Jeremías 2:8 - Qheshwa Biblia DC

⁸ Sacerdotesqa nerqanku: Maypitaj Señor kashanri?, nispa. Leyniymanta yachachejkunapis mana rejsikapuwarqankuchu. Kurajkunarí contraypi oqharikorqanku. Profetasqa Baalpa sutillampi parlarqanku, chay qhasi manakaj lantispa qhepantataj riporqanku.

DIOSPA QHELQACHISQAN DEUTEROCANONICAL

⁸ Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

DIOSPA QHELQACHISQ

⁸ Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

Jeremías 2:8 ပူးပေါင်းရင်းမြစ်များ

1 Reyes 18:22

Eliasqa watejmanta runasta nillarqataj: Señorpa profetasninmanta noqalla qhepakuni, Baalpa profetasninrí tawa pachaj phishqa chunkayoj kanku.

1 Reyes 18:29

Khuskan p'unchaypis pasarqaña, paykunatajri phinkiykachaspa aswan jatunmanta qhaparishallarqankupuni, jaywana rato chayamunankama, manataj ima parlayllapis uyarikorqachu, nitaj pipis kutichej nitaj uyarejpis karqachu.

1 Reyes 18:40

Chanta Eliasqa nerqa: Baalpa profetasninta jap'iychej, amataj ujpis ayqechunkuchu. Paykunataj jap'erqanku; Eliastaj Cisón wayq'oman pusaspa chaypi qholurarqa.

Job 35:10

Mana pipis ninchu: Maypitaj kashan ruwawajniy Diosri?; pichus aswan laqhapi kallpata qowaj;

Isaías 28:7

Kaykunapis vinowan machaykuspa pantallarqankutaj, machana ujyanawan machaykuspa chankaykachanku, sacerdoteswan, profetaswanqa machaykuspa yuyayninkuta chinkachinku; chaymantataj aswan machachikoj ujyanasta ujyanku, imatachus mosqoypi jina rikusqankutataj pantasqata rikunku. Allinta cheqanchananku kashajtimpis paykunaqa machasqas kashanku.

Isaías 29:10

Señorqa qankunaman uj sayk'uy puñuyta apachimusunkichej. Profetasniykichejtapis Señorqa puñurparichin, ñawisninkuman velowan jina qhataykuspa.

Isaías 30:5

Tukuyninku p'enqaypi rikhurenqanku chay mana kaj nacionespi atienekuspa. Chayqa mana yapanqachu, manataj ima allin kajtapis qonqachu; mana chayqa paykunapaj llakiylla, p'enqaylla kanqa.

Jeremías 10:21

Kay aylluta michejkunaqa wampus kanku; Señorta mana mask'ankuchu. Chayraykumin paykunaqa mana allinchu rinku, tukuy uywasninkupis ch'eqerasqas kashanku.

Jeremías 12:10

Ashkha enemigosniypa kurajkunasnin uvas huertayta t'ustiykunku, chayaqe jallp'aytataj saruranku. Q'arasqa ch'in pampaman chay munasqa jallp'ayta tukuchinku.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Jeremías 18:18

Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

Jeremías 2:11

Ima naciontaj dioskunasninta cambian, manapis cheqa dioskunachu kashajtin. Chaywampis aylluytaqa atiyniyoj Diosninta saqerpariwan, qhasi manakaj lantisman ripunankupaj.

Jeremías 2:6

Manaña noqamanta tapukuwankuchu: Maypitaj kashan, Egipto jallp'amanta orqhomuwarqanchej ch'inkunasnejta, may wayq'orara ch'in jallp'asnejta, mana yakuyoj jallp'asnejta, mana pejpa purisqan, nitaj tiyakusqan, may manchachikuna jallp'asnejta pusamuwarqanchej chay Diosri?, nispa.

Jeremías 4:22

Israel aylloyqa ancha wampu, mana rejsiwanchu, nin Señorqa. Mana yuyayniyoj wawas kanku, mana allintachu unanchakunku. Juchata ruwanankupajqa churasqas kanku, manataj allin kajta ruwayta yachankuchu.

Jeremías 5:31

Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

Jeremías 7:8

Qankunaqa qhasi manakaj palabrasnimpi atienekushankichej.

Jeremías 9:14

Manachayqa kaywan, sonqonkupi munayninkuman jinalla ruwarqanku, mana kaj dioskunatataj yupaycharqanku, tatasninkoj yachachisqanman jina.

Ezequiel 22:26

Kay llajtaj sacerdotesnenqa yachachiykunasniyta p'akinku. Ajllakusqasniy cheqasta ch'ichichanku. Imachus llimphu kajta, imachus ch'ichi kajtapis mana reparankuchu. Manataj wajkunaman yachachinkuchu imachus allin kajta, nillataj mana allin kajtapis. Samakuna p'unchaykunasniymanta mana dakunkuchu, nitaj jatunchawankuchu.

Oseas 4:6

Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

Habacuc 2:18

Imamanta sirvin rumi lanteqa, maypachachus ruwajqa ruwayta tukunña chaypachaqa? Imamantataj sirvin uj lanti llulla yachakuykunasllata yachachin chaypachaqa? Chay lantikunaqa mana atinkuchu parlayta; chayrayku imaynatataj pichus chaykunata ruwaj runaqa paykunapi confiakunmanri?

San Mateo 16:26

Ima allintaj runapaj kanman, sichus mundontinta gananman, kausaynintataj chinkachinman chayqa? Chayrí, imatataj runa qonman almanrayku?

San Lucas 11:52

Ay, qankunamanta leymanta yachachejkuna! Yachaypa llaventa jap'ikapojkuna. Qankuna mana yaykunkichejchu, yakojtapis jark'ankichej.

San Juan 16:3

Chayta ruwanqanku, imaraykuchus Dios Tatata, noqatapis mana rejsiwaykuchu.

San Juan 8:55

Qankunaqa mana payta rejsinkichejchu, noqataj rejsini. Noqachus mana rejsinichu niyman chayqa, qankuna jina llulla kayman. Noqa payta rejsini, palabrantataj waqaychani.

2 Corintios 4:2

Astawanqa saqepuyku pakaypi p'enqaykunapi ruwayta, manataj sajra yuyaykunapi purispa, nitaj Diospa palabranta q'ewispa; manachayqa cheqa kajta sut'inchaspa, noqayku allinta rijch'ayta munayku runasman conciencianman jina Diospa ñaupaqempi.

Deuteronomio 33:10

Paykuna yachachenqanku Israel aylluykiman imatachus kamachisqaykita. Ñaupaqeykiman inciensota apamonqanku, altarniykimantaj uywasmanta ofrendata.

1 Samuel 12:21

Ama chay qhasi dioskunasta qhatiychejchu, paykunaqa mana atinkuchu yanapayta, nitaj salvaytapis qhasi llullas kasqankurayku.

1 Samuel 2:12

Eléj wawasnenqa sinch'i millay puriyniyoj karqanku, manataj Señormanta dakojchu kanku, nillataj allintachu ruwaj kanku tukuy aylloj ñaupaqempeqa sacerdote jina ruwanasninkutapis. Pillapis rikuchikuta jaywashajtenqa, sacerdotej ujnin kamachin jamoj makimpi uj trinche jap'irisqa manaraj aycha chayashajtin.