Jeremías 20:7 - Qheshwa Biblia DC

⁷ Señor, qan ch'aukiyawarqanki, noqataj ch'aukiyachikullarqayki; qan may kallpayoj karqanki atipawarqankitaj. Sapa kutipi asipayakuwanku, tukuytaj noqamanta alqochakuwanku.

DIOSPA QHELQACHISQAN DEUTEROCANONICAL

⁷ Chantá Jeremías nerqa: Tata Dios, qan misk'i simiykiwan q'otiyawarqanki, noqataj kasuta ruwarqayki. Qan may kallpayoj kasqaykirayku atipawarqanki. Runakunaqa tuta p'unchaynintin asipayawanku, noqamanta alqochakuwaspa.

DIOSPA QHELQACHISQ

⁷ Chantá Jeremías nerqa: Tata Dios, qan misk'i simiykiwan q'otiyawarqanki, noqataj kasuta ruwarqayki. Qan may kallpayoj kasqaykirayku atipawarqanki. Runakunaqa tuta p'unchaynintin asipayawanku, noqamanta alqochakuwaspa.

Jeremías 20:7 ပူးပေါင်းရင်းမြစ်များ

2 Reyes 2:23

Chaymanta llojsispataj Betelman wicharerqa. Ñannejta wicharishajtintaj llajtamanta ashkha waynuchitus llojsimuspa payta asipayayta qallarerqanku: P'ajla wicharishan, p'ajla wicharishan, nispa.

Job 12:4

Noqaqa mana juchayojchu, nitaj k'aminachu kani; ñaupaj tiempospi Diosqa mañakusqasniyta uyariwaj; kunantaj kausaqesneyqa asikuwanku.

Job 30:9

Kunantaj paykunaqa alqochakuwanku, noqamanta chanzata parlarispa mayta asirikunku.

Salmos 119:51

May kasqankuta yuyakojkuna mayta asipayawanku, noqatajrí yachachiwasqasniykimanta mana karunchakunichu.

Isaías 8:11

Señorqa sumajta makiymanta jap'iykuwaspa amapuni kay runaspa ñanninta purinayta yachachiwarqa, nispa: Ama qankunaqa ch'ajwa niychejchu, runas imatapis ch'ajwa nispa nejtinkoqa. Amataj qankunaqa mancharikunkichejchu, paykuna imamantapis mancharikojtinkoqa.

Jeremías 15:10

Ay, noqamanta, mamáy, qanqa maqanakunallaypaj nacechikuwasqanki, tukuy kay pacha runaswan qhayqarakunaypaj, churanakunaypajtaj. Mana pimampis qolqetaqa manunichu, nitaj pipis noqaman manuwankuchu, jinapis tukuy runas sajra kajta munapuwanku.

Jeremías 15:18

Imaraykutaj kay nanayniy mana jayk'aj tukukunchuri? Imaraykutaj kay nanasqasniy mana thañinchuri? Tukuy jampispis mana imanajri? Noqaj rijch'ayniymantaqa chay rato uj yaku ch'akirparipoj jinalla kawanki.

Jeremías 17:16

Chaywampis, mana noqa mañarqaykichu qan apachinaykita ñak'ariykunata, nitaj munaporqanichu paykunapajqa chay chhika nanaykunata. Simiymanta llojsejtaqa ñaupaqeykipi nerqani.

Jeremías 20:9

Sichus nini: Manaña Señorpi yuyasajchu, manañataj sutimpipis parlasajchu, chaypachaqa ukhuypi palabrasniykeqa nina jina ruphaykuyta munawan, tullusniykamataj chayawan. Chaywampis sonqoyta ñit'iykukuyta munani manataj atinichu.

Jeremías 38:19

Sedequías kuticherqa: Caldeospaman chimpapunku chay judiosta manchachikuni. Paykunaj makinkuman urmayman chayqa, ñak'arichiwankuman.

Lamentaciones 3:14

Tukuy ayllusniy asipayawanku, sapa p'unchay paykunaj asikunanku jina kani.

Ezequiel 3:14

Diospa atiynin jap'iwaspa jaqaymanta orqhowarqa, noqataj may llakisqa waqaspataj riporqani. Chaywampis Señorqa sinch'ita makinwan jap'iwarqa.

Oseas 9:7

Chayamunkuña jasut'ina p'unchaykunaqa! Ña chayamunkuña ruwasqankuman jina pagana p'unchaykunaqa! Israelpis yachanqa chay p'unchaykuna chayamusqankuta! Qankuna ninkichej: Profetaqa wampu, yuyaychasqa runapis ancha uman muyusqa, nispa. Pero chay tukuyta ninkichej juchawan junt'as kasqaykichejrayku, jinataj jatun phiñakuywan junt'as kasqaykichejrayku.

Jonás 4:2

Señormantaj kay jinata nerqa: Qhawariy Señor, kaytamá nerqayki jallp'aypi kashaspallaraj. Chayrayku ayqesharqani Tarsisman. Yachani ari, khuyakoj sonqo nanachikoj Dios kasqaykita, mana chhika usqhayta phiñakoj kasqaykita, chhika jatun khuyakuyniyoj kasqaykita, jasut'ej rishaspa mana jasut'isqaykita chay jina millay sajrata ruwasqankumanta.

Miqueas 3:8

Noqatatajri Diospa espíritun atiywan junt'achiwan, justiciawan, kallpawantaj, uyanchanaypaj Israelpa mana kasukoj, juchayojtaj kasqanta.

San Lucas 16:14

Kay tukuyta uyarisharqanku qolqe munapayaj fariseos, asipayarqankutaj.

San Lucas 23:11

Herodestaj soldadosninwan khuska payta qhesacharqa, asipayayta munaspataj uj reyta jina sumaj p'achaswan p'achallicherqanku. Chaymantataj kachaporqa Pilatoman.

Hechos 17:18

Wakin yachaysapa runas, epicureoswan, estoicoswan Pablowan churanakullajtaj kanku. Ujkuna nerqanku: Imatataj niyta munan kay thautejri? Wakintaj nerqanku: Kayqa waj mosoj dioskunamanta parlajman rijch'akun. Chayta nisharqanku imaraykuchus Pabloqa willasharqa Jesusmanta, kausarimuymantawan.

Hechos 17:32

Wañusqakunaj kausarimunanku manta uyarispataj, wakinkuna Pablota asipayarqanku, wajkunataj nerqanku: Waj kutillapiña kaykunamantaqa uyarisqayku, nispa.

1 Corintios 9:6

Chayrí noqawan Bernabellawanchu, mana llank'anayoj kasqayku?

Hebreos 11:36

Wakinkuna asipayachikorqanku jasut'ichikorqan kutaj; astawanqa carcelespi watasqas wisq'achikorqanku.