Jeremías 19:1 - Qheshwa Biblia DC

¹ Señor niwarqa: Riy rantimuy uj wich'ita, wajyaytaj kay llajtamanta wakin kurajkunata, jinataj wakin kuraj sacerdotestawan.

DIOSPA QHELQACHISQAN DEUTEROCANONICAL

¹ Tata Dios niwarqa: Rispa, p'uñuta rantimuy. Chantá kay llajtamanta wakin kurajkunata, jinataj wakin kuraj sacerdotekunata ima wajyay.

DIOSPA QHELQACHISQ

¹ Tata Dios niwarqa: Rispa, p'uñuta rantimuy. Chantá kay llajtamanta wakin kurajkunata, jinataj wakin kuraj sacerdotekunata ima wajyay.

Jeremías 19:1 ပူးပေါင်းရင်းမြစ်များ

2 Reyes 19:2

Reytaj mayordomon Eliaquinta, qelqerin Sabnata, sacerdotespa kurajkunasninkutawan, qhashqa p'achaswan p'achallisqasta Amospa wawan profeta Isaiaspaman kacharqa, nimunankupaj:

Isaías 30:14

Chayqa t'unasqa kanqa uj t'uru qeru jina, mana khuyaspa t'unasqa ajina. Chay jinatapuni p'akikojtenqa mana uj chhikan k'anallallapis puchonqachu, q'onchamanta ninata orqhonallapajpis, nitaj allinchu yakuta wisinallapajpis.

Jeremías 13:1

Señor niwarqa: Riy, rantikamuy linomanta awasqa chumpita, ñañu wasaykimantaj chumpiykukuy, amataj yakuwan joq'ochankichu.

Jeremías 26:17

Wakin kuraj runasmanta sayarikuspa nerqanku, chaypi tantasqas kasharqanku chay tukuy runasman: Judamanta rey Ezequiaspa p'unchaykunasnimpi, Moresetmanta Miqueas parlarqa Señorpa sutimpi tukuy Judamanta kaj aylluman: Tukuy Atiyniyoj Señorqa nin: Sionqa uj llank'ana jallp'aman tukonqa, Jerusalentaj uj raqay qollusman tukonqa, Diosta yupaychana wasej orqonmanta sach'as junt'aykonqa.

Lamentaciones 4:2

Sión llajtapi tiyakojkunaqa may sumajpaj qhawasqas karqanku, sumaj kaj qorimantapis aswan munasqas. Kunanqa kashanku uj mankeroj t'urumanta ruwasqan jinalla, mana allimpaj qhawasqas.

Ezequiel 4:1

Qantaj runa, uj adobeta jap'iy ñaupaqeykiman churaykuy, chay adobepitaj Jerusalén llajtata ruway.

Ezequiel 5:1

Señorqa niwarqa: Kunanqa runa, sumaj afilasqa cuchillota jap'iy, sunkhata raphanapaj navajata jina, chaywantaj umaykita, jinallataj sunkhaykitapis raphakuy. Chantá uj balanzata jap'iy, chujchasniykitataj kinsaman t'aqay.

Números 11:16

Señortaj payman kuticherqa: Qan tantapuway qanchis chunka kurajkuna israelitasta, mayqenkunachus israelitasta kamachishanku chaykunata. Paykunata pusamuway Dioswan tinkukuna toldo punkuman, chaypi qanwan khuska suyawaychej.

San Mateo 26:3

Chaymantataj, Caifás sutiyoj jatun sacerdotej patiompi, tantakorqanku kuraj sacerdotes, leymanta yachachejkuna, judiospa kuraj runasninku ima.

San Mateo 27:1

Sut'iyamojtintaj, jatun sacerdotes, judiospa kuraj runasnin ima, juntapi tantakuspa yuyaychanakorqanku Jesusta wañuchinankupaj.

Hechos 21:11

Paytaj noqaykuta watukoj jamuspa, Pabloj chumpinta oqharispa, chakisninta makisnintawan wataykukuspa nerqa: Kay jinata Santo Espíritu nin: Ajinata kay chumpiyojta watanqanku judíos Jerusalempi, chaymantataj gentilesman entreganqanku, nispa.

2 Corintios 4:7

Chaywampis, tiyapuwayku qhapaj kayniyku t'uru vasospi jallch'asqa, jatun atiy rikusqa kanampaj Diosmanta jamusqanta, manataj noqaykumantachu.