Jeremías 22:17 - Qheshwa Biblia DC

¹⁷ Qanrí, mana kajmanta qolqeta jap'iyllata munanki, mana juchayojkunata wañuchinki, runasniykita ñak'arichinki, waqachinkitaj.

DIOSPA QHELQACHISQAN DEUTEROCANONICAL

¹⁷ Qanrí, Joacín, mana allinta ruwaspa qolqe jap'inallamanta wañushanki. Mana juchayojkunata wañuchinki, mana pagaspa runaykikunatapis ñak'arichinki, nispa.

DIOSPA QHELQACHISQ

¹⁷ Qanrí, Joacín, mana allinta ruwaspa qolqe jap'inallamanta wañushanki. Mana juchayojkunata wañuchinki, mana pagaspa runaykikunatapis ñak'arichinki, nispa.

Jeremías 22:17 ပူးပေါင်းရင်းမြစ်များ

1 Reyes 21:19

Payman parlanki kay jinata: Señorqa ajinata nin: Nabotta wañuchispa paypa kajta qhechusqaykirayku, maynejpichus Nabotpa yawarninta alqos llajwarqanku, chayllapitaj yawarniykitapis alqos llajwanqanku.

2 Reyes 23:37

Señorpa ñaupaqempi sajrata ruwarqa, imaynatachus ñaupa tatasnin ruwarqanku ajinata.

2 Reyes 24:4

Mana juchayojkunaj yawarninta jich'aspa, Jerusalén llajtaman yawarwan junt'achisqanmanta. Chayrayku Señorqa manapuni perdonayta munarqachu.

2 Crónicas 36:8

Joacimmanta wakin willaykunasqa, chay millay ruwanasnin, imaschus payta qhatirisqasnimpis qelqasqas kashanku, Judajta Jerusalempatawan reykunasninkumanta willaj libropi. Paypa cuentanmantataj wawan Joaquín kamacherqa.

Job 31:7

Sichus cheqan kaj ñanmanta wist'uykuni, sichus ñawiypa rikusqanwan apachikuni, makiypitaj wajpa imasnin rikhurin chayqa,

Salmos 10:3

Sajra runaqa imaynatachus munasqanmanta alabakun. Munapayajqa maldicin, Señortaj qhesachan.

Éxodo 18:21

Chantapis qan ajllay israelitas ukhumanta allin yuyayniyoj qharista, Diosta manchachikojkunata, imastapis cheqanta ruwajkunata, qolqellamanta mana wañojkunata. Paykunata churaray sapa t'aqapi kurajkunas kanankupaj; paykunataj kamachichunku wakenqa waranqa runasta, wakintaj pachaj runasta, wakintaj phishqa chunka runasta, wakintataj chunka runasta kamachinankupaj.

Proverbios 24:2

Paykunaj sonqonkoqa suwayllapi yuyashan, siminkupis sajrata ruwayllamantapuni parlan.

Isaías 56:11

Alqos jina mana sajsayta atej kanku. Paykuna michejkuna kashaspapis mana yuyayniyoj wampus kanku; sapa ujninku imatachá munasqankuta ruwaspa purinku, sapa ujninku imachá paykunapaj allin kajllata mask'anku munasqankuman jina.

Jeremías 17:11

Pichus mana llank'aspalla qhapajyakojqa, rijch'akun chay mana paypa runtusnillanta ojllakapoj pampa yuthusman. Chay qhapaj kaynintaqa wayna kaynillampitaj saqenan kanqa, qhepamantaj uj wampu kasqallan yachakonqa.

Jeremías 19:4

Israelitas saqerpariwarqanku, kay cheqatataj uj mana rejsisqa jallp'aman tukucherqanku, chaypi inciensosta waj dioskunallaman q'osñicherqanku. Chaytaqa ñaupa tatasninku, ni paykuna, nitaj Judamanta reykunaspis rejserqankuchu, chaykunapitaj mana juchayoj runaspa yawarninta jich'arqanku.

Jeremías 22:3

Kay llajtapi ruwaychej allin kajta, cheqan kajtataj. Chay ñak'arejkunata sajra runaspa ñaupaqenmanta kacharichiychej, ama k'umuykachachiychejchu, nitaj ñak'arichiychejchu waj llajtayojkunata, Amataj wajcha wawasta, warmi sapastapis. Ama wañuchiychejchu mana juchayoj runastaqa.

Jeremías 6:13

Tukuyninku jatunmanta juch'uykama yuyanku qhasi manakajmanta qolqeta jap'iyllataña; profetas, jinatataj sacerdotespi llulleriosninkuwan ch'aukiyanku.

Jeremías 6:6

Tukuy Atiyniyoj Señorqa kay kamachita qon: Sach'asta k'utuychej, perqasmantaj jallp'ata qolluykuychej Jerusalenman maqanakoj yaykunapaj. Llajtaqa jasut'isqa kanampaj qhawasqaña, imaraykuchus millay ruwaykunawan junt'a kashan.

Jeremías 8:10

Chayraykutaj warmisninkuta waj qharisman jaywaykusaj, jallp'asninkutapis wajkunaman. Jatun juch'uy qhasi mana kaj, qolqeta jap'iyllataña yuyanku. Sacerdotes, jinataj profetaspis tukuyninku ch'aukiyanku.

Ezequiel 18:12

Wajchasta mana tiyapuyniyojkunata ima ñak'arichinman, suwakunman, prenda qosqata mana kutichipunmanchu, lantistapis yupaychanan, millay imastataj ruwanman, manuspaqa qolqempa miraynintawan mañakapunman chayqa, chay runaqa mana kausanqachu, chay tukuy juchasta ruwasqanmanta. Payqa cheqamanta wañonqa, yawarnintaj paypa patampi kanqa.

Ezequiel 19:6

Chay kajpis jatuchaj leones chaupipi rerqa jamorqataj. Jap'iyta yachaykorqa, runastataj mikhorqa.

Ezequiel 19:7

Palaciospi t'unaykuspa llajtasta ch'inyacherqa. Qhapariyninwantaj tukuyta kharkatiticherqa.

Ezequiel 19:9

Ganchoswan wisq'aykorqanku, chantá Babiloniapi kaj reyman aparqanku. Chaypitaj wisq'aykorqanku, amaña qhaparisqan Israel orqospi uyarikunampaj.

Ezequiel 22:6

Israelpi kuraj runas, sapa ujninku atisqankuta runasta wañuchinapaj kallpachakunku.

Ezequiel 33:31

Ajinata aylloyqa jamuspa ñaupaqeykipi tiyarikun yachasqankuman jina, aylluypis kanman jinataj parlasqasniykita uyarinankupaj. Manataj uyarisqankuta ruwankuchu. Simisnillankuwan misk'ita parlanku, sonqonkupitaj qolqej qhepanta purishanku.

Miqueas 2:2

Jallp'asta munapayanku, jap'ikapunkutaj; wasista munapayanku, suwankutaj. Runastapis mayta ñak'arichinku, ayllusninkutapis chantá tukuy kapuyninkutapis.

Miqueas 3:10

qankuna Diospa llajtan Jerusalenta ruwankichej wañuchinakuy, mana allin ruwaykunaj patampitaj.

Sofonías 3:3

Kamachejninkoqa qhapariykachaj leonkuna jina kanku. Juecesninkutaj, q'ayantimpaj ni uj tulluta puchuchej campo atojkunaman rijch'akunku.

Romanos 1:29

Paykunaqa junt'asqas karqanku mana cheqan ruwaykunawan, [qhenchachakuywan,] sajra kaywan, munapayaywan, qhawaraywan, runa wañuchiywan, phiñanakuywan, ch'aukiyaywan, sajra yuyaykunawan ima.

Colosenses 3:5

Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun.

Josué 7:21

Jericopi chay tukuy imas ukhupi, uj k'achitu babilonia mantata rikorqani, iskay pachaj qolqeta, khuskan kilo kuraj jina sayt'u p'alta qoritawan. Chaykunata anchata munasqayrayku pakaykorqani, apaspataj jaray uraman p'ampaykorqani, qolqetataj aswan uraman churaykuspa.

2 Pedro 2:14

Ñawisninkoqa qhenchachakuywan junt'a kanku, juchallikuywantaj mana sajsakunkuchu; pisi kallpachasqa runasta ch'aukiyaspa juchallichinku, sonqonkupis tukuy imata munapayayman yachasqa, maldicisqastaj kanku.

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.

1 Samuel 8:3

Chaywampis chay wawasnenqa mana tatanku jinachu imatapis allinta ruwarqanku, manachayqa qolqeta munapayayman qokaporqanku, chanta lluk'ichikorqanku, nitaj imatapis cheqantachu ruwarqanku.