Jeremías 2:37 - Qheshwa Biblia DC

³⁷ Chantataj Egiptomanta may p'enqayta kutimushanki, imaraykuchus, atienekorqanki chaykunata qhesacharqani, paykunawanqa mana imatapis tarinkichu.

DIOSPA QHELQACHISQAN DEUTEROCANONICAL

³⁷ Chantá Egiptomanta may p'enqayta kutimunki, imaraykuchus pikunapichus atinikorqanki, chaykunata noqa qhesachani. Paykunawan kawsakuspaqa, mana imatapis tarinkichu, nispa.

DIOSPA QHELQACHISQ

³⁷ Chantá Egiptomanta may p'enqayta kutimunki, imaraykuchus pikunapichus atinikorqanki, chaykunata noqa qhesachani. Paykunawan kawsakuspaqa, mana imatapis tarinkichu, nispa.

Jeremías 2:37 ပူးပေါင်းရင်းမြစ်များ

2 Samuel 11:12

Davidtaj, Uriasman nerqa; Kunantawan qhepakuyraj, q'ayalla kachapusqayki. Ajinamanta Uriasqa Jerusalempi qhapakorqa q'ayantinkama.

2 Samuel 13:19

Chaypacha Tamarqa umanman ushphata qhallaykukorqa, chay churakusharqa chay p'achantataj llik'irparerqa, makisninta uman pataman churaykukuspataj sinch'ita waqaspa wasinman riporqa.

2 Crónicas 13:12

Kayta yuyarikuychej Diosqa noqaykuwan kashan kamachejniyku jina. Sacerdotesnintaj wakisqaña kashanku trompetaswan, contraykichejpi qankunawan maqanakunaykupaj. Chayrayku qankuna Israel ayllumanta kajkuna ñaupa tatasniykichejpa Señor Diosnimpa contrampi ama maqanakuychejchu, imaraykuchus paytaqa mana atipawajchejchu.

Isaías 10:4

Qankunaqa presos jap'isqallaña kanaykichej, chayri wañusqaswan urmanallaykichejña. Chay tukuywampis Señorpa k'ajaj phiñakuynenqa manarajpuni thasnukunchu. Payqa makin oqharisqallarajpuni kashan.

Isaías 28:18

Wañuywan trato ruwasqaykichejqa chinkachisqa kanqa, wañusqakunaj tiyakunanwan tratoyoj kasqaykichejpis mana sayanqachu. Manchayta jasut'iytaj jamonqapacha, qankunataqa p'ampaykusonqachej.

Jeremías 14:3

Qhapajkunaqa uywasqasninkuta yakuman kachanku, chaykunataj yaku qochasman rinku, manataj yakuta tarinkuchu, kutipunkutaj ch'usaj p'uyñusniyojlla, ch'aukiyasqas, may p'enqasqastaj umasninkuta qhataykukuspa.

Jeremías 14:4

Chajrata poqochej runas, ch'aukiyasqas rikhurerqanku, p'enqaywan umasninkuta qhataykukuspa, imaraykuchus chay ch'aki jallp'aman mana paramorqachu.

Jeremías 17:5

Señorqa nin: Ñak'achun pichus runasllapi atienekojqa; runaj yanapayninta mask'ajqa, sonqompitaj Diosmanta karunchakojqa.

Jeremías 2:36

Imaraykutaj chhikata apurakunki kausaqesniykita cambianaykipajri? Egiptopis ch'aukiyasonqa imaynatachus Asiriapis ch'aukiyasorqa ajinata.

Jeremías 22:20

Qan, Judá, Líbano, orqoman wichariy, qhapariytaj. Jatunmanta Basán orqospi waqay. Abarim lomasmantapacha qhapariy, imaraykuchus tukuy kausaqesniyki tipasqasña kanku.

Jeremías 22:30

Kay runaj sutinta librosman qelqaykuychej, mana wawasniyoj runata jina, chantá kausaynimpi mana allin kausayniyojlla runata jina. Ni pipis mirayninmanta kajkunaqa, Davidpa tronompeqa tiyakonqachu Judapi watejmanta kamachinampajqa.

Jeremías 32:5

Nabucodonosortaj Sedequiasta Babiloniaman apakaponqa, chaypitaj qhepakonqa paymanta noqa yuyarikunaykama. Qankuna, caldeoswan maqanakuspapis mana atipankichejchu. Noqa Señor chayta nini.

Lamentaciones 4:17

Imaynallapipis khuyakuyniykita qhasita qhawasqaykupi ñawiykupis chharpuyawaykuña. Noqaykoqa suyashallaykupuni uj nación manapuni salvayta atejta.

Números 14:41

Moisestaj paykunaman nerqa: Imaraykutaj qankuna Señorpa kamachisqasninta p'akinkichejrí? Kunan, imatachus ruwayta yuyashankichej chaypipis mana allinchu risonqachej.