Jeremías 21:6 - Qheshwa Biblia DC

⁶ Wañuchisaj kay llajtapi tukuy tiyakojkunata, runasta, chantá uywastapis, uj millay onqoywan wañurachisaj.

DIOSPA QHELQACHISQAN DEUTEROCANONICAL

⁶ Kay llajtapi tukuy tiyakojkunata, runakunata, chantá uywakunatapis uj millay onqoywan tukuyninkuta wañuchisaj.

DIOSPA QHELQACHISQ

⁶ Kay llajtapi tukuy tiyakojkunata, runakunata, chantá uywakunatapis uj millay onqoywan tukuyninkuta wañuchisaj.

Jeremías 21:6 ပူးပေါင်းရင်းမြစ်များ

Génesis 6:7

Señorqa nerqa: Jallp'a patamanta q'alata chinkachisaj kay ruwasqasniy runasta; jinallataj uywasta, pampata qhatatakojkunata, p'isqostawan. Anchata pesachikuni kaykunata ruwasqaymanta.

Isaías 6:11

Noqataj taporqani: Señor, mashkha unaytataj kay kanqari?, nispa. Paytaj niwarqa: kayqa kanqa llajtas chinkachisqa kanankama, mana uj runayoj kanankama, wasis mana runayoj kanankama, chay campospis ch'in qhepakunankama;

Jeremías 14:12

Ashkha ayunostapis ruwachunku mana uyarisajchu chay mañawasqasninkuta. Apamuchunkupis rikuchikusta, jinataj poqoykunasmanta ofrendasta, manapuni allimpajchu chaykunatapis qhawasaj. Paykunata maqanakupi tukuchisaj, chanta yarqhaywan onqoywan ima.

Jeremías 16:4

Wañonqanku millay sinch'i onqoykunawan, mana pipis paykunamanta waqanqachu, nitaj p'ampajkuna kanqachu, pampapi wanu jina wijch'urasqas qhepakonqanku. Maqanakuykuna paykunataqa tukuchenqa. Ayasninkutataj chay aycha mikhu phawajkunawan, monte animaleswan mikhonqanku, nispa.

Jeremías 20:4

Señorqa nisunki: Qan kikiyki mayta mancharikunaykipaj jina ruwasqayki, jinataj tukuy kausayniykipajpis; rikunaykita kausaqesniyki enemigosninkoj espadanwan wañuchisqas kanqanku. Tukuy Judapi kaj tiyakojkunatataj Babilonia reypa makisninman jaywaykusaj, payta jallp'aykichejmanta Babiloniaman apasonqachej, chayri cuchillowan wañurachisonqachej.

Jeremías 32:24

Kunanqa caldeo jallp'a moqosta oqharinkuña llajtaman yaykuykamunankupaj, jinataj maqanakuykunas yarqhay, onqoy ima llajtaykichejta makinkuman urmaykuchenqa. Señor, rikunki chay nisqasniykeqa imaynatachus junt'akushasqanta.

Jeremías 33:12

Tukuy Atiyniyoj Señorqa nin: Kay jallp'api, kunan ch'in pacha kashan chaypi mana runas, nitaj uywaspis kashanchu chaypi, tukuynin llajtasnimpi, watejmanta pastos wiñallanqataj, tukuy michejkuna chaykunapi ovejasninkuta michimunankupaj.

Jeremías 34:17

Ajinaqa noqa Señor nini: Qankunaqa mana kasuwarqankichejchu, llajta masisniykichej kamachista mana kacharispa; chayraykumari kunan noqapis maqanakuta, onqoyta, yarqhaytapis qankunaman kachaykamusqaykichej tukuy jallp'a patapi kaj naciones mancharikunankupaj jina. Noqa Señor chayta nini.

Jeremías 36:29

Kay jinata noqa niyki, qanqa librota ruphacherqanki, Jeremiastataj k'amerqanki kay jinata qelqasqanmanta; Babiloniamanta reyqa jamonqapuni kay nacionta chinkachinampaj mana uj runasniyojta, mana uj uywasniyojtataj.

Jeremías 42:22

Chayrayku allinta yachakuychej, qankunaqa maqanakupi wañunkichej, yarqhaywan, onqoywantaj, may jallp'amanchus tiyakamoj riyta munashankichej chaypi.

Jeremías 7:20

Chayrayku, noqa Señor cheqatapuni nini, tukuy phiñakuyniyta thallinayta kay cheqaj contranta, runakunasnimpa contrampi, jinallataj uywasnimpa contrampi, sach'asnimpa contrampi, chantá cosechasnimpa contrampipis. Chayqa nina jap'iykuchisqa mana thasnukuyta atej jina kanqa.

Ezequiel 12:16

Ujkunata paykunamanta ayqechisaj, ch'ajwamanta, yarqhaymanta, onqoykunamanta ima, maymanchá renqanku chay nacionespi imaymana ruwasqanku p'enqaykunata willakunankupaj. Rejsiwanqankutaj noqa Señor kasqayta yachanankupaj.

Ezequiel 14:17

Sichus chay nacionman ch'ajwata chayachimuyman, kamachiymantaj runas, jinallataj animalespis wañuranankuta. Chay kinsa runas chaypi kausashankuman chaypis, manapuni salvayta atinkumanchu, qhari wawasninkuta, nitaj warmi wawasninkutapis, paykunalla kinsantinku salvakunkuman. Noqa Señormin kausayniyrayku jurani.

Ezequiel 14:19

Chay llajtamanchus onqoykunata chayachimuyman, phiñakuyniypitaj wañuyta tarpuyman, wañurachiymantaj runasta animalestawan.

Ezequiel 14:21

Noqa Señormin nini: Aswanraj kanqa maypachachus noqa tawantin sinch'i jasut'iyniyta Jerusalenman apachimojtiy. Ch'ajwata, yarqhayta, millay animalesta, onqoykunata ima, runata, uywasta ima wañurachinampaj.

Ezequiel 33:27

Paykunaman niy: Señorqa kay jinata nin: Noqa kausayniyrayku jurani, pikunachus chay ch'in pampaman tukuchisqa llajtapi kashanku chaykunaqa espadawan wañurachisqas kanqanku. Campo purejkunatataj millay animalesman oqoykunankupaj qosaj. Pikunachus qaqas ukhupi, rumi jusk'uspi kashanku, chaykunaqa onqoywan wañuranqanku.

Ezequiel 33:29

Tukuy millay sajra imasta ruwasqasninkumanta chay jallp'ata thuñisqata, ch'in pampamantaj tukuchisaj, chaypacha yachanqanku noqa Señor kasqayta.

Ezequiel 7:15

Jawapeqa maqanakuy tiyan, ukhupitaj onqoykunawan, yarqhaykunawantaj wañuranqanku. Jawapi kajkunaqa maqanakuypi wañuranqanku. Llajtapi kajkunataj yarqhaywan, onqoykunawantaj wañuranqanku.

Oseas 4:3

Chayrayku kay llajtaqa llakiyllapipuni kashan. Q'ala mana kallpayojllaña kashanku chay tukuy tiyakojkunaqa; monte animalespis, phawaj p'isqospis chantá mar qochapi challwaspis tukuynin wañurashanku.

Miqueas 3:12

Jinapis, qankunaj juchasniykichejrayku Diospa llajtan Jerusalenqa barbecho llank'asqaman tukonqa, wasispis phirisqa qolluman jinataj, Diospa yupaychana wasimpa orqontaj qhoraswan pakaykusqa kanqa.

Sofonías 1:3

Runasta animalestawan t'unaykusaj, p'isqosta jinallataj challwastapis. Sajra runasta urmachisaj, jallp'a patapi kaj runasta chinkachisaj. Kay jinata Señorqa nin:

San Lucas 21:24

Wakenqa guerrapi wañuranqanku; wakintataj presochasqasta apanqanku tukuy nacionesman. Gentilestaj Jerusalenta saruranqanku, paykunaj p'unchayninku junt'akunankama.