Jeremías 17:11 - Qheshwa Biblia DC

¹¹ Pichus mana llank'aspalla qhapajyakojqa, rijch'akun chay mana paypa runtusnillanta ojllakapoj pampa yuthusman. Chay qhapaj kaynintaqa wayna kaynillampitaj saqenan kanqa, qhepamantaj uj wampu kasqallan yachakonqa.

DIOSPA QHELQACHISQAN DEUTEROCANONICAL

¹¹ Pichus millayta ruwaspa qhapajyajqa rijch'akun mana paypa runtullanta ojllaj yuthuman. Chay runa kallpallanpiraj kashajtin, qhapaj kapuynin chinkarenqa, qhepamantaj wajchaman tukonqa.

DIOSPA QHELQACHISQ

¹¹ Pichus millayta ruwaspa qhapajyajqa rijch'akun mana paypa runtullanta ojllaj yuthuman. Chay runa kallpallanpiraj kashajtin, qhapaj kapuynin chinkarenqa, qhepamantaj wajchaman tukonqa.

Jeremías 17:11 ပူးပေါင်းရင်းမြစ်များ

Job 20:21

Ni imapis qhepakorqanku mana mikhusqanqa, chayrayku chay allin kaynenqa mana unaypajchu kanqa.

Salmos 49:13

Ajinata tukukunku paykunallapi atienekojkunaqa. Ajinapi tukukunku paykunallamanta alabakojkunaqa.

Salmos 55:23

Chaywampis, qan Diosníy, paykunata jallp'aj sonqonman chinkaykuchinki. Runa wañuchiswan, llullaswanqa, mana khuskan kausayllatapis kausanqankuchu. Noqari qanllapi atienekuyki.

Proverbios 13:11

Qhasillamanta kapuykunaqa wajwallilla; pichus pisimanta pisi tantan chayqa, ashkhayachenqa.

Proverbios 15:27

Kapushajtin waj imastapis astawan munapayajqa wasillantataj urmachin; pichus lluk'iykuchikuyta qhesachajrí, kausanqa.

Proverbios 21:6

Llullakuspalla may jatunta yuyaspa qhapajyayta mask'ayqa, wañuyllata mask'an.

Proverbios 23:5

Allintachus qhawarikuwaj chayqa, qhapajyayqa mana imachu, qhapajyayqa irpa ankas lijrachakuytawan phawaspa ripunku jinalla.

Proverbios 28:16

Mana yuyayniyoj wampu kamachejqa astawan yapakonqa mana allin kayta; qolqeta mana munapayajqa unayta kausanqa.

Proverbios 28:20

Cheqan kaj runaqa allin imasta jap'enqa; sinch'ita qhapajyayta munajqa, jasut'isqa kanqa.

Proverbios 28:22

Mich'a runaqa usqhayllata qhapajyayta munan, manataj yachanchu paypa patanman wajchayay jamunantaqa.

Proverbios 28:8

Qolqe reditosta mañaspa qhapajyajqa, tantapun wajchasta khuyakojllapaj.

Jeremías 22:13

Ay, qanmanta sajra ruwasqasniykiwan, manataj cheqan ruwasqasniykiwanchu oqharerqanki palaciosniykita, jatuchaj wasisniykita ima. Wakintataj mana jornalninmanta pagaspalla qhasimanta llank'acherqanki.

Jeremías 22:17

Qanrí, mana kajmanta qolqeta jap'iyllata munanki, mana juchayojkunata wañuchinki, runasniykita ñak'arichinki, waqachinkitaj.

Jeremías 6:13

Tukuyninku jatunmanta juch'uykama yuyanku qhasi manakajmanta qolqeta jap'iyllataña; profetas, jinatataj sacerdotespi llulleriosninkuwan ch'aukiyanku.

Jeremías 8:10

Chayraykutaj warmisninkuta waj qharisman jaywaykusaj, jallp'asninkutapis wajkunaman. Jatun juch'uy qhasi mana kaj, qolqeta jap'iyllataña yuyanku. Sacerdotes, jinataj profetaspis tukuyninku ch'aukiyanku.

Amós 3:10

Señorqa nin: Mana yachankuchu imatapis allinta ruwayta, palaciosninkupitaj kallpawan mithaspa suwasqasninkuta waqaychanku.

Miqueas 2:9

Warmista wijch'urankichej munasqa wasisninkumanta, wawasninkutataj wiñaypaj jark'akunkichej honrata paykunaman qosqaymanta.

Miqueas 7:3

Juchata ruwanapajqa maestros kanku, chay kurajkunapis t'inkasta apamunankuta kamachinku, juezkunasri wajkunawan rantichikunku, atiyniyoj kajkunataj munasqankuman jina ruwaspa llajtata juchallichinku.

Sofonías 1:9

Chay p'unchaypi jasut'illasajtaj wasisman phinkispa yaykojkunata, ch'ajwaywan ch'aukiyasqankuwantaj patronesnimpa wasinman junt'achejkunata.

Zacarías 5:4

Tukuy Atiyniyoj Señor nin: Noqa kachamuni kay maldiciontaqa, pischus suwanku, pistajchus qhasimanta sutiypi juranku chaykunaj wasinman yaykunampaj. Chay maldiciontaj chaypi qhepakonqa, k'aspis jinataj rumis ni uj puchuyoj kanankama, nispa.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

San Mateo 23:13

Ay qankunamanta leymanta yachachejkuna, fariseos puraj uyas! Qankunaqa, janaj pacha reinota wisq'ankichej runakunamanta; manataj qankuna yaykunkichejchu, nitaj yaykuyta munajkunatapis saqenkichejchu yaykunankuta. [

San Lucas 12:20

Diostaj payman nerqa: Wampu, kunan ch'isipacha almaykita mañaj jamonqanku; pipajtaj kanqa chay tantasqaykiri?

1 Timoteo 6:9

Qhapajyayta munajkunaqa, sajra munaywan atipachikuspa, tojllapi jina urmanku, tukuy qhasi munapayaykunaman. Chaykunaqa runasta wañuyman apanku, chinkaymantaj.

Tito 1:11

Chaykunataqa ch'inyachina tiyan. Chaykunaqa pejtunku wasintinta mana kajta yachachispa, qhasimanta qolqeta jap'ispa.

2 Pedro 2:14

Ñawisninkoqa qhenchachakuywan junt'a kanku, juchallikuywantaj mana sajsakunkuchu; pisi kallpachasqa runasta ch'aukiyaspa juchallichinku, sonqonkupis tukuy imata munapayayman yachasqa, maldicisqastaj kanku.

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.