Jinamanta pisillaña qhepakonqanku.

Isaías 5:18

Ay, qankunamanta llullakuspa sajra kajta qhatatejkunaqa, carretata jina qhatatinku juchata qhatatejkunaqa!

Jeremías 12:11

Ch'in pachata, q'ara pampatataj saqerparinku. Tukuynin jallp'a ch'inyachisqa kashan, manataj pipis imanej kanchu.

Jeremías 6:13

Tukuyninku jatunmanta juch'uykama yuyanku qhasi manakajmanta qolqeta jap'iyllataña; profetas, jinatataj sacerdotespi llulleriosninkuwan ch'aukiyanku.

Jeremías 7:9

Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

Jeremías 9:10

Orqosnejpi waqaychej, ayqhoychejtaj, llakiy wayñusta pasto pampaspi takiychej, imaraykuchus ruphasqasña kashanku, nitaj pipis chaynintaqa purinñachu, manañataj wakaspa ulisqankupis uyarikunñachu, phawaj p'isqospis, sajra animalespis ayqekaporqanku.

Jeremías 9:12

Pitaj ashkha yachayniyoj kanman kay imasta yachakunampajri? Pimantaj Señor rejsicherqa kay imastari, paytaj kay imasta wajkunaman allinta yachachinampajri? Imaraykutaj kay jallp'anchejqa phirisqa, ch'aki ch'in pampa mana pejpa purinan jinari?

Jeremías 9:2

Imaynapichus noqajta ch'in pampapi uj cheqampi tiyarikunaypaj kapuwanman, jinamanta aylluymanta karuncharikunaypaj. Paykuna tukuyninku wasanchajkuna kanku, llullirioswan ch'ataykojkuna kanku.

Oseas 7:4

Tukuyninku qhenchas kanku; Uj horno jina kanku, uj enqhaj enqhayta saqerparinman, chaykamataj t'anta masaqa poqoykapunmanña ajinata.

Joel 1:10

Chajrasqa mana ima poqoyniyoj, q'arapachalla kashanku, jallp'astaj may llakisqas kashanku Trigoqa pierdekapun. Uvas sach'aspis ch'akirapunku. Olivo sach'astaj ch'akirasqallataj.

Levítico 5:1

Sichus mayqen wajyasqa kashan imatachus rikusqanta, chayri uyarisqanta sut'inchanampaj, manataj munanmanchu sut'inchayta chayqa, pay juchayoj rikhurenqa. Chay juchanmantataj cuentata qonqa.

Sofonías 3:4

Profetasninkoqa sajra parlayniyoj kanku, Diospa contrampi sayarinkutaj, sacerdotesninkutaj llimphu kaj wasita ch'ichichanku, Señorpa kamachiyninkutapis p'akinku.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

1 Timoteo 1:10

Millay purejkunapaj, qharipura juchallejkunapaj, runasta suwajkunapaj, llullaspaj, qhasimanta Diospa sutinta oqharejkunapaj, allin yachachiypa contrampi kajkunapaj.

Hebreos 13:4

Casarakoyqa tukuypaj allin; puñunankupis mana ch'ichiyojtaj kachun. Dios juchachanqa sajra purejkunata, qhenchachakojkunata ima.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.