Jeremías 22:21 - Qheshwa Biblia DC

²¹ Noqa parlarqayki tukuy imapis allin rishasojtin, manataj uyariyta munawarqankichu. Ajinatapuni ruwarqayki wayna kasqaykimantapacha. Parlasqayta mana uyariyta munawarqankichu.

DIOSPA QHELQACHISQAN DEUTEROCANONICAL

²¹ Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

DIOSPA QHELQACHISQ

²¹ Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

Jeremías 22:21 ပူးပေါင်းရင်းမြစ်များ

2 Crónicas 33:10

Señor parlarqa Manasesman tukuy llajtantinman, paykunataj mana kasorqankuchu.

Salmos 129:1

Wayna kasqaymantapacha ashkhata llakichiwanku, Kunan chayta Israelqa nichun.

Proverbios 30:9

Mikhunay ashkha kanman chayqa, qanta qonqapuykiman, niykimantaj qanta mana rejsisusqayta; sichus pisiwanman chayri, suwakuymanñataj qokuyman. Ajinamanta Diosniypa llimphu sutinta qhesachayman.

Isaías 48:8

Arí, kay imasmantaqa mana jayk'ajpis uyarerqankichu, manataj yacharqankichu chay imasmantaqa. Cheqamanta ñaupajtaqa mana uyariyta munajchu kanki. Noqaqa yacharqanipuni qanqa wasanchanawaykita. Chaynejta nacesqaykimantapacha mana kasukojpaj rejserqayki.

Jeremías 13:10

Kay sajra aylloyqa kamachisqasniyta mana junt'ayta munanchu. Rumi sonqompa munayninman jinalla rishan. Qhepaman kutiripun waj dioskunata yupaychaj. Chayrayku chay chumpi jina mana imapaj allinchu kanku.

Jeremías 2:25

Israel, ama q'ara chaki purispa nanachikuychu, ama kunkaykita yakumanta ch'akichikojta saqeychu. Chaywampis qan nerqanki: Mana ni ima kashajtimpis, noqaqa wajkunata munakuni, paykunawantaj ripusaj, nispa.

Jeremías 2:31

Qankunapis kunan p'unchaypi kausajkuna, Señorpa parlasqanta allinta uyariychej. Israel, qampaj noqaqa uj ch'in pampa jinachu karqaniri? Chayri, laqhayaywan junt'asqa jallp'achu karqaniri? Ayllúy, imaraykutaj ninki: Qanmanta kacharisqas kayku; ni jayk'aj qanman kutimusqaykuñachu, nispari?

Jeremías 25:4

Chaywampis Señorqa, qhepan qhepampi kachamusunkichej tukuy kamachisnin profetasta, qankunatajrí mana kasuta ruwarqankichejchu, nitaj uyariyllatapis munarqankichejchu, manataj chay nisqasninkutapis ruwarqankichejchu.

Jeremías 25:7

Chaywampis qankunaqa manapuni kasuyta munawarqankichejchu, manachayqa phiñachiwankichej, qankuna kikiykichej ruwasqaykichej dioskunasta yupaychaspa. Chaytaj kanqa, qankunallatataj mana allin rinasuykichejpaj. Señor chayqa nin.

Jeremías 25:8

Chayrayku, Tukuy Atiyniyoj Señorqa ajinata nin: Qankuna chay k'amisqasniyta manaña kasuwankichejchu.

Jeremías 3:24

Lantista yupaychasqasniyku p'enqayta chinkachiwarqayku unaymantapacha tatasniykoj tarisqanku chay ovejasta, uywasta, qhari wawasta, warmi wawastapis.

Jeremías 3:25

May p'enqasqas k'umuykukunachej ari, manaña allimpajchu qhawasqas kanchej, imaraykuchus wawasmantapacha kunankama, noqanchej ñaupa tatasninchejpis juchallerqanchej Señor Diosninchejpa contrampi, manataj payta kasorqanchejchu.

Jeremías 32:30

Qallariymantapacha Israel aylloqa, chantá Judá ayllupis noqaman mana allimpajchu rijch'awarqa chay imasta ruwarqanku. Israelitasqa phiñachillawajpuni kanku paykunaj kikinkoj ruwasqanku lantista yupaychaspa. Noqa Señor chayta nini.

Jeremías 35:15

Kamacherqaykichej qhepampi qhepampi, tukuy kamachisniy profetasta ninasuykichejpaj: Jucha ruwaykunasta, millay ruwaykunastapis saqeychej. Ama waj dioskunaj qhepanta ripuychejchu, nillataj yupaychaychejchu, jinamanta qankunaman, jinataj ñaupa tatasniykichejmampis qosqay jallp'api tiyakullankichejpuni. Jinapis qankunaqa mana kasuwarqankichejchu, nitaj nisqasniyta junt'arqankichejchu.

Jeremías 48:11

Moabqa sonqo tiyasqa kayllapipuni kausakorqa, mana jayk'ajpis jallp'anmanta wijch'usqachu karqa. Imaynatachus vinota ch'uwachinku, manataj uj vasomanta waj vasoman jaywarankuchu, chayraykumin mana jayk'ajpis misk'i kayninta, nitaj q'apayninta chinkacherqachu.

Jeremías 6:16

Señorqa ayllunman nin: ñankunaspi sayaykuychej, qhawaychejtaj, tapurikuychej chay ñaupa runakuna ukhumanta, maypichus kashan chay aswan allin kaj ñan chayta, qhatiykuychej, samariytataj tarinkichej. Paykunataj ninku: Manapuni chay ñanta puriykumanchu, nispa.

Ezequiel 20:13

Astawampis israelitasqa ch'in pampapi contrayta sayarerqanku. Mana leyesniyman jinachu purerqanku, kamachisqasniyta qhesacharqanku. Chaykunata junt'aj runaqa kausanqa. Samakunay p'unchaykunasniytaqa manapuni kasuta ruwarqankuchu. Chayrayku noqa nerqani ch'in pampapi paykunata phiñakuyniypi tukuyninkuta chinkachinayta.

Ezequiel 20:21

Paykunaj wawasninkutaj contrayta jatarillarqankutaj. Mana kamachisqayman jinachu purerqanku. Yachachisqasniyta mana waqaycharqankuchu, nitaj junt'arqankuchu. Junt'ajqa kausayta tarenqa. Samakuna p'unchaykunasniyta mana kasorqankuchu. Chayrayku, noqa yuyarqani ch'in pampapi paykunaj patankuman k'ajaj phiñakuyniyta urmachimuyta, ajinamanta paykunapi phiñakuyniymanta samarinaypaj.

Ezequiel 20:28

Makiyta oqharispa paykunaman uj jallp'ata qonaypaj jurarqani, chayman pusaykojtiytaj, tukuy lomasta, chayri tukuy thansa sach'asta rikuytawan, chaypi uywa wañuchisqasta ruphacherqanku, jinataj rikuchikusninkuta jaywarqanku. Chaykuna noqata mayta phiñachiwanku. Chaypi k'acha q'apaj inciensosta q'osñicherqanku, vinowantaj ch'ajchorqanku.

Ezequiel 20:8

Paykunataj contraypi sayarerqanku, manataj uyariyta munawarqankuchu. Ñawisninkuta ch'aukiyaj millay juchasninkumanta ni pipis t'aqakorqankuchu, nitaj Egiptopi kaj lantistapis saqerqankuchu. Yuyarqani paykunaj patampi k'aj phiñakuyninmanta samariyta, Egipto jallp'api kikin phiñakuyniyta paykunapi junt'anaypaj.

Sofonías 3:2

Señorpa parlasqanta mana uyarerqachu, nitaj cheqanyachikuytapis munarqachu. Señorpi mana confiakorqachu, manataj payman qayllaykorqachu.

Zacarías 7:7

Manachu kaykunataqa Señor parlarqa ñaupa profetasnejta chayllatataj, maypachachus Jerusalén runa junt'ayoj, nitaj ni ima ch'ajwapis kashajtin, jinallataj qayllampi kaj llajtaspis, aylluspis Neguev jinataj Sefalapis?

Deuteronomio 31:27

Noqa yachaykichej qankunaqa mana kasukoj rumi sonqo runas kasqaykichejta. Noqa qankunawan kashajtiyraj Señorpa contranman tukuykichej. Q'aya minchha wañupojteyqa, imaynachus kankichejpis ari?

Deuteronomio 9:24

Qankunaqa Señorta manapuni kasuyta munankichejchu rejsisqasuykichejmantapacha.

Deuteronomio 9:7

Yuyarikuychejpuni Señor Diosniykichejta ch'in pampapi phiñachisqaykichejta, Egiptomanta llojsimuqaykichejmantapacha, kay jallp'aman chayamunaykichejkama, Señorpa contranta oqharikorqankichej.