Jeremías 20:10 - Qheshwa Biblia DC

¹⁰ Uyarini contraypi runas chhichinakushajta, tukuynejpi manchachikuykunas tiyan, nispa. Jamuychej ch'ataykusunchej, chay jawa kausaqesniypis suyanku imapi pantanayta. Chantaqa nillankutaj: Ichapis ch'aukiyachikunman, chaywanqa atipaykusunchej, vengakusunchejtaj, nispa.

DIOSPA QHELQACHISQAN DEUTEROCANONICAL

¹⁰ Contraypi runakuna chhichinakuspa parlashajta uyarini: Tukuynejpi manchachikuy tiyan. Jamuychej, payta ch'ataykusunchej, nispa. Tukuy kawsaqeykuna imallapipis pantanayta suyashanku. Chantá nillankutaj: Ichapis q'otiyayta atisunman, chaywantaj payta atipaykusunchej. Ajinamanta paymanta vengakusunchej, nispa.

DIOSPA QHELQACHISQ

¹⁰ Contraypi runakuna chhichinakuspa parlashajta uyarini: Tukuynejpi manchachikuy tiyan. Jamuychej, payta ch'ataykusunchej, nispa. Tukuy kawsaqeykuna imallapipis pantanayta suyashanku. Chantá nillankutaj: Ichapis q'otiyayta atisunman, chaywantaj payta atipaykusunchej. Ajinamanta paymanta vengakusunchej, nispa.

Jeremías 20:10 ပူးပေါင်းရင်းမြစ်များ

1 Reyes 19:2

Chaymantaqa Jezabelqa Eliaspaman ujnin kamachinta kacharqa, nichispa. Sichus q'aya kay horasta profetasta wañucherqanki chaykunata jina mana ruwasojteyqa, dioskunasniy jasut'iwachunku, nispa.

1 Reyes 21:20

Eliasmantaj Acabqa nerqa: Qan, enemigoychu tariwanki? Eliastaj kuticherqa: Arí noqa tariyki, imaraykuchus qan kikillaykitaj sajrata ruwaspa enqhaykukunki Señorpa ñaupaqempi.

1 Reyes 22:27

Ninkitaj, reyqa ajinata nin: Kaytaqa carcelman churaykuychej, chaypitaj pisi t'antawan pisi yakuwantaj kachiychej, allimpi noqa kutimunaykama.

1 Reyes 22:8

Josafatmantaj Israelpa reynenqa kuticherqa: Arí, uj kanraj, paynejta Señorta tapurinapaj, Imlaj wawan Micaías sutiyoj; payta noqaqa chejnini manapuni jayk'ajpis cheqanta sut'inchawasqanrayku, manachayqa sajrallatapuni. Josafattaj nerqa: Ama jinata parlaychu.

Job 19:19

Aswan sumaj kaj kausaqesniy chejnikuwanku, pikunatachus aswan sumajta munakoj kani, chaykunapis contraypi kanku.

Salmos 31:13

Runas chhipinakusqankuta uyariyta atini. Tukuynejpi mana allinchu noqapajqa. Uj runa jinalla contraypi sayarinku, wañuchinawankupajtaj wakichikunku.

Salmos 31:14

Chaywampis, noqaqa Señor, qampi atienekuyki: qanqa Diosniy kanki, nispa.

Salmos 41:10

Qantaj, Señor, khuyakuway, sayarichillaway ari ruwasqankuman jina kutichinaypaj.

Salmos 41:9

Sumaj kaj kausaqeypis, atienekusqay kaj, noqawan mikhoj ima, chay wasanchawan.

Salmos 57:4

Kausaynenqa leones chaupipi kashan. Ninata wijch'oj runaspa chaupimpi wijch'usqa kashani. Kirusninkoqa lanzas jina, flechas jinataj. Qallunkutaj filochasqa espada jina.

Proverbios 10:18

Chejninakuyta pakayqa llullamin; qhasimanta sajra parlaykunata junt'achiytaj wampumin.

Isaías 29:21

Sajra palabraswan mana juchayojta juchachajkuna, allinta cheqanchajpajpis misk'anata churajkuna; mana juchayojta imaymana llulleriosninkuwan ch'aukiyajkuna ima.

Jeremías 1:19

Paykunaqa qanwan maqanakusonqanku, manataj atipasonqankuchu, imaraykuchus qanwan noqa kasaj jark'asunaypaj. Noqa Señor chayta nini.

Jeremías 11:19

Noqa ch'inlla kakusharqani, imaynatachus uj corderota wañuchej apanku ajinata, mana yachaspa imatachus contraypi ruwayta munashasqankuta. Nisharqanku: Sach'ata k'utunachej, kunan kallpampi kashajtin; t'iranachej kay pachapi kausajkuna ukhumanta, manaña pipis paymanta ujtawan yuyarikunampaj.

Jeremías 11:21

Anatotmanta kaj runasman, pikunachus wañunayta munarqanku, kamachiwarqankutaj mana parlanayta Señorpa sutimpi ama wañuchisqa kanaypaj, Tukuy Atiyniyoj Señor nin: Qankunawan pagachikunay kanqa: Wayna kaj runas wañonqanku maqanakupi chaykunaj qhari wawasninku, warmi wawasninkutaj yarqhaywan wañonqanku.

Jeremías 18:18

Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

Jeremías 20:3

Q'ayantintaj chay kurkumanta Jeremiasta phaskaramunankuta kamacherqa, chaypitaj Jeremiasqa nerqa: Señorqa chay Pasur nisqa sutiykita Magor-misabi nisqa sutiwan churasunki.

Jeremías 37:13

Jinapis maypachachus Benjamín punkuman chayashajtin uj runa Irías sutiyoj llojsimorqa. Pay karqa Seleniaspa wawan, Hananiaspa allchhin qhawajkuna ukhumanta kuraj kaj karqa, chaypi Jeremiasta sayachispa jap'iykorqa, nerqataj: Qan caldeosman chimpashanki, nispa.

Jeremías 6:25

Ama campomam llojsiychejchu, amataj ñankunasmampis llojsiychejchu. Enemigoqa sumaj armasninwan wakisqa kashan, manchachikuywan kharkatiteyqa tukuynejpi kashan!

Ezequiel 22:9

Kay llajtapi llullata parlaj runas kajtinku, wakin runas wañuchisqas karqanku. Lomaspi dioskunaman jaywasqa imasmanta mikhumoj rerqanku, millay imastataj ruwanku.

Daniel (hebreo) 6:4

Chay kuraj qhawajkuna, jinallataj kamachejkunapis chaypacha mask'arqanku, ch'ataykunankupaj jina Danielpa mana allin ruwasqasninta reinopi. Danielpitaj mana ima pantaynintapis tarerqankuchu, allin kausayniyoj runa kasqanrayku. Ajinamanta mana imatapis contrampi rikuchiyta aterqankuchu.

San Lucas 20:20

Chantá Jesusta wateqaspa, allinman tukoj puraj uyasta kacharqanku; jinamanta Jesusta, ima parlasqallampipis jap'ispa, kamachejpa atiyninman entregaykunankupaj.

Hechos 24:13

Nillataj atinkumanchu nisuyta pichus rikuwasqanta chay tumpawasqankumanta.

Hechos 5:33

Chayta uyarispa phiñarikuytawan, apostolesta wañuchiyta munarqanku.

Hechos 7:54

Jatun juntapi Kuraj kamachejkunaqa, Estebampa parlasqanta uyarispa, maytapuni phiñakorqanku sonqosninkupi, kirusninkutataj k'arurakorqanku paypa contranta.