Jeremías 17:22 - Qheshwa Biblia DC

²² Amallataj samakuna p'unchaypeqa wasisniykichejmanta cargasta orqhoychejchu, amataj imatapis chay p'unchaypeqa ruwaychejchu. Chay samakuna p'unchaypeqa noqata yupaychawaychej, imaynatachus ñaupa tatasniykichejman kamacherqani ajinata.

DIOSPA QHELQACHISQAN DEUTEROCANONICAL

²² Amallataj samarina p'unchaypi wasiykichejmanta q'epillatapis orqhoychejchu, nillataj ima ruwanallatapis chay p'unchaypi ruwaychejchu. Manachayqa samarina p'unchaytaqa noqapaj t'aqapuwaychej, imaynatachus ñawpa tataykichejman kamacherqani, ajinata.

DIOSPA QHELQACHISQ

²² Amallataj samarina p'unchaypi wasiykichejmanta q'epillatapis orqhoychejchu, nillataj ima ruwanallatapis chay p'unchaypi ruwaychejchu. Manachayqa samarina p'unchaytaqa noqapaj t'aqapuwaychej, imaynatachus ñawpa tataykichejman kamacherqani, ajinata.

Jeremías 17:22 ပူးပေါင်းရင်းမြစ်များ

Nehemías 13:15

Chay p'unchaykunapi rikullarqanitaj Judá ayllu ukhupi wakin runas samakuna p'unchaypi uvasta sarunaspi sarushasqankuta vinota ruwanankupaj, trigo q'apistapis marq'ashasqankuta. Rikullarqanitaj burrostapis vino chajnasqasniyojta uvas t'isnusniyojta, higokunasniyojta, tukuy laya q'epis chajnasqasniyojta qhatirikuspa Jerusalén llajtaman samakuna p'unchaypi apashajta. Chaypacha k'amerqani chay samakuna p'unchaypi vendenasninkuta vendemushasqankumanta.

Éxodo 23:12

Sojta diata llank'anki, qanchis kaj diapitaj samarikunki, wakasniyki, burrosniyki samarikunankupaj; jinallataj warmi kamachiykej wawan kallpachakunampaj, jinallataj waj llajtayoj kajpis.

Isaías 58:13

Sichus samakuna p'unchaypi mana purinkichu, nitaj ajllakusqay p'unchaypi munayniykita ruwankichu, ninkitaj chay p'unchayqa Señorpa sumaj p'unchaynin kasqanta; chay p'unchaypichus payta yupaychanki, mana imatachus munasqaykita ruwaspa, mana qampa munasqaykita mask'aspa, manataj qampa palabrasnillaykitachu parlaspa kanki chayqa, may kusisqa tarikunki Señorman parlaspa; chay jallp'aj jatuchaj orqosninman noqa wicharichisqayki. Noqa mikhuchisqayki tataykej Jacobpa chayaqen jallp'api. Kaytaqa kikin Señorman nisunki.

Jeremías 17:24

Señor nillantaj: Cheqamanta kasuwaychej, amapuni samakuna p'unchaypeqa kay llajta punkusnejta cargasta apaychejchu. Chay p'unchaypeqa yupaychawaychej, t'aqasta kachun, amataj ima ruwana kajtapis ruwaychejchu.

Ezequiel 20:12

Chantapis, paykunaman qollarqanitaj samakuna p'unchaykunasniyta noqawan, paykunawan uj señal kanampaj, yachanankupajtaj noqa Señor paykunata ajllakusqayta.

Ezequiel 22:8

Ajllakusqay cheqasta, chantá samakunay punchayniytapis mana kasuta ruwarqankichu.

Levítico 19:3

Sapa ujniykichej respetachun tatanta, mamantawan. Jinallataj waqaychachun samarina p'unchaykunasniyta. Noqamin Señor Diosniykichejqa kani.

Levítico 23:3

Sojta p'unchayta llank'anki, qanchis kaj p'unchaypitaj mana imatapis ruwankichu. Chay p'unchayqa qampaj uj sumaj p'unchay kanqa samarikunaykipaj. Sumaj tantakuytaj kanqa. Maypichá tiyakunki chaypi chay diaqa samarikunaykipaj, Señorta jatunchanaykipajtaj kanqa.

Zacarías 1:4

Ama ñaupa tatasniykichej jinachu ruwaychej. Paykunaman Diospa ñaupa profetasnin parlarqanku noqaj sutiypi: Saqeychej sajra puriyta t'aqakuychejtaj chay millay ruwaykunamanta, noqa Señor kayta niykichej. Paykunataj mana uyariwarqankutaj nitaj nisqayta kasuwarqankuchu.

San Lucas 23:56

Wasinkuman kutirispataj, wakicherqanku q'apaj jampista, jawinastawan. Chantá samarikorqankutaj, samarina día kasqanrayku, kamachisqaman jina.

San Lucas 6:5

Nillarqataj: Runaj Churenqa samakuna p'unchaypata Señornin.

Apocalipsis 1:10

Uj kuti Señorpa p'unchaynimpi, Espíritoj atiyninwan kasharqani, qhepaypitaj uj sinch'ita parlamojta, trompetaj waqayninta jina uyarerqani.