Jeremías 22:15 - Qheshwa Biblia DC

¹⁵ Cedros chaupillapi tiyakusqaykipichu sumaj rey kasqaykeqa yachakun? Tataykeqa kausaynimpi kusikorqa, chaywampis payqa cheqanta ruwaj, chayrayku paytaqa tukuy imapi allillan rerqa.

DIOSPA QHELQACHISQAN DEUTEROCANONICAL

¹⁵ Cedromanta ruwasqa wasipi tiyakusqaykiraykuchu kuraj kamachej kasqaykita yuyakunki? Tataykeqa kawsashaspa, mikhorqa, ujyarqa, chantá cheqan kajta, justiciata ima ruwarqa. Chayrayku payta tukuy imapi allin rerqa.

DIOSPA QHELQACHISQ

¹⁵ Cedromanta ruwasqa wasipi tiyakusqaykiraykuchu kuraj kamachej kasqaykita yuyakunki? Tataykeqa kawsashaspa, mikhorqa, ujyarqa, chantá cheqan kajta, justiciata ima ruwarqa. Chayrayku payta tukuy imapi allin rerqa.

Jeremías 22:15 ပူးပေါင်းရင်းမြစ်များ

2 Samuel 8:15

Davidqa tukuy Israelpi kamacherqa, justiciawan cheqan kajwantaj ruwaspa tukuy ayllumpaj.

1 Reyes 10:9

Señor Diosniyki yupaychasqa kachun, qanta ajllakususqanmanta, Israelpa trononman churasunampaj; imaraykuchus Señorqa Israelta munakumpuni wiñaypaj, kamachej kanaykipajtaj churasunki, cheqanta cheqa kajtataj ruwanaykipaj.

2 Reyes 22:2

Paytaj Señorpa ñaupaqempi cheqanta ruwarqa, ñaupa tatan Davidpa ñankunasnimpi purispa, nitaj lloq'eman, nitaj pañaman t'aqakuspa.

2 Reyes 23:25

Manataj ujpis ñaupajta pay jina reyqa karqachu Señorman kutirikojqa tukuy sonqowan, tukuy almawan, tukuy kallpanwan ima, imaynachus Moisespa leynimpi kasqanman jina. Paymanta qhepaman manataj ujwampis pay jinaqa nacekorqañachu.

1 Crónicas 3:15

Josiaspa wawasnintaj karqanku: Kuraj kaj Johanán, sullk'antaj Joacim. Kinsa kajtaj Sedequías. Tawa kajtaj Salum karqa.

2 Crónicas 34:2

Josiaspa ruwasqasnenqa Señorpa rikuynimpeqa cheqan karqanku, paypa ñaupa tatampa Davidpa ñankunasninta qhaterqa, mana chaymanta pañaman nitaj lloq'eman t'aqakuspa.

2 Crónicas 35:22

Josiastaj mana ithirerqachu, manachayqa paywan maqanakoj rerqapuni mana kasuspa Necaoj willachimusqanta. Chay willayqa kikin Diosmantapuni jamorqa. Ajinaqa maqanakuman yaykorqapuni Meguido vallepi.

2 Crónicas 35:26

Josiaspa wakin ruwasqanqa Señorpa leynin libroman jina, munakuywan allin ruwasqasnimpis, qallariymanta tukukuyninkama ruwasqasnimpis qelqasqas kashanku, Israelpa, jinataj Judajpa reykunasninmanta willajkuna librospi.

Proverbios 20:28

Reyqa kamachinanmanta mana orqhosqachu kanqa, munakuywanchus, cheqantatajchus ruwan chayqa.

Proverbios 21:3

Cheqanta puriyta, cheqan kajtawanqa ruwaypuni, Señorqa chayta astawan munan uywa ñak'asqasta jaywanamanta nisqaqa.

Proverbios 25:5

Reypa kamachisninmanta sajra runata t'aqay, kamachisnintaj sumaj ruwaywan cheqan kanqa.

Proverbios 29:4

Cheqanta ruwaj reyqa ayllunta sumajta sayachin; impuestosllata mañaj runaqa mana allinman tukuchin.

Proverbios 31:9

Jatunmanta qhapariy, cheqan kajta ruway, wajchasta jark'ay, jinallataj llamp'u sonqoyojkunatapis.

Eclesiastés 10:17

Jallp'a, kusikuyniyojmin kanki, reyniyki sumaj runaspa wawan kajtin. Kurajkunasniyki maychus tiempompi mikhojtin, kallpayoj kanampaj mikhojtinku, manataj ujyanallankupajchu.

Eclesiastés 2:24

Runapajqa chay tukuy imasmanta astawanqa allimpuni mikhunan, ujyanan, tukuy ruwasqanwan kusikunan. Chay tukuyta noqaqa yachallanitaj Diosmanta jamusqanta.

Isaías 3:10

Cheqan purej runata niychej allin rinanta, imaraykuchus makimpa llank'asqanta mikhonqa.

Isaías 33:16

Chaymá patapeqa wiñaypaj kausanqa; pakakunampis chhankapi kanqa, mikhunanwan, ujyanan yakuwanqa mana tukukoj kanqa.

Isaías 9:7

Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

Jeremías 21:12

Señormanta kay willayta uyariy: Tukuy p'unchaykunapi cheqan kajllata ruway, chay ñak'arejkunata kacharichiy qhasimanta oqojkunamanta. Pajtataj chay millay ruwasqasniykirayku phiñakuyniy nina jina jap'iykukunman, manataj pipis thasnuyta atishanmanchu.

Jeremías 22:18

Josiaspa wawan Judamanta rey Joacimmantataj Señorqa nin: Pay wañojtenqa mana pipis waqaj kanqachu. Mana pipis kay jinata nispa waqaj kanqachu: Ay, wauqéy! Ay ñañay! Ay, Señor! Ay Reyníy!

Jeremías 22:3

Kay llajtapi ruwaychej allin kajta, cheqan kajtataj. Chay ñak'arejkunata sajra runaspa ñaupaqenmanta kacharichiychej, ama k'umuykachachiychejchu, nitaj ñak'arichiychejchu waj llajtayojkunata, Amataj wajcha wawasta, warmi sapastapis. Ama wañuchiychejchu mana juchayoj runastaqa.

Jeremías 23:5

Señorqa nillantaj: Uj p'unchay chayamonqa, maypachachus Davidpa mirayninmanta uj cheqan kajta rikhurichisaj. Kay pachapitaj chay reyqa tukuy yachaywan, justiciawan, cheqan kaywantaj kamachenqa.

Jeremías 42:6

Allimpis kachun mana allimpis kachun, Señor Diosniykutaqa kasusqaykupuni, imaraykuchus noqayku parlamunaykipaj kacharqayku, jinamanta allin rinawaykupaj.

Jeremías 7:5

Kausayniykichejtachus allinyachinkichej, ruwasqasniykichejpis cheqan kanqa, cheqan kajtataj ujkuna ujkunawan ruwankichej chayqa, manallataj ñak'arichinkichejchu waj llajtayojkunata, wajcha wawasta, warmi sapasta ima chayqa, nitaj mana juchayoj runasta kay cheqapi wañuchiwajchejchu, nillataj waj dioskunaman yupaychaykunata qowajchejchu. Chaymantaj qankuna kikiykichejpaj sajrata wajyakuwajchej.

San Lucas 11:41

Kapuyniykichejmanta wajchasman qoychej. Tukuy imaykichejtaj llimphu kanqa.

Hechos 2:46

Templopitaj tukuyninku uj sonqolla, sapa p'unchay tantakojpuni kanku. Wasisninkupipis t'antata partispa, khuska mikhoj kanku, may kusiywan, llamp'u sonqowantaj.

1 Corintios 10:31

Kunanqa mikhuspapis, ujyaspapis, imata ruwaspapis tukuy imata ruwaychej Diospa kusikuynimpaj.

Deuteronomio 4:40

Junt'aychej Diospa ley churasqasninta, kamachisqasnintawan, kunan p'unchay qoykichej chayta. Ajinamanta allin risonqachej, qankunaman, jinallataj mirayniykichejmampis. Unaytataj kausankichej chay jallp'api Señor Diosniykichej wiñaypaj qosonqachej chaypi.