Jeremías 20:18 - Qheshwa Biblia DC

¹⁸ Imapajtaj mamaypa wijsanmanta llojserqaniri, kay jina nanayta, llakiykunasllatataj rikunaypajri, kausayniytataj p'enqaypi tukuchinaypajri?

DIOSPA QHELQACHISQAN DEUTEROCANONICAL

¹⁸ Imapajtaj mamaypa wijsanmanta llojserqaniri, kay jina nanayta, llakiyllata rikunaypaj, kawsayniytaj p'enqaypi tukukunanpajri? nispa.

DIOSPA QHELQACHISQ

¹⁸ Imapajtaj mamaypa wijsanmanta llojserqaniri, kay jina nanayta, llakiyllata rikunaypaj, kawsayniytaj p'enqaypi tukukunanpajri? nispa.

Jeremías 20:18 ပူးပေါင်းရင်းမြစ်များ

1 Reyes 19:4

Ch'in pampanejta riporqa uj p'unchay puriyta jina, chaypitaj retama sach'a uraman tiyaykukorqa wañupuyta munaspa, nerqataj: Chayllaña kachun, Señorníy, kausayniyta qhechupuwan, noqaqa mana aswan sumajchu kani tatasniymanta nisqaqa.

Job 14:1

Warmimanta nacesqa runaqa, pisillata kausan, imaymana llakiykunawan junt'a.

Job 14:13

Allin kanman wañuypa kamachiynimpi pakaykunawayki, sinch'i phiñakuyniyki thasnukunankama; niwankimantaj mayk'ajchus ujtawan noqamanta yuyarikunawaykita.

Job 3:20

Imaraykutaj Diosqa saqellan k'anchayta rikojta ñak'arejtari? Imaraykutaj Diosqa kausayta qollan may jina llakiyniyojmanri?

Job 5:7

Imaynatachus nina chispa pataman rinankupaj phinkinku, ajinallataj runaqa llakiypaj nacen.

Salmos 102:3

Kausayniy q'osñi jina tukukushan. Tullusniypis nina jina sayarishan.

Salmos 69:19

Qan yachanki imaynatachus toreawasqankuta, p'enqaypi rikhurisqayta, uyayta ni mayman churayta atisqaytawan. Qan yachanki pikunachus enemigosniy kasqankuta.

Isaías 1:6

Chaki puntaykichejmanta, umaykichejkama nanasqa kankichej, llik'isqa, q'oyuyasqa, aycha rikhurishaj ima; ni pi jampichisunkichejchu, nitaj mayt'usunkichejchu, nillataj aceitewan jawiykurisunkichejchu nanasqasniykichejta.

Isaías 51:7

Uyariwaychej, cheqan kajta rejsejkuna, yachachiyniyta sonqoykichejpi jap'ejkuna. Ama runaspa rimasusqantaqa manchachikuychejchu, amataj chay jinatapuni rimasqankuraykoqa umphuyaychejchu.

Jeremías 15:10

Ay, noqamanta, mamáy, qanqa maqanakunallaypaj nacechikuwasqanki, tukuy kay pacha runaswan qhayqarakunaypaj, churanakunaypajtaj. Mana pimampis qolqetaqa manunichu, nitaj pipis noqaman manuwankuchu, jinapis tukuy runas sajra kajta munapuwanku.

Jeremías 15:18

Imaraykutaj kay nanayniy mana jayk'aj tukukunchuri? Imaraykutaj kay nanasqasniy mana thañinchuri? Tukuy jampispis mana imanajri? Noqaj rijch'ayniymantaqa chay rato uj yaku ch'akirparipoj jinalla kawanki.

Jeremías 3:25

May p'enqasqas k'umuykukunachej ari, manaña allimpajchu qhawasqas kanchej, imaraykuchus wawasmantapacha kunankama, noqanchej ñaupa tatasninchejpis juchallerqanchej Señor Diosninchejpa contrampi, manataj payta kasorqanchejchu.

Jeremías 8:18

Chay nanayneyqa mana jampikuyniyoj, sonqoyqa sayaykapunayanña.

Lamentaciones 1:12

Qankuna, ñanta rejkuna, manachu sonqoykichejta noqamanta nanachikunkichej? Sayarispa qhawariwaychej, kay llakiyta ñak'arishani chaymanta astawan llakiy kanchus manachus chayta. Kay jinataqa Señorpuni jasut'ishawan k'ajaj phiñakuynimpi.

Lamentaciones 3:1

Noqa kani Diospa phiñakuynimpa jasut'isqanta jap'ikojqa.

Habacuc 1:3

Imaraykutaj rikuchiwanki chay chhika ñak'ariyta juchatapis? Millay ruwaykunawan tukuchinakuywantaj muyurisqa kani; tukuynejpi kashan, phiñakuykunas, maqanakuykunapis.

San Juan 16:20

Cheqamanta, cheqamanta niykichej: Waqankichej, llakikunkichejtaj; kay mundopi runastaj kusikonqanku. Chaywampis llakiyniykichejqa kusikuyman tukonqa.

Hechos 5:41

Apostolestaj juntamanta llojsispa, may kusisqas riporqanku, paykunata Jesuspa sutinrayku ñak'arichisqankumanta.

2 Timoteo 1:12

Chayrayku ñak'arishani kay tukuy imaspi. Chaymantaqa mana p'enqakunichu, imaraykuchus allinta yachani pipichus creesqayta, atiyniyojtaj kasqanta waqaychanampaj chay imatachus qowasqanta jamoj p'unchaykama.

Hebreos 10:36

Llakiypi sinch'i sonqopuni kanaykichej tiyan, Diospa munayninta ruwaspataj, Diospa qosqayki nisqasninta jap'inaykichejpaj.

Hebreos 11:36

Wakinkuna asipayachikorqanku jasut'ichikorqan kutaj; astawanqa carcelespi watasqas wisq'achikorqanku.

Hebreos 12:2

Jesuspi ñawisninchejta churaspa, pichus creenanchejta wakichin, tukuychantaj; paytaj kusikuyta jap'inanrayku, cruzpi ñak'arerqa p'enqakuyta qhesachaspa, Diospa pañanmantaj tiyaykukorqa.

Hebreos 13:13

Llojsina ari, jaramanta jawaman Jesusta taripaj, ñak'ariyninta apaspa.