Jeremías 19:7 - Qheshwa Biblia DC

⁷ Kay cheqapi noqaqa Judáj, jinataj Jerusalempa imatachus yuyasqasninta chinkachisaj. Saqesajtaj chay wañuchejkunaj enemigosnin atipaykunankuta, wañurachinankutataj. Chay ayasninkurí aycha mikhu phawajkunaj mikhunankupajtaj kanqanku.

DIOSPA QHELQACHISQAN DEUTEROCANONICAL

⁷ Kay cheqapi noqaqa Judá, jinataj Jerusalén imatachus ruwanankupaj wakichikorqanku, chayta chinkachisaj. Noqapuni awqankuwan paykunata atipachisaj, paykunatataj espadawan wañurachenqanku. Chantá Judamanta runakunaj ayankuta suwintukunaman, k'ita animalkunaman ima mikhunankupaj qarasaj.

DIOSPA QHELQACHISQ

⁷ Kay cheqapi noqaqa Judá, jinataj Jerusalén imatachus ruwanankupaj wakichikorqanku, chayta chinkachisaj. Noqapuni awqankuwan paykunata atipachisaj, paykunatataj espadawan wañurachenqanku. Chantá Judamanta runakunaj ayankuta suwintukunaman, k'ita animalkunaman ima mikhunankupaj qarasaj.

Jeremías 19:7 ပူးပေါင်းရင်းမြစ်များ

2 Reyes 21:14

Llajtamanta puchojkunata saqerparisajtaj, enemigosnimpa makisninmantaj jaywaykusaj, paykunata suwanankupaj, q'arallata sayachinankupajtaj.

Proverbios 21:30

Señorpa rikuynimpeqa mana yachayqa kanchu, ni sumaj yuyay, nitaj sumaj yuyaychakunaspis.

Isaías 29:14

Chayrayku, kay runastaqa jatuchaj t'ukuna imasta ruwaspa t'ukushajta saqesaj. Yachayniyojkunasniyoj yachaynenqa chinkaponqa, yuyayniyojkunaj yuyayninkupis manaña kanqachu.

Isaías 8:10

Sumajtapis yachachinakuychej qhasi manakajpaj kanqa. Imatapis parlasqaykichejqa, manapuni junt'akonqanku, imaraykuchus Diosqa noqaykuwan kashan.

Jeremías 15:2

Sichus tapusunkuman: Maymantaj risqaykuri?, nispa chayqa, kay nisqaymanta paykunaman willay: Onqoywan wañunanku kajqa onqoywan wañuchunku. Maqanakupi wañunankupaj kajkunaqa, maqanakupi wañuchunku. Yarqhaywan wañunankupaj kajkunaqa, yarqhaywan wañuchunku. Jallp'ankumanta wijch'usqas kanku, kashan chaykunaqa, wijch'usqas kachunku.

Jeremías 15:9

Ashkha wawasniyoj mamas mana kallpayoj llauchhusman tukunku, p'enqasqas k'umuykusqastaj. P'unchaypa k'anchaynimpis paykunapaj laqhayaykun. Pipis kausashaj qhepakojqa enemigosninwan wañuchisqallataj kanqa. Noqa Señor chaytaqa nini.

Jeremías 16:4

Wañonqanku millay sinch'i onqoykunawan, mana pipis paykunamanta waqanqachu, nitaj p'ampajkuna kanqachu, pampapi wanu jina wijch'urasqas qhepakonqanku. Maqanakuykuna paykunataqa tukuchenqa. Ayasninkutataj chay aycha mikhu phawajkunawan, monte animaleswan mikhonqanku, nispa.

Jeremías 18:21

Kunanqa wawasninkuta yarqhaywan wañuchiy, chayri espadawan; warmisninku viudas qhepakuchunku, manaña wawasniyojtaj. Qosasninkupis onqoywan wañurachunku. Wayna wawasninkupis maqanakupi wañurachunku.

Jeremías 21:7

Chay qhepantataj Judamanta rey Sedequiasta, Nabucodonosorpa makisninman, waj wañuchejkunaj makisninanwan jaywaykusaj. Chanta jaywaykullasajtaj tukuy puchojkunata, onqoykunamanta, maqanakumanta, yarqhaymanta, llajtapi puchojkuna soldadosta ima. Noqa saqesaj espadawan wañuchisqas, mana uj chhikan khuyarisqas kanankuta. Noqa Señor chaytaqa nini.

Jeremías 22:19

Burro wañusqata jina qhawarparenqanku, Jerusalenmanta qhatatatispa jawaman wijch'onqanku.

Jeremías 22:25

Qanta jaywaykusunaypaj wañuchej enemigosniykiman, qan pistachus manchachikunki chaykunaman wijch'usqayki. Babiloniamanta rey Nabucodonosorman chantaqa jaywaykusqayki, caldeosman ima.

Jeremías 32:28

Ajinaqa noqa niyki: Babiloniaj reynin Nabucodonosorman, caldeosmampis jap'ikapunankupaj jaywaykapusaj.

Jeremías 34:20

Chayrayku wañuchej enemigosninkoj makisninman urmanankuta saqesaj, chay ayasninkutaj chay aycha mikhu suwintuspa, jinataj chay millay animalespa mikhunankupaj kanqa.

Jeremías 46:26

Babiloniamanta rey Nabucodonosorpa atiynin uraman urmanankuta saqesaj, chay wañuchejkunaj enemigosninkoj atiynin uraman, jinallataj reypa runasnimpa atiynin uraman. Jinapis, Egiptopi qhepa p'unchaymantawan ñaupajpi jina runas tiyakaponqanku. Noqa Señor chayta nini.

Jeremías 7:33

Chay runaspa ayasnintaqa suwintus, sajra animales ima mikhonqanku, nitaj pipis chaykunata mancharichej kanqachu.

Jeremías 8:2

Aysarparenqankutaj intej k'anchayninman, killajman, jinallataj ch'askakunajman ima. Chaykunata munakorqanku, tapukorqanku, yupaycharqankutaj. Manataj pipis paykunata oqharerqachu p'ampamunankupaj, wanu jina pampapi qhallisqa wijch'ukorqa.

Jeremías 8:8

Imaynapitaj qankuna niwajchej yachayniyoj kasqaykichejtari? Señorpa kamachiynintaj qankunawan kasqantari? Cheqamanta chay yachachejkunaqa llullallata phuruswan qelqanku.

Jeremías 8:9

Chay yachayniyojkunarí k'umuykuchisqas, mancharichisqastaj kanqanku, imaynatachus uj uywa tojllapi jap'ichikun jinata. Maypitaj chay yachayninku kashanri, palabrasniyta paykuna qhesachajtinkuri?

Lamentaciones 3:37

Pitaj kanman, kaytaqa mana Señorchu apachimun, nejri?

Levítico 26:17

Noqapis qankunaj contraykichejpi kasaj, enemigosniykichejtaj atipasonqachej. Chay enemigosniykichej qankunata kamachisonqachej, qankunataj mana pi ima nishajtillan ayqekunkichej.

Levítico 26:25

Qankunaj pataykichejman maqanakuta apachimusaj, tratonchejta p'akisqaykichejrayku. Qankunataj ayqekunkichej llajtasniykichejman pakakoj. Noqataj chayman onqoykunata apachimusqaykichej, jinamanta qankunaqa enemigosniykichejpa makisninkuman urmankichej.

Romanos 3:31

Chantá, feraykuchu leyta qhesachanchej? Mana imaynamantapis qhesachanchejchu, astawanqa leyta sinch'ita sayachinchej.

Romanos 4:14

Leymanta kajkunallachus chayaqeta jap'inkuman chayqa, qhasillaña kanman feqa; Diospa qosaj nisqampis qhasillataj kanman.

1 Samuel 17:46

Kunampacha qanta Señorqa makisniyman jaywawanqa, kunampacha wañuchisqayki, umaykitataj qholusaj, tukuy filisteospa aychasnintataj chay aycha mikhu p'isqosman, jinataj chay monte sajra animalesman qarasaj. Jinamanta tukuy runas yachanqanku Israel ukhupi uj Dios kasqanta.