Jeremías 2:17 - Qheshwa Biblia DC

¹⁷ Chay tukuy imas qanta qhatirisorqa, noqa Señor Diosniykita saqerpariwasqaykirayku.

DIOSPA QHELQACHISQAN DEUTEROCANONICAL

¹⁷ Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

DIOSPA QHELQACHISQ

¹⁷ Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

Jeremías 2:17 ပူးပေါင်းရင်းမြစ်များ

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

2 Crónicas 15:2

Paytaj Asata taripaj llojserqa, nerqataj: Uyariwaychej, Asa, jinataj tukuy Judamanta kajkuna, Benjamimpamanta kajkunapis, Señor qankunawan kanqa, qankuna paywan kashankichej chayqa. Sichus qankuna payta mask'ankichej chayqa, tarinkichej. Sichus saqerparinkichej chayri, paypis saqerpallasonqachejtaj.

Job 34:27

Paykuna mana ima nisqantapis kasusqankurayku, nitaj Paypa munasqanman jina purisqankurayku.

Job 4:8

Noqaqa rikuspa parlani, pikunachus sajrata llank'ajkuna llakiyta tarpojkunaqa, chayllatataj pallarikapunku.

Salmos 107:7

Chaymantataj payqa uj cheqan ñanta paykunata pusarqa, kausakuna llajtasman chayanankupaj.

Salmos 136:16

ch'in pampanejta ayllunta pusajman, khuyakuynin wiñaypaj kasqanrayku;

Salmos 77:20

Ovejasta jina llajtaykita pusarqanki, Moisesnejta, Aaronnejtataj.

Proverbios 15:10

Pichus cheqan ñanta chejnejtaqa, aswan sinch'itaña k'amina; pichus chay k'amisqata qhesachajqa, wañonqa.

Isaías 1:4

Ay, juchasapa runas, sajra kajta q'epirisqa ayllu, millay kajpa miraynin, qhenchachakoj wawas! Paykunaqa Señormanta karunchakunku, Israelpa cheqa kaj Diosninmanta t'aqakunku. Payta wasanchanku.

Isaías 59:13

Chaykunaqa kashan: Oqharikuy, Señorpa contranta llullakuy, Diosninchejmanta t'aqakuy, waj runaj contranta rimay, churanakuy, sonqonchejpi qhasi palabrasta jap'iy. Llulla palabrasta ima sonqonchejpi jap'erqanchej.

Jeremías 13:22

Sichus qan tapukunki imaraykuchus kay imas qhatirisusqanta chayqa, allinta yachay chay jatun juchasniykirayku kasqanta. Chayraykumin p'achaykita ch'uskisunku, chantá qhesachasorqankutaj.

Jeremías 19:4

Israelitas saqerpariwarqanku, kay cheqatataj uj mana rejsisqa jallp'aman tukucherqanku, chaypi inciensosta waj dioskunallaman q'osñicherqanku. Chaytaqa ñaupa tatasninku, ni paykuna, nitaj Judamanta reykunaspis rejserqankuchu, chaykunapitaj mana juchayoj runaspa yawarninta jich'arqanku.

Jeremías 2:13

Aylloyqa iskay layata juchallin: Noqata saqerpariwarqanku uj ch'uwa kausaj juturi yaku kashajtiy. Allarqankutaj pujyusninkuta, yakusta mana sayachej lajra pujyusta.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Jeremías 4:18

Purisqasniyki, ruwasqasniykitaj, kay imaschus qhatirisunki chaytaqa apamun, juchasniykirayku kay jatun llakiykunaqa jamun, chaytaj sonqoykita mayta nanachisunki.

Jeremías 44:3

Chay millay juchasta ruwasqasninkurayku, phiñachiwarqanku waj dioskunasllata yupaychaspa, inciensosta q'osñichispa; chay dioskunaqa mana imatapis ruwanankuchu karqa, paykunawan qankunawan, nitaj ñaupa tatasniykichejwampis.

Jeremías 5:25

Qankunaj juchasniykichejqa kay tukuyta jark'arqa, chayrayku allin imasta mana jap'iyta aterqankichejchu.

Ezequiel 39:24

Millay purisqankuman jina, contraypi sayarisqankuman jinataj paykunata ajinata ruwarqani, manataj paykunataqa qhawariyllatapis munarqanichu.

Oseas 13:9

Israel q'alata t'unasqayki manataj pipis jark'ayta atiwanqachu.

Miqueas 1:5

Kay tukoyqa jamonqa Jacobpa ayllun mana kasukoj kasqanrayku, jinataj Israelpa juchasninrayku. Maypitaj kashan Jacobpa mana kasukoj kayninri? Chayqa kashan Samaria llajtapi! Maypitaj kashanku Jacobpa, juchallikuna lanti churana wasisninkuri? Chayqa kashan Jerusalempi!

Números 32:23

Sichus mana ajinata nisqaykichejman jinachu ruwankichej chayqa, uj jatun juchata ruwankichej Señorpa contranta, Señorpa jasut'iynintaj ima ratollapis chayamusonqachej chay juchasniykichejrayku.

Deuteronomio 32:10

Paykunata ch'in pampaspi tarerqa, wayraj jasut'isqan ch'aki jallp'aspi. Makisninwan ojllaykorqa, yachacherqataj. Paykunata waqaycharqa Pay kikinta jina.

Deuteronomio 32:19

Chayta rikuspa Señorqa mayta phiñarikorqa, qhesacharqataj qhari wawasninta, warmi wawasninta ima.