Jeremías 18:18 - Qheshwa Biblia DC

¹⁸ Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

DIOSPA QHELQACHISQAN DEUTEROCANONICAL

¹⁸ Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

DIOSPA QHELQACHISQ

¹⁸ Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Jeremías 18:18 ပူးပေါင်းရင်းမြစ်များ

2 Samuel 15:31

Davidman willajtinkukamataj, Ahitofelpis Absalonman kutisqa kasqanta, chaypacha Davidqa Señormanta mañarqa Ahitofelpa umachayninta pantachinampaj.

2 Samuel 17:14

Absalón tukuy israelitas imaqa yuyarqanku Husaipa nisqanqa aswan allin kasqanta, Ahitofelpamanta nisqaqa. Señorqa nisqaña Ahitofelpa yuyasqanqa mana ruwakunanta, Absalompa patanman llakiyta apachimunampaj.

1 Reyes 22:24

Chantaqa Quenaanaj wawan Sedequiasqa chimpaykuspa, Micaiasta; uj lado uyampi lak'arqa, nispa: Maynejtataj Señorpa espíritun llojserqa qanman parlasunampajri?

2 Crónicas 24:21

Jinapis paykunaqa Zacariaspa contrampi churakuspa, reypa kamachiyninrayku ch'anqaykorqanku Señorpa yupaychana wasimpa patiompi.

Job 5:13

Pay ch'ipaykun sajra yuyayniyojkunata sajra yuyaynillankuwantaj, sajrata ruwanankupaj wakichisqankuta manakajman tukuchin.

Salmos 21:11

Sajrata ruwasuyta munajtinku, contraykipi wakichikojtinkupis, mana imatapis ruwasuyta atinkuchu.

Salmos 52:2

Sajra ruwayllapipuni qanqa yuyanki. Qalluykeqa sumaj khuchoj cuchillo jina ch'aukiyan.

Salmos 57:4

Kausaynenqa leones chaupipi kashan. Ninata wijch'oj runaspa chaupimpi wijch'usqa kashani. Kirusninkoqa lanzas jina, flechas jinataj. Qallunkutaj filochasqa espada jina.

Salmos 64:3

Espadata jina qallunkuta filoyachinku. Parlayninkoqa venenoyoj flechas jina.

Proverbios 18:21

Wañuywan kausaywanqa simej atiynimpi kashan; pichus chaykunata munakojqa chaywan sajsakonqa.

Isaías 32:7

Ch'auka runaqa mañasniyoj, llullakuspa ch'aukiyayta wakichin, llullakuykunawan wajcha runasta ch'aukiyanampaj, wajcha runa cheqan kajta mañajtin.

Jeremías 1:19

Paykunaqa qanwan maqanakusonqanku, manataj atipasonqankuchu, imaraykuchus qanwan noqa kasaj jark'asunaypaj. Noqa Señor chayta nini.

Jeremías 11:19

Noqa ch'inlla kakusharqani, imaynatachus uj corderota wañuchej apanku ajinata, mana yachaspa imatachus contraypi ruwayta munashasqankuta. Nisharqanku: Sach'ata k'utunachej, kunan kallpampi kashajtin; t'iranachej kay pachapi kausajkuna ukhumanta, manaña pipis paymanta ujtawan yuyarikunampaj.

Jeremías 18:11

Niy ari Judá aylloj runasninman, jinataj Jerusalempi tiyakojkunaman, noqa Señor paykunaman nishasqayta: Noqa wakichikushasqayta qankunaj contraykichejpi ruwaykunata. Jasut'iyta munashaykichej. Saqellaychejña ari chay sajra ñanta; puriyniykichejta, ruwasqasniykichejtapis astawan allinyachiychej.

Jeremías 18:19

Señor, allinta uyariway. Enemigosniypa nisqasninkuta uyariy.

Jeremías 2:8

Sacerdotesqa nerqanku: Maypitaj Señor kashanri?, nispa. Leyniymanta yachachejkunapis mana rejsikapuwarqankuchu. Kurajkunarí contraypi oqharikorqanku. Profetasqa Baalpa sutillampi parlarqanku, chay qhasi manakaj lantispa qhepantataj riporqanku.

Jeremías 20:10

Uyarini contraypi runas chhichinakushajta, tukuynejpi manchachikuykunas tiyan, nispa. Jamuychej ch'ataykusunchej, chay jawa kausaqesniypis suyanku imapi pantanayta. Chantaqa nillankutaj: Ichapis ch'aukiyachikunman, chaywanqa atipaykusunchej, vengakusunchejtaj, nispa.

Jeremías 26:11

Chaypitaj chay sacerdotes, profetaspis chay kurajkunaman tukuy llajtantin runasman nerqanku: Kay runaqa wañunan tiyan, imaraykuchus kay llajtaj contrampi riman, imaynatachus qankuna kikiykichej uyarinkichej jina.

Jeremías 37:13

Jinapis maypachachus Benjamín punkuman chayashajtin uj runa Irías sutiyoj llojsimorqa. Pay karqa Seleniaspa wawan, Hananiaspa allchhin qhawajkuna ukhumanta kuraj kaj karqa, chaypi Jeremiasta sayachispa jap'iykorqa, nerqataj: Qan caldeosman chimpashanki, nispa.

Jeremías 43:2

Osiaspa wawan Azarías, Careaj wawan Johananwan, waj wapuykachaj runaspiwan Jeremiasman nerqanku: Chay nisqaykeqa llulla, Señor Diosniykoqa mana kachamusunkichu, mana Egiptoman tiyakoj rinaykumanta ninawaykupajqa.

Jeremías 44:17

Manachayqa ruwallasqaykupuni imatachus ruwanaykuta nerqayku chaykunata. Jaywallasqaykupuni inciensosta, vinotapis ch'allasqayku Cielomanta Reina nisqa diosaman, imaynatachus kunankama reyesniyku, noqayku, ñaupa tatasniyku ruwarqanku ajinata, Judá llajtaspi, jinallataj Jerusalén callespipis; ñaupajtaqa ashkha mikhunasniyku tiyapuwarqayku atipachikunaykupaj jina, tukuy imapi allin riwarqayku, manataj ima ñak'ariypis jamuwarqaykuchu.

Jeremías 8:8

Imaynapitaj qankuna niwajchej yachayniyoj kasqaykichejtari? Señorpa kamachiynintaj qankunawan kasqantari? Cheqamanta chay yachachejkunaqa llullallata phuruswan qelqanku.

Lamentaciones 3:62

Tukuy parlasqanku, yuyasqankupis, sapa p'unchay noqaj contrallaypipuni.

Ezequiel 7:26

Mana allin kausaytaj qhepan qhepanta jamonqa. Ñataj mana allin imas uyarikonqa. Qhasilla mask'anqanku mayqen profetallapis sut'inchananta. Paykunaman yachachinampaj mana sacerdotes kanqachu, nitaj kurajkunapis paykunata yupaychanankupaj.

Levítico 10:11

Chaymanta israelitasman atinaykichejpaj yachachiyta Señorpa tukuy kamachiykunasninta, paymin Moisesnejta chaykunataqa qosorqachej.

Miqueas 3:6

Manaña ujtawan ch'isisnimpi profetaspa rikunasninta rikunkichejchu, nitaj imachus jamunanmanta ch'isiyaykuypi niyta atinkichejñachu. Inti yaykuponqa chay profetaspajqa, p'unchaypis laqhayaykapullanqataj.

Miqueas 3:7

Chay qhawajkunapis adivinospis q'ala p'enqaypi rikhurenqanku. Tukuy paykuna t'ukushaj qhepakonqanku, Dioswan mana uyarichikusqankurayku.

Malaquías 2:7

Sacerdotesqa runasman yachachinanku tiyan noqata rejsinawankuta; tukuy runastaj sacerdotesman rinanku, sumaj yachachiyta yachaqanankupaj, imaraykuchus sacerdotes kanku Tukuy Atiyniyoj Señorpa kachasqasnin.

San Lucas 11:45

Leymanta yachachejkunamanta ujnintaj, kutichispa nerqa: Maestro, kayta nispaqa, p'enqaypi rikhurichiwayku noqaykutapis.

San Juan 9:40

Paywan kasharqanku chay fariseosmanta, wakin chayta uyarispa nerqanku: Chantá noqaykupis ciegosllatajchu kayku?, nispa.