Jeremías 17:23 - Qheshwa Biblia DC

²³ Paykunataj mana uyariwarqankuchu, manachayqa k'ullukorqanku, manataj kasuwayta munarqankuchu, nitaj wanaytapis.

DIOSPA QHELQACHISQAN DEUTEROCANONICAL

²³ Paykunatajrí mana uyariwarqankuchu, manachayqa k'ullukuspa, mana kasuwayta munarqankuchu, nitaj jasut'isqankuwan wanarqankuchu, nispa.

DIOSPA QHELQACHISQ

²³ Paykunatajrí mana uyariwarqankuchu, manachayqa k'ullukuspa, mana kasuwayta munarqankuchu, nitaj jasut'isqankuwan wanarqankuchu, nispa.

Jeremías 17:23 ပူးပေါင်းရင်းမြစ်များ

Salmos 50:17

K'amisqayta qanqa mana jap'ikunkichu, nitaj parlasqaymantapis dakunkichu.

Proverbios 1:3

Allin yuyaychaykunata, cheqanchayta, cheqanta kausayta, uj rejta ruwayta ima jap'eqanapaj;

Proverbios 1:5

Yachayniyojlla uyarispa astawan yachayta jap'in, yuyayniyojqa astawan yachanqa;

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

Proverbios 5:12

Chaypitaj qanqa ninki: Ima nispataj allin imasta niwasqankuta qhesacharqaniri. Ima nispataj k'amiwasqankutapis mana jap'erqanichu?, nispa.

Proverbios 8:10

Qolqeta, ch'uwa qorita jap'inaykichejmantaqa, jap'iychej ari yachachisqasniyta, allin imasta rejsiytawan.

Isaías 48:4

Chayqa karqa k'ullu kasqaykirayku, much'uykeqa fierro jina, frenteykipis bronce jina.

Jeremías 11:10

Ñaupa tatasninku juchasta ruwasqallankumantaj kutiykapunku. Paykunaqa mana kasuwarqankuchu. Chayrayku waj dioskunata yupaychaj churakorqanku. Israel, jinataj ñaupa tatasninkuwan tratota ruwasqayta p'akerqanku.

Jeremías 32:33

Paykunaqa wasanchawanku, waj ladollata qhawanku. Mana uj ratopis paykunaman yachachiytaqa saqerqanichu, mana kasuwarqankuchu, k'amichikuytapis mana munarqankuchu.

Jeremías 35:15

Kamacherqaykichej qhepampi qhepampi, tukuy kamachisniy profetasta ninasuykichejpaj: Jucha ruwaykunasta, millay ruwaykunastapis saqeychej. Ama waj dioskunaj qhepanta ripuychejchu, nillataj yupaychaychejchu, jinamanta qankunaman, jinataj ñaupa tatasniykichejmampis qosqay jallp'api tiyakullankichejpuni. Jinapis qankunaqa mana kasuwarqankichejchu, nitaj nisqasniyta junt'arqankichejchu.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Jeremías 6:8

Allinta reparakuy, Jerusalén, mana t'aqakusunayta, munaspaqa ch'in pampaman, mana uj runayojmantaj tukunaykipaj.

Jeremías 7:28

Niy: Kaymin chay nacionqa Señor Diosninta mana kasojqa, nitaj kasukuyta munajqa. Chay cheqan kaj ruwayqa mana kanchu, manañataj ujtawan chaymanta parlallankupischu.

Ezequiel 20:13

Astawampis israelitasqa ch'in pampapi contrayta sayarerqanku. Mana leyesniyman jinachu purerqanku, kamachisqasniyta qhesacharqanku. Chaykunata junt'aj runaqa kausanqa. Samakunay p'unchaykunasniytaqa manapuni kasuta ruwarqankuchu. Chayrayku noqa nerqani ch'in pampapi paykunata phiñakuyniypi tukuyninkuta chinkachinayta.

Ezequiel 20:16

Paykunaqa kamachisqasniyta qhesacharqanku, leyesniyta mana kasorqankuchu, samakuna p'unchaykunasniyta mana kasuta ruwarqankuchu, sonqonkupi lantisnillankuta yuyasqankurayku.

Ezequiel 20:21

Paykunaj wawasninkutaj contrayta jatarillarqankutaj. Mana kamachisqayman jinachu purerqanku. Yachachisqasniyta mana waqaycharqankuchu, nitaj junt'arqankuchu. Junt'ajqa kausayta tarenqa. Samakuna p'unchaykunasniyta mana kasorqankuchu. Chayrayku, noqa yuyarqani ch'in pampapi paykunaj patankuman k'ajaj phiñakuyniyta urmachimuyta, ajinamanta paykunapi phiñakuyniymanta samarinaypaj.

Sofonías 3:7

Yuyarqani ajinamanta Jerusalén llajta manchachikunawanta. K'amisqaytataj jap'ikunanta, chay jinamanta noqa jasut'ejtiy ama aylluntin wañunampaj. Aswampis paykunaqa usqhaychakorqanku tukuy laya sajra ruwanasman.

Hechos 7:51

Estebanqa nillarqataj: Qankunaqa mana yuyayniyoj rumi sonqos, mana uyarikojtaj kankichej. Chayrayku Santo Espíritoj contrampi kankichej, ñaupa tatasniykichej jina, wapuchakunkichejtaj.

Jueces 6:10

Nerqaykichejtaj qankunaman, noqa kasqayta qankunaj Señor Diosniykichej, manataj manchachikunaykichejta amorreospa dioskunasninkumanta, kunampis paykunaj jallp'ankupi kashankichej, chaywampis qankunaqa mana kasuwarqankichejchu.