Jeremías 18:23 - Qheshwa Biblia DC

²³ Qantaj, Señor, yachankiña, imastachus contraypi ruwayta munashasqankuta, noqata wañuchinawankupaj. Chay sajra ruwasqasninkumantaqa ama perdonaychu, nitaj juchasninkuta pampachaychu. Ñaupaqeykipi urmarachiy, phi'nakuyniykiwantaj jasut'iy.

DIOSPA QHELQACHISQAN DEUTEROCANONICAL

²³ Qantajrí Tata Dios, wañuchinawankupaj imatachus contraypi ruwayta yuyashanku, chayta yachanki. Chay millay ruwasqankumanta ama paykunata qhespichiychu, nitaj juchankuta pampachaychu. Ñawpaqeykipi urmachisqa kachunku. Phiñakuyniykiwan ñak'arichiy, ajinata paykunawan ruway.

DIOSPA QHELQACHISQ

²³ Qantajrí Tata Dios, wañuchinawankupaj imatachus contraypi ruwayta yuyashanku, chayta yachanki. Chay millay ruwasqankumanta ama paykunata qhespichiychu, nitaj juchankuta pampachaychu. Ñawpaqeykipi urmachisqa kachunku. Phiñakuyniykiwan ñak'arichiy, ajinata paykunawan ruway.

Jeremías 18:23 ပူးပေါင်းရင်းမြစ်များ

Salmos 119:126

Kunanqa ruwanayki tiempoña Señor, imaraykuchus kamachisqasniykita mana junt'ankuchu.

Salmos 35:4

Wañuchiyta munawajkunaqa p'enqachisqas ayqechunku. Sajrata ruwayta munajkunapis p'enqachisqas ayqechunku.

Salmos 56:8

Qan yupashanki mashkha kutistachus ayqekusqaykita, sapa waqayniyta qan jap'inki. Manachu libroykipi qelqasqa kashan?

Salmos 59:5

Señor, Tukuy Atiyniyoj Dios, Israelpa Diosnin, rijch'ariy, jamuy, jasut'iy, Diosta mana yuyajkunata. Ama khuyakuychu chay wasanchajkuna sajrasmanta.

Isaías 10:3

Imanankichejtaj cuentata qona p'unchaypiri? Piwantaj yanapachikunkichej karumanta jasut'i jamusojtiykichejri? Maymantaj chay jina qhapaj kayniykichejta churankichejri?

Isaías 2:9

Chaykunaj ñaupaqempi runasqa pisichakunku, khuyay khuyaytataj qharispis qhawaykachanku; chayrayku paykunataqa ama perdonaychu.

Jeremías 11:23

Paykunamantarí ni ujllapis qhepakonqachu, imaraykuchus chay p'unchay jamushan, chaypacha tukuy qankunawan pagachikunay kanqa, Anatotmanta kaj runas, qankunaj pataykichejman ñak'ariykunasta apamusaj.

Jeremías 15:15

Señor, qan tukuy imata yachanki, noqamanta yuyarikuy ari, jamuytaj yanaparinawaykipaj. Tukuy qhatiykachawajkunaman aynita kutichiy ari. Ama paykunata ch'inllamanta qhawakuychu noqata wañuchinawankukamaqa, qhaway qanrayku tukuy rimapayawasqasninkuta ñak'arishani.

Jeremías 17:18

Qhatiykachawajkunata p'enqaypi rikhurichiy. Paykunalla mancharikuchunku, amataj noqaqa. Paykunaj patankuman ñak'ariykunasta apachimuy, tukuyninkuta kutin kutinta phirirpariy.

Jeremías 17:4

Chayaqeykipaj qorqayki chay jallp'ata saqenayki tiyan, jinamantataj enemigosniykej kamachin kanankipaj; mana rejsisqa jallp'api kanaykipaj. Phiñakuyneyqa nina jina ruphaykunampaj jap'ikunña.

Jeremías 18:18

Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

Jeremías 26:11

Chaypitaj chay sacerdotes, profetaspis chay kurajkunaman tukuy llajtantin runasman nerqanku: Kay runaqa wañunan tiyan, imaraykuchus kay llajtaj contrampi riman, imaynatachus qankuna kikiykichej uyarinkichej jina.

Jeremías 26:8

Señorpa kamachisqanmanta parlayta tukojtinkamataj, sacerdotes, profetas, tukuy llajtapi kaj runaspis, kay jinata nispa: Wañunaykipuni tiyan nispa, jap'iykorqanku.

Jeremías 37:15

Kay runasqa manchayta Jeremiaspaj phiñakorqanku, kamacherqankutaj maqanankuta, Jonatampa wasinmantaj wisq'aykamunankuta. Jonatanqa reypa qelqerin karqa, paypa wasinta carcelman tukuchisqanku.

Jeremías 38:4

Chaypacha chaypi kurajkuna reyman nerqanku: Kay runata wañuchinachej, imaraykuchus chay tukuy nisqasninwanqa llajtanchejpi qhepakunkuraj chay soldadosta iskayrayachin, jinataj chay tukuy runastapis. Kay runasqa mana kay aylloj allin kaynintachu mask'an, manachayqa mana allin kaynillantapuni.

Jeremías 6:15

Chay noqaj mana munasqay imasta ruwaytaqa p'enqachikunanku karqa. Chaywampis manapuni p'enqakunkuchu, niñataj yachankuñachu imachus p'enqakuy kasqantapis. Chayrayku maypachachus noqa jasut'isaj, chaypacharajmá misk'anqanku, urmanqankutaj chay ujkuna jina. Noqa Señormin chayta nini.

Jeremías 6:21

Chayrayku Señorqa nin: Noqa kay aylluyta misk'achisaj, urmachisajtaj. Tukuy tatas wawasnintin, qayllankupi kajkuna, jinallataj kausaqesninkupis, tukuy wañonqanku.

Jeremías 7:20

Chayrayku, noqa Señor cheqatapuni nini, tukuy phiñakuyniyta thallinayta kay cheqaj contranta, runakunasnimpa contrampi, jinallataj uywasnimpa contrampi, sach'asnimpa contrampi, chantá cosechasnimpa contrampipis. Chayqa nina jap'iykuchisqa mana thasnukuyta atej jina kanqa.

Jeremías 8:12

Chay millachikunay ch'ichi imata ruwaytaqa p'enqakunaykichej karqa. Qankunaqa p'enqakorqankichejchu, niñataj yachankichejchu imachus p'enqakuy kasqantapis. Chayraykumin qankunata jasut'ejteyqa misk'ankichej, chay ujkuna jinataj urmakunkichej. Noqa Señormin chayta nini.

Lamentaciones 3:60

Qan rikushayki imaynatachus ruwanawankupaj wakichikusqankuta, noqaj contraypi tukuy yuyasqankutapis.

Lamentaciones 3:61

Qan uyarishanki Señor, toreawasqankuta; tukuy sajra imasta contraypi wakichisqankutawan.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.