Jeremías 2:23 - Qheshwa Biblia DC

²³ Imaynatataj niyta atiwaj mana ch'ichichasqa kani, nitaj chay mana kaj dioskunata yupaychanichu, nispari? Qhawarikuy imaynataj vallepi puriyniyki karqari. Chayta allinta reparakuy tukuy qampa ruwasqasniykita. China camello jina usqhayta purej maymampis thaskirillan, ajinata.

DIOSPA QHELQACHISQAN DEUTEROCANONICAL

²³ Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

DIOSPA QHELQACHISQ

²³ Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

Jeremías 2:23 ပူးပေါင်းရင်းမြစ်များ

Ester (hebreo) 8:16

Judiospajqa k'anchay jina karqa, jatun kusiy, allimpi qhawasqa kaytaj.

Salmos 36:2

Payqa yuyakun sumaj runa kasqanta. Pay yuyan juchasnin mana chejnina kasqanta.

Salmos 50:21

Tukuy kayta qan ruwanki, noqataj ch'inlla karqani. Yuyarqanki noqaqa qan jina kasqayta. Kunanqa noqa uyanchasqayki. Cuentatataj mañasqayki.

Proverbios 28:13

Pichus juchanta pakajtaqa mana allinchu renqa, pichus juchanta willakojqa, chaymanta t'aqakojtaj khuyakuyta tarenqa.

Proverbios 30:12

Wakin runasqa llimphus kasqankuta yuyakunku, manataj millay ch'ichi kasqankumanta llimphuchakuspapis.

Proverbios 30:20

Uj qhencha warmej puriynenqa kay jina: Mikhuytawan siminta sumajta picharakun, nintaj manapuni ima sajratapis ruwasqanta.

Jeremías 14:10

Señorqa kayta Israel ayllunmanta parlaspa nerqa: Ujnejmanta ujnejman puriyta kay aylloyqa maytapuni misk'ichikun. Chayrayku, qhawajteyqa mana allimpajchu rijch'awan. Kunan juchasninkumanta yuyarikuspa, paykunamanta cuentata mañasaj.

Jeremías 16:10

Maypachachus aylluyman kay willanata parlajtiyki tapusonqanku: Imaraykutaj Señorqa kay jatun ñak'ariykunata contraykupi kamacherqari? Ima sajrataj ruwarqaykuri? Ima juchatataj ruwaykuman karqa Señor Diosniykojpa contrampiri?, nispa.

Jeremías 2:36

Imaraykutaj chhikata apurakunki kausaqesniykita cambianaykipajri? Egiptopis ch'aukiyasonqa imaynatachus Asiriapis ch'aukiyasorqa ajinata.

Jeremías 3:2

Lomasta allinta qhawariy: Maynejpitaj qampa qhenchachakusqayki mana kanchuri? Ch'in pampaspi árabe warmi jina chukuykuspa qharisniykita ñan cantospi suyaj kanki. Kay llajtata ch'ichichakusqasniykiwan, sajra ruwasqasniykiwantaj qhenchacharqanki.

Jeremías 31:22

Mayk'ajkamataj purinki ujnejmanta ujnejmanri? Ayllúy, qanqa uj mana kasukoj sipas jina kanki. Noqa Señor, kay pachapi uj mosoj imata ruwani, uj warmeqa uj qharita muyupayanampaj.

Jeremías 7:31

Ben-hinom vallepi Tofetpa altarninta jataricherqanku, qhari wawasninkuta, jinataj warmi wawasninkutapis ruphachinankupaj, chayta noqa mana kamacherqanichu, nitaj yuyallarqanipischu.

Jeremías 9:14

Manachayqa kaywan, sonqonkupi munayninkuman jinalla ruwarqanku, mana kaj dioskunatataj yupaycharqanku, tatasninkoj yachachisqanman jina.

Oseas 1:2

Señor kay jinata parlayta qallarerqa imastachus Oseasnejta willayta munasharqa chayta: Israel jallp'aqa qhenchachakun noqamanta t'aqakusqanrayku. Ajinallatataj qampis riy warmillikamuy uj sajra purej qhencha warmiwan, wawallikuytaj chay warmiwan, jinamanta qhencha warmej wawasnin kanqanku; nispa.

San Lucas 10:29

Paytaj allinman rijch'ayta munaspa kuticherqa: Pitaj runa masiyri?, nispa.

Romanos 3:19

Yachanchej, leypa tukuy nisqanta, leypi kajkunapaj churasqa kasqanta; tukuy runa ch'inyanampaj, mundontintaj Diospa ñaupaqempi juchachasqa rikhurinampaj.