Jeremías 2:34 - Qheshwa Biblia DC

³⁴ P'achaykeqa wajchaspa, jinataj mana juchayojkunaspa yawarninwan ch'ajchusqa rikhurin. Paykunataqa mana ima sajrata ruwashajtapis jap'ejchu kanki.

DIOSPA QHELQACHISQAN DEUTEROCANONICAL

³⁴ P'achaykeqa wajchakunaj, jinataj mana juchayojkunaj yawarninkuwan ch'allpaykusqa rikhurin. Qan ni imapi juchallikushajtapis paykunata tariparqankichu.

DIOSPA QHELQACHISQ

³⁴ P'achaykeqa wajchakunaj, jinataj mana juchayojkunaj yawarninkuwan ch'allpaykusqa rikhurin. Qan ni imapi juchallikushajtapis paykunata tariparqankichu.

Jeremías 2:34 ပူးပေါင်းရင်းမြစ်များ

2 Reyes 21:16

Chay jawa Manasesqa mana juchayojkunaj yawarninta jich'acherqa, tukuynin Jerusalenman junt'aykuchin uj k'uchunmanta, uj k'uchunkama. Kayqa wajlla karqa Señorpa ñaupaqempi Judata imaswanchus juchallicherqa chaymanta nisqaqa.

2 Reyes 24:4

Mana juchayojkunaj yawarninta jich'aspa, Jerusalén llajtaman yawarwan junt'achisqanmanta. Chayrayku Señorqa manapuni perdonayta munarqachu.

Éxodo 22:1

Sichus pipis wakata suwakun, chayri ovejata, ñak'antaj chayri vendentaj chayqa, chay suwa qopuchun phishqa wakasta; ovejasmantarí tawa ovejasta.

Éxodo 22:2

Sichus uj suwata suwashajta jap'inku, maqaspataj wañuchinku chayqa, chay wañuchej mana juchayojchu kanqa.

Isaías 57:5

Qankunaqa thansa sach'a uraspi lantisniykichejta yupaychankichej sajra imasta ruwaspa. Qankunaqa vallespi, qaqa jusk'uspi wawasniykichejta rikuchikuta qospa ruphachinkichej.

Isaías 59:3

Qankunaj makisniykichejqa yawarlla kashan, maki dedosniykichejqa jucha ruwayllawan kashan; parlasqaykichejqa llullalla; simiykichejqa juchallata parlan.

Isaías 59:7

Chakisninkoqa sajra ruwanallapaj corren, usqhayta rinku mana juchayojta qhasimanta wañuchinankupaj. Yuyayninkupeqa sajra ruwayllapuni junt'a kashan. Maypichus purisqankupeqa mana allin imasta ruwaspa, may llakiyta saqerparinku.

Jeremías 19:4

Israelitas saqerpariwarqanku, kay cheqatataj uj mana rejsisqa jallp'aman tukucherqanku, chaypi inciensosta waj dioskunallaman q'osñicherqanku. Chaytaqa ñaupa tatasninku, ni paykuna, nitaj Judamanta reykunaspis rejserqankuchu, chaykunapitaj mana juchayoj runaspa yawarninta jich'arqanku.

Jeremías 2:33

Munanakunata mask'anapajqa sumajta ñantaqa rejsinki. Sajra kajta yachachinapajqa, churasqa kanki.

Jeremías 6:15

Chay noqaj mana munasqay imasta ruwaytaqa p'enqachikunanku karqa. Chaywampis manapuni p'enqakunkuchu, niñataj yachankuñachu imachus p'enqakuy kasqantapis. Chayrayku maypachachus noqa jasut'isaj, chaypacharajmá misk'anqanku, urmanqankutaj chay ujkuna jina. Noqa Señormin chayta nini.

Jeremías 7:31

Ben-hinom vallepi Tofetpa altarninta jataricherqanku, qhari wawasninkuta, jinataj warmi wawasninkutapis ruphachinankupaj, chayta noqa mana kamacherqanichu, nitaj yuyallarqanipischu.

Jeremías 8:12

Chay millachikunay ch'ichi imata ruwaytaqa p'enqakunaykichej karqa. Qankunaqa p'enqakorqankichejchu, niñataj yachankichejchu imachus p'enqakuy kasqantapis. Chayraykumin qankunata jasut'ejteyqa misk'ankichej, chay ujkuna jinataj urmakunkichej. Noqa Señormin chayta nini.

Lamentaciones 1:9

P'achanqa millay ch'ichi kashan, manataj yuyarikusqachu imaynatachus tukukunanmanta. Chayrayku payqa mana yuyasqamanta urmarparin, manataj pipis sonqochaykurej kanchu. Qhawariway ari Señor, llakiyniyta, enemigosniypis manchayta wapuykachasqankuta.

Lamentaciones 4:14

Chaymantataj paykunaqa tukuy callespi cherqos jina puriykachanku, p'achasninkupis yawar yawarlla kanankama. Chaynejta ni pipis p'achasnillankutapis t'ojpiykurejchu kanku.

Ezequiel 20:31

Rikuchikusniykichejta jaywaspa, jinataj wawasniykichejta wañuchispa ninapi ruphachispa imaqa kunankama ch'ichichakushallankichejpuni lantisniykichejwan. Ajina kashaspachu Israel ayllu noqata tapukoj jamuwankichej? Noqa Señorqa kausayniyrayku jurani, qankunawanqa mana tapuchikusqaykichejchu.

Ezequiel 22:25

Chay llajtapi kamachejkunataj, phiñakuywan qhaparej onzas jina kanku, jap'isqankuta llik'inoqanku, runasta jallp'ankupi mikhuranku. Qolqe waqaychasninkuta, kapuyninkutawan suwanku. Ashkha warmistataj viudasta saqeranku.

Ezequiel 23:45

Chayrayku, cheqanta kausaj qharisqa, qhenchachakuy juchaspi purej warmista, runa wañuchi warmistapis ruwasqankuman jina juchachanqanku. Qhenchachakoj warmis kanku, runa wañuchistaj.

Ezequiel 24:7

Kay llajtaj yawar jich'asqanqa juntasqa kashan. Sumaj llusq'o rumis patapimin jich'asqa kashan, manataj jallp'a patapichu qhatasqa kanampajqa.

Ezequiel 9:9

Señortaj kutichiwarqa: Israel aylloj juchanqa may jatumpuni, jinallataj Judajtapis. Kay jallp'aqa wañunachikuywan junt'a kashan. Llajtapis sajra ruwaykunawan junt'asqa kashan. Paykuna yuyanku noqa kay nacionta saqepusqayta, imatachus ruwasqankuta mana rikusqayta.