Jeremías 21:14 - Qheshwa Biblia DC

¹⁴ Noqa jasut'isqaykichej ruwasqasniykichejman jina, ninatataj jap'iykuchisaj sach'asniykichejman. Chay ninataj tukuy muyuynimpi kajkunata ruphaykonqa. Noqa Señormin chayta nini.

DIOSPA QHELQACHISQAN DEUTEROCANONICAL

¹⁴ Noqamin ruwasqaykichejman jina jasut'isqaykichej. Tukuy sach'aykichejman ninata jap'iykuchisaj, chay ninataj tukuy muyuyniykichejpi kajta ruphaykonqa, nispa. Ajinata Tata Dios nin.

DIOSPA QHELQACHISQ

¹⁴ Noqamin ruwasqaykichejman jina jasut'isqaykichej. Tukuy sach'aykichejman ninata jap'iykuchisaj, chay ninataj tukuy muyuyniykichejpi kajta ruphaykonqa, nispa. Ajinata Tata Dios nin.

Jeremías 21:14 ပူးပေါင်းရင်းမြစ်များ

2 Crónicas 36:19

Chay jawaqa Diosta yupaychana wasitapis ruphaykucherqanku, Jerusalén llajtaj perqasnintataj thuñirarqanku. Tukuy palaciosninmampis ninata jap'iykucherqanku. Chay valorniyoj kaj imastapis tukuyninta t'unaykorqanku.

Proverbios 1:31

Mana kasukusqaykichejrayku ñak'arinkichej, sajra ruwayta yuyasqaykichejwan amichikunkichej.

Proverbios 12:14

Sapa uj jap'inku parlasqankuman jina; ruwasqankuman jinataj t'inkataqa jap'enqanku.

Isaías 10:12

Señorqa Sión orqopi, Jerusalempiwan ruwaspaña, Asiria reytañataj jasut'enqa, anchata wapuykachasqanta, may kasqanta yuyakusqanmantataj.

Isaías 10:16

Chayrayku Tukuy Atiyniyoj Señorqa, kallpayoj runasninman llauchhuyayta apachimonqa, qhapaj kayninkutataj ninawan jap'iykuchenqa llant'ata jina.

Isaías 24:21

Chaypacha Señorqa janaj pachapi atiyniyojkunata jasut'enqa; jinallataj kay jallp'a patapi kaj reykunatapis.

Isaías 37:24

Qanqa kamachisniykita kachamunki kaypi Señorpa contranta qhaparinankupaj, nichimunkitaj: Ashkha carrosniywan orqo puntasman wicharini, Líbano kinraykunaman. Jatuchaj kaj cedros sach'asta k'utuni, sumachaj kaj pinostawan, aswan jatuchaj kaj orqo puntasniykiman wicharini, aswan ch'ipasqa kaj montesniykiman ima.

Jeremías 11:16

Waj tiempopi noqa payta suticharqani ashkha ch'ampa olivo sach'a, k'acha poqoyniyojtaj nispa, kunanrí sinch'i qhon qhonkunaspa chaupimpi laphisninta ruphachisaj, ramasnintataj k'ajllarasaj.

Jeremías 17:10

Noqa Señor allinta yachani, imatachus yuyasqasninkutapis rejsini, sapa ujmantaj imatachus ruwasqankuman jina qopuni.

Jeremías 17:27

Sichus qankuna kay kamachisniyta mana kasukunkichejchu, chay samakuna p'unchaypi yupaychanawaykichejta, jinataj cargasta Jerusalenman samakuna p'unchaypi mana apaykunatawan mana junt'awankichejchu chayqa, llajtaj punkusninman ninata churasaj, chay ninataj Jerusalempa palaciosninta ruphaykonqa tukuchinankama, manataj pipis thasnuyta atenqachu.

Jeremías 22:1

Señorqa niwarqa: Reypa palacionman riy, kaytataj willay: Judamanta reypa ñaupaqempi payqa tiyashan, Davidpa tronompi, chantá willay kamachisnimpa ñaupaqempi, jinataj llajtamanta runaspa ñaupaqempipis, kay jinata: Uyariychej Diospa palabranta, nispa.

Jeremías 22:7

Hachasniyoj runasta contraykipi kachamusqayki tukuchinasuykipaj. Chay cedro sach'asniykita k'uturanqanku, ninawantaj enqhaykonqanku.

Jeremías 32:19

Qan may jatun kanki ruwasqasniykipi. Qan rikunki runaspa tukuy ruwasqasninkuta, chay ruwasqasninkuman jinataj qan qopunki.

Jeremías 46:23

Chay sach'asninta k'utukaponqanku. Noqa Señor chayta nini. Langostasmanta aswan ashkhas karqanku, manataj pipis yachayta aterqachu.

Jeremías 50:32

Qan phiñanakuta mask'aj nación misk'aspa urmanki, manataj pipis uyarikoj kanqachu. Tukuy llajtasniykiman ninata jap'iykuchisaj, chay ninataj tukuy muyuynintinta ruphaykonqa.

Jeremías 52:13

Paytaj Diosta yupaychana wasita ruphaykucherqa reypa palacionta, chantá llajtapi tukuynin wasistapis, astawanqa allin rejsisqa runaspa wasisninkuta.

Jeremías 6:19

Uyariy qan jallp'a: Kay aylluman uj ñak'ariyta apachimusaj, sajra kajta umachakusqankurayku, palabrasniyta mana kasuta ruwayta munarqankuchu, jinataj yachachisqasniyta qhesachasqankurayku.

Jeremías 6:29

Maypachachus fuelle sinch'iwan phukun chayqa, nina chay titita unuyachin. Jinapis qhasipaj paykunataqa ch'uwachanku. Chay juchasapasqa manapuni chinkankuchu.

Jeremías 9:25

Señorqa nillantaj: Uj p'unchay jamushan, tukuy ayllus aychaman jinalla circuncidakojkunata jasut'isaj.

Lamentaciones 2:3

K'ajaj phiñakuyninwan israelitaspa atiyninta chinkachin. Enemigosnin rikhurimojtinkama, payqa atiyninta wajnejman ithirichin. Payqa Jacobpa ayllumpi ninata jina phiñakuyninta jap'iykuchin, chaytaj tukuy munayninta q'olaykun.

Ezequiel 21:3

Noqamanta kay jinata ninki: Señorqa nin: Noqa contraykipi kani. Cuchilloyta jallch'anananta orqhosaj, chaywantaj juchayojta mana juchayojta wañurachisaj.

Miqueas 7:13

Kay pacha jallp'aqa ch'in pampaman tukuhisqa kanqa chaypi tiyakojkunaspa juchasninkurayku tukuy sajra kajta ruwasqankuman jinataj.

Zacarías 11:1

Líbano, kichariy punkusniykita, cedrosniykitataj nina ruphaykuchun!